Monday, October 11, 2021

హమ్మయ్యా దరిద్రం వదిలింది!

భూతకాలం:

నేల మీద నిద్ర

నిద్ర సుఖమెరుగదు

12 నుండి 14 గంటల సుబ్బరమైన నిద్ర నేలతల్లి ఒడిలో

భూతకాలం 1:

నేల మీద గడ్డిపరచి నిద్ర

నిద్ర సుఖమెరుగుతోంది

10 నుండి 12 గంటల సుబ్బరమైన నిద్ర గడ్డితల్లి ఒడిలో

భూతకాలం 2:

నవారు, కంబారు తాడు మంచాల మీద నిద్ర

నిద్ర అతిసుఖమెరుగుతోంది

8 నుండి 10 గంటల సుబ్బరమైన నిద్ర తాడుతల్లి ఒడిలో

వర్తమాన కాలం:

పట్టుపరుపుల మీద నిద్ర

అమ్మో, అయ్యో, నొప్పులు, ఇంకా సుఖం కావాలి

నిద్ర కళ తప్పి, నిద్ర పట్టని కాలం ముంచుకొచ్చేస్తోంది

6 నుండి 8 గంటల బాధాకరమైన నిద్ర పట్టుతల్లి ఒడిలో

వర్తమాన కాలం 1:

పట్టుపరుపుల కన్నా సుఖమైన హంసతూలికల మీద నిద్ర

వామ్మో, వాయ్యో, నొప్పులే నొప్పులు, ఇంకా సుఖం కావాలి

నిద్ర అతాతిసుఖమెరుగుతోంది

నిద్ర కళ తప్పి, నిద్ర లేక బాధపెడుతోంది

4 నుండి 6 గంటల బాధాకరమైన నిద్ర హంసతల్లి ఒడిలో

వర్తమాన కాలం 2:

హంసతూలికల కన్నా సుఖమైన పిండాకూడుతల్పాల మీద నిద్ర

ఓలమ్మో, ఓర్నాయనో, నొప్పులే నొప్పులు, ఇంకా సుఖం కావాలి

నిద్ర నితాంతాతాతిసుఖమెరుగుతోంది

నిద్ర కళ తప్పి, నిద్ర లేక బాధాధికంగా బాధపెడుతోంది

2 నుండి 4 గంటల బాధాధికరమైన నిద్ర పిండాకూడుతల్లి ఒడిలో

భవిష్యత్ కాలం:

పిండాకూడుతల్పాల కన్నా సుఖమైన శ్రాద్ధపుతల్పాల మీద నిద్ర

ఎందుకొచ్చిందీ కాస్త నిద్ర దీని దెవసం జెయ్య, ఎప్పటికి సుఖం అనుభవిస్తానో

1 నుండి 2 గంటల నిద్ర శ్రాద్ధపుతల్లి ఒడిలో

భవిష్యత్ కాలం 1:

శ్రాద్ధపుతల్పాల సుఖమైన శ్మసాన తల్పాల మీద నిద్ర

ఎప్పటికి సుఖం అనుభవిస్తానో

1 నిమిషం నుండి 2 నిమిషాల నిద్ర శ్రాద్ధపుతల్లి ఒడిలో

భవిష్యత్ కాలం 2:

మానవజాతి నశించింది

హమ్మయ్యా దరిద్రం వదిలింది

భూమికి భారం తగ్గింది

సుఖం అనే పదం సుఖంగా ఉండొచ్చు

No comments:

Post a Comment