Monday, January 25, 2021

ఈవేళ వీడి అంతు చూడాల్సిందే!

 అటువైపున చురకత్తి తీసుకుని జేగురు బ.నా అంతు చూద్దామని అతని వైపు వేగంగా వెళుతున్న ద్రావణిని, ఎప్పుడు లేచిందో ఏమో, పరిగెత్తుకుంటూ వచ్చిన తిల్మా చెయ్యి ఆపింది

"జరుగు అమ్మా, జరుగు! ఈవేళ వీడి అంతు చూడాల్సిందే!" అంటు తిల్మాను పక్కకు తోసింది ద్రావణి

ఆ తోపుడికి ఆ పక్కనే నిలబడ్డ సిరియాళ్ సురేశ్ మీదకు వెళ్ళి పడింది తిల్మా

అప్పటికే ద్రావణి చేతిలో చురకత్తి చూసి పాంటు తడుపుకున్న సిరియాళ్ సురేశ్ చేతులు పైకెత్తి ఎవరికో దణ్ణం పెడుతూ గొణుక్కుంటూ ఉన్నాడు

ఇంతలో తిల్మా వచ్చి మీద పడేప్పటికి ఆ ఊపుకు తట్టుకోలేక కాలుజారి పక్కనే ఉన్న పేడకుప్పలో పడిపోయాడు

అయినా వెంటనే లేచి, జేగురు బ.నా వైపు దూసుకుపోతున్న ద్రావణి ని చూసి కంపించిపోతూ తన మీద పడ్డ తిల్మా కాళ్ళు పట్టుకుని "ఈ ఘోరం జరగకుండా ఆపే బాధ్యత నీదే" అంటూ కళ్ళనీళ్ళ పర్యంతం అవుతూ ఉండగా జేబిలో ఉన్న సెల్ ఫోను మోగింది

అంత ఇదిలోనూ ఫోను తీసి ఎవరా అని చూశాడు

మొహం కాస్త తేటపడింది

వెంటనే ఫోను స్పీకరులో పెట్టి "మర్హబా! తాపిసర్ (హలో తాపిసర్)" అంటూండగా అటువైపునుంచి ఠిన్వ్ ఠిన్వ్ అంటూ కమాంజా వాయిద్యం వినపడుతూ "సిర్యా సిర్యా సంస్కుర్ద కీఫ్ హాలిక్ (సిర్యాకే తలమానికమైన సమ్షేర్ సిరియాళ్, ఎలా ఉన్నావ్) " అని పీల గొంతుక ఒకటి ఆ ప్రాంతాన్ని ముంచెత్తింది

"అన్నా లిష్ట్ ఒల మ యారం. కీఫ్ హాలిక్ (నా పరిస్థితేం బాలేదు ఇక్కడ. నువ్వెలా ఉన్నావ్)" అన్నాడు కాస్త దీనంగా ఇటుపక్కనుంచి సిరియాళ్ సురేశ్

"మజా హాదత్? (ఏమిటయ్యింది)" అని అడిగింది ఆ పక్కన పీలగొంతు

"ఖతెర్ ఖతెర్ బలాత్కార్ జువయిం కు ఖతెర్ తపిసర్. లిష్ట్ ఒల మ కుయ్యారం (అపాయం అపాయం మన బలాత్కార్ తండా లీడరుకు అపాయం తాపిసర్. పరిస్థితి చెయి దాటిపోయేలా ఉంది)" అన్నాడు సిరియాళ్

"వకెఫ్ అల్ కమాంజా ముజికి. జాలిం అదిమా ఫయిదా (ముందు ఈ కమాంజా సవుండు గోల అప్పమని చెపుతా వీడికి, చంపేస్తున్నాడు ఇందాకణ్ణుంచి.యూజ్లెస్ ఫెలో)" అని ఫోన్ మ్యూట్ చేసిన శబ్దం వచ్చింది

పక్కనే నిలబడ్డ తిల్మాకు అంతా అర్థమవుతూనే ఉన్నది

అప్పుడు....

No comments:

Post a Comment