Thursday, December 29, 2016

ముదిగొండ కోటయ్యశాస్త్రిగారు 1921లో రాసిన కృష్ణాపుష్కర మహత్యము అనే రచనలో ....





Thursday, December 22, 2016

ఏదన్నా అనుకోండి కాని - ఆ వర్డ్స్ వర్తు పోయెం ...

స్వేచ్ఛానుకరణ, స్వేచ్ఛానుసరణ, స్వేచ్ఛానువాదం - ఏదన్నా అనుకోండి కాని , అసలు ఆ వర్డ్స్ వర్తు పోయెం చదివినపుడు రాసుకొన్న అక్షరాలు...

Jan 14, 2011

His poem here

******************
The world is too much with us; late and soon,
Getting and spending, we lay waste our powers;—
Little we see in Nature that is ours;
We have given our hearts away, a sordid boon!
This Sea that bares her bosom to the moon;
The winds that will be howling at all hours,
And are up-gathered now like sleeping flowers;
For this, for everything, we are out of tune;
It moves us not. Great God! I’d rather be
A Pagan suckled in a creed outworn;
So might I, standing on this pleasant lea,
Have glimpses that would make me less forlorn;
Have sight of Proteus rising from the sea;
Or hear old Triton blow his wreathèd horn.

********************





 

Wednesday, December 14, 2016

Dhruva Movie Review - అది నాకు తప్ప వేరెవరికీ తెలియదు...

Dhruva Movie Review

***********

నాకు ఆ సినిమా 0.00001% నచ్చిందా లేదా అన్నది ప్రశ్న

రామచరణం అనే అబ్బాయి సినిమా చూట్టం ఇదే మొదలు నాకు

కొన్ని కొన్ని సినిమా విడుదలలు మా ఆవిడకు చెప్పకుండా దాచిపెడుతూ ఉండటం వల్ల చాలా వారాంతాలు ప్రాణం ప్రశాంతంగా ఉన్నా, కొన్ని కొన్ని వారాంతపు రోజులు మా ఆవిడకు న్యూసు తెలిసిపోతూ ఉంటుంది...

వీళ్ళ దోస్తుస్నేహితం బంగారంగాను... నోట్లో ఆవగింజన్నా దాచిపెట్టుకుంటారు కానీ, రామచరణం సినిమా న్యుసు దాచుకోలేరు మాయావిడ స్నేహితురాండ్రు

ఏనాటి పుణ్యము వలనో అలాటి వారంతాలలో ఈ వారంతం ఒకటిగా చరిత్రలో మిగిలిపోయింది

అందువల్ల ఈరోజు ఆర్డరేసింది టికెటు తెచ్చెయ్యండి స్వామీ, ఐదింటికే అన్నం గిన్నం జన్నం వండేస్తా, కావాలంటే సమోసాలు కొనిస్తా హాల్లో తిందురు గాని - ఆ తర్వాత ఇంటికొచ్చి మళ్ళీ అన్నం తిందురు గాని అని...

సరే అని "ధ్రువ" అనబడు "ధృవ" అనే సినిమా చూస్తిని

మొదటి భాగములో ఆయన అందచందాలు, ఆ అందాల చందాల చాటున దోబూచులాడిన హావభావాలు చూచి అమెరికను స్క్రీనులోని చైనా పోగులు చెలగి చిరిగి పులకించినట్లు నా మదిలోని తంత్రులు కూడా ఊడలు తెంచుకుని పాతాళము వైపు పరుగులు తీసినవి. స్క్రీనుప్లే అను పదార్థము జిగురుగా పట్టి నన్ను సీటుకు ఆంచి ఉంచకపోతే మహిరావణ మర్దన జరిగెడిది

ఇంటర్వెల్లు తరవాత అందుకున్నది సినిమా

రామచరణమూ, ఆవిడెవరో రాకురాకు ప్రీతి ట - ఇద్దరూ కలిసి పాడుకున్న పాటలో రామచరణం - జేంసుబాండు సినిమాలో సముద్ర స్నానం చేస్తూ బికినీలో బయటకొచ్చిన కండల హాలీబెర్రీలా ఈయనా సముద్రంలోంచి లేచివచ్చినాడు. ఆ పాటయందలి ఫోటోగ్రఫీ సినిమా అంతా ఉండిన బాగుండెడిది.

పోతే విచిత్రముగా అన్ని పాటలు ఒక చరణము, సున్నా పల్లవులతో సరిపెట్టినారు. ఆ ప్రయోగము బాగున్నది ఎందుచేతనో

కండల రామచరణాన్ని చూచి ఈమధ్య మిడిగుడ్ల అమీరుఖాను స్టెరాయిడు కండల గురించి ఎక్కడో ఏ గోడ మీదో చదివిన సంగతి గుర్తుకు వచ్చి పట్టి చూస్తిని. అనుమానం వచ్చినది. పైగా ఆయన రెండు బస్కీలు తీసి ఆయాసపడుతున్నటుల యాక్షను చేశినాడు. అంత కండలు పెట్టుకొని రెడు బస్కీలకు ఆయాసము రావుటేమి ? ఏమో ఆ కండలకే తెలియవలె

గౌతము అని ఒకానొక రామచరణం మిత్రుడు - ఒక పిల్లి కళ్ళాయనను - నోట్లో భస్మము కొట్టి మరీ చంపినారు ఈ సినిమాలో. ఆయన చచ్చిన ప్రదేశము ఫార్మసూటికల్ కంపనీకు కొత్త ఆఫీసు అని విలను వాండు చెప్పినడు. ఆ పిల్లికళ్ళాయనేమో డెక్కను ఆటోమొబైల్సుకు రమ్మని రామచరణాన్ని రమ్మని ఫోనుయందు పిలిచినాడు . అది ఎందుచేతనో మరియొకసారి అర్థము కాలేదు

ఆ తరువాయి గుండెలో బుల్లెటు దిగగా, కాపాడిన డాక్టరు చేత రామచరణానికి స్పై బగ్గు పెట్టి రామచరణం ప్లానులన్ని తెలుసుకుంటాడు విలను. ఇక్కడ ఈ విలను గురించి ఒక మాట చెప్పవలె. ఒకప్పుడు రోజా పువ్వేలే అంటూనో, రోజా నువ్వేనో అంటూనో అదేదో మట్టిమాణిక్యాలాయన తీసిన సినిమాలో మంచుకొండల్లో పొగమంచులో నిలబడి మొహం కనపడకుండా పాడిన ఈయన, ఈ రోజు అదే పొగమంచు కప్పబడిన మొహముతో, అందు హావభావాలు పలికించ ప్రయత్నము చేయుచు విలనుగా పూర్తిగా విఫలమయినాడు.

ఆయన సినిమాల నుంచి విశ్రాంతి తీసుకొని ఉన్నపుడు ఊరుకున్నవారు ఊరుకొనకుండ ఆయనను సినిమాకు తీసుకొని వచ్చి మనకు పొగ పెట్టినారు, పొగ మంచుతో కప్పి దగ్గించినారు. అదియే విలనిజము అనుకొనిన యెడల తూరుపు తిరిగి ఏదో చెయ్యవలెను

రామచరణం నాట్యము బాగుగా చేశినాడు. కండలు ఉబ్బి ఉన్నను, నాట్యమునకు సహకరించినవి. స్వరము తండ్రిగారైన చిరంజీవి స్వరము వచ్చినది. కళ్ళకు ఆ తురకవారి వలె దట్టమైన కాటిక పెట్టినాడెందులకో మొదట తెలియరాలేదు. ఆ తరువాత పరీక్షగా చూచిన పిదప అది మేకపు కాదని, ఆయన కనుపాపల రెప్పలే అటుల ఉన్నవని తెలియవచ్చి సంతసించితిని

అలా మొత్తానికి శుభం కార్డు పడినది. మా ఆవిడ సంతోషంతో గావుకేక పెట్టినది. గావుకేకకు కారణము సినిమా ఆవిడకు నచ్చినదట. వైషుకు కూడా నచ్చినదట. దానిని కూడా గావుకేకలు పెట్టుమని ప్రోత్సహించుచుండటముతో ఇద్దరి భుజముల చెరియొక చేయి వేసి థియేటరు బయటకు లాగుకొని వస్తిని

ఇంతకీ నాకు 0.00001% నచ్చినదా లేదా?

అది నాకు తప్ప వేరెవరికీ తెలియదు...

ఓం తత్ సత్!

Tuesday, December 13, 2016

రంగులద్దిన బొమ్మలు

రంగులద్దిన బొమ్మలు





మహాభారత యుద్ధంలోని కొన్ని వ్యూహాలు

మహాభారత యుద్ధంలోని కొన్ని వ్యూహాలు - 2012లో గీసుకున్నవి - కొన్ని








సొబగులద్దుకొన్న కొన్ని తెలుగక్షరాలు ....(3)

సొబగులద్దుకొన్న కొన్ని తెలుగక్షరాలు ....

వేసుకొన్న గీసుకొన్న బోలెడు అక్షరాలలో కొన్ని ఇక్కడ ఇప్పుడు

మరిన్ని వరుసగా...






Monday, November 21, 2016

సొబగులద్దుకొన్న కొన్ని తెలుగక్షరాలు .... (2)

సొబగులద్దుకొన్న కొన్ని తెలుగక్షరాలు ....

వేసుకొన్న గీసుకొన్న బోలెడు అక్షరాలలో కొన్ని ఇక్కడ ఇప్పుడు

మరిన్ని వరుసగా...










కపివరునకు కొబ్బరి చిక్కెన్ తీరున ఉన్నది తతంగమంతా!

కపివరునకు కొబ్బరి చిక్కెన్ తీరున ఉన్నది తతంగమంతా!

గుడ్లగూబ తాను పగటిపూట చూడలేనందులకు సూర్యుని నిందించినా పాపము లేదనునట్లు - కొందరు కఠినాత్ములు మనసును ఉద్దరువుగా సున్నిపిండియంత సున్నితముగా చేసుకొని మీటలను బరబర బరకుకొనుచు తమ పోష్టులతో నల్లధన పోషణ, మోదీ దూషణ చేసినా పాపము లేదనునది నైతిక సూత్రముగానెత్తుకొని పిడకలు కొట్టుకొనుచున్నారు ...

ఇక కవివరుల సంగతి చెప్పనే అక్కరలేదు...

అసలే కవులు, కపిపుంగవులు - అద్దాని మీద కపివరునకు కొబ్బరి చిక్కెన్ తీరున ఉన్నది తతంగమంతా!

మనవారి తీరు ఏమి అనగా - కొలది ఉదాహరణములు మననము చేసుకొనెదము

1) విమానమెక్కిన బాతురూములను నాశనమొనరించుట
2) అన్నమెక్కిన విస్తరులను వీధులయందు పారద్రోయుట
3) మదమెక్కిన మంచి చేయువానిని బూతులు తిట్టుట

ఇటుల ఎన్నియో ఎన్ని కోటానుకోట్ల పనులు పన్నాగములు ఉన్నవి

ఈ అరాచకము కూడా అందిటియందు ఒకటియే అనుకొనవలె

ఓం తత్ సత్!

Friday, November 18, 2016

ఉరకరా! ఊదరా! కొరకరా! తాగరా! తీర్చరా!

ఉరకరా! ఊదరా! కొరకరా! తాగరా! తీర్చరా!

***************

ఉరకరా! ఉరకరా! ఉరకరా! సోదరా
జఠరాగ్నుల దుంప తెంప ఇడ్డెనలపై ఉరకరా!


ఊదరా! ఊదరా! ఊదరా! సోదరా!
కుడుములుప్పొంగు వేడి ఆవిరి మూతితో ఊదరా!

కొరకరా! కొరకరా! కొరకరా! సోదరా
మూతి ముక్కు నోట కొట్టునటుల ఇడ్డెనులు కొరకరా!

తాగరా! తాగరా! తాగరా! సోదరా
గంగాళ సమానురాల మది తలచి సాంబారు కుడితి తాగరా!

తీర్చరా! తీర్చరా! తీర్చరా! సోదరా
కూసింత నెమ్మదించి వాలుకుర్చియందు భుక్తాయాసపు సేద తీర్చరా!

-- (సెప్టెంబరు 21, 2011)

-- ఆ రోజుల్లో, రాయప్రోలును ఒకరోజు చదువుతూ ఆయన రాసిన ఒకానొక మహోన్నత గీత కవిత చదివి, కూడనిదైనా - ఈ పేరడీ రాస్తిని ....

తప్పు చేసినానన్న గిల్టు ఫీలింగు ఉన్నది కాని, చేసిన తప్పు చెపితే పోతుందని ఇక్కడ వెయ్యటం

సొబగులద్దుకొన్న కొన్ని తెలుగక్షరాలు ....

సొబగులద్దుకొన్న కొన్ని తెలుగక్షరాలు ....

వేసుకొన్న గీసుకొన్న బోలెడు అక్షరాలలో కొన్ని ఇక్కడ ఇప్పుడు

మరిన్ని వరుసగా...






















వంకాయ పచ్చిపులుసో మాయమ్మ ....

వంకాయ పచ్చిపులుసో మాయమ్మ

**************************

పులుసో మాయమ్మ నిన్ను మరువజాలనే
రాచిప్పలో వంకాయ పచ్చిపులుసో మాయమ్మ 


వంకాయ పచ్చిపులుసో మాయమ్మ

అమ్మ నీదు పేరు బహు కమ్మగున్నాదే మాయమ్మ
ఈ మహిలో నిను బోలు వారలెవరున్నారే ఓయమ్మ

వంకాయ పచ్చిపులుసో మాయమ్మ

చల్ల పెరుగు పాలు శాకంబరాలు నీకు సాటిరావమ్మ ఓయమ్మ
నీ సారమేమొ కాని భళా భళీయని చిందులేస్తినమ్మ మాయమ్మ

వంకాయ పచ్చిపులుసో మాయమ్మ

బంతిలో నిండు విస్తళ్ళకు కలిసి వెళ్ళేము మాయమ్మ
నాకంటె నాకెక్కువెయ్యమని గాండ్రులాడేము ఓయమ్మ

వంకాయ పచ్చిపులుసో మాయమ్మ

వడియాలు వేయించి పచిమిరప తగిలించి ఓయమ్మ
పోపు ఝాడించి జుర్రు జుర్రుతుంటేను సొరగమే మాయమ్మ

వంకాయ పచ్చిపులుసో మాయమ్మ

గొంతు దిగినాక మాకు వళ్ళు తెలియదే మాయమ్మ
వళ్ళంత పులకించి ఒడలి పోతీనే మాయమ్మ

వంకాయ పచ్చిపులుసో మాయమ్మ

-- (మార్చి 16, 2010)

Wednesday, November 16, 2016

నరేంద్ర మోదీ గారి మీద ఒక......

నరేంద్ర మోదీ గారి మీద ఒక......

*********************

విశ్వంతర వినువీధులలో
వినిపించిన పొలికేకకు
మేల్కొన్నది ప్రపంచమంతా

యుగయుగాలుగా నిదురిస్తున్న
నల్లడబ్బును పలుకరించింది
స్వప్నంలో నరేంద్రుడి చర్నాకోల

నిదురమైకం వదిలిపోయిన
స్వార్థపూరిత స్పర్ధయాత్రా
అంతిమాంకంలో
ఆశాపూరిత వీణావాద్యం
వినిపించింది ప్రజాజగాన

శుభోదయంలో వికసిస్తున్న
పుష్పరాగంలాగా
లేస్తున్నారు జనమంతా

పూరించారు శంఖం
సాగిస్తున్నారు సమరం

కష్టాలకు వెరవక
నిలబడినారు పంక్తులలో

బారులు బారుల వరుసలో
మిలటరీ కవాతులు ఎడదలో

జమచేస్తున్నారు ధనమంతా
బేజారెత్తినారు బినామీలంతా

గాలిలో తెరచాపలెత్తి
సాగుతుంది సమాజం

విస్తుపోయి చూస్తుంది
రాజరికపు బానిసత్వం

విషపు కాట్లతో వ్యధ చెందిన
ఘడియలు...

నరేంద్రుని శాసనాలు
రేచులలా వేటాడుతున్నయ్
అమానుష అత్యాచారాలను
అహంకారపు అవినీతిపరులను

తీవ్రతరమవుతోంది నానాటికి
ఐక్యసంఘట నోద్యమభావం

వుదయించిన మోదీరావం
యిక సహియించదు
అహంకారం!

అణగారిన ఆవేశపు
అగ్ని పర్వతం
వర్షించింది లావాద్రవం

ప్రతిమానవ హృదయంలో
ఆలోచనా తరంగాలు
ధరించినయ్ కిరీటాల్ని

చింతించినయ్
గతదీర్ఘపు మౌఢ్యానికి

పూలరధం చేరుకున్నది
పరిపాలన యంత్రాంగపు
సరిహద్దులు

వత్సరాల తరబడి
వెచ్చించిన రక్తానికి
కార్చిన కన్నీటికి
ముడుతున్నది ప్రతిఫలం నేడు!


-- (1950 మొదటిభాగంలో ఒకానొక ఏప్రిల్ మాసంలో ఒకానొక ఆదివారం విడుదలైన విశాలాంధ్ర పత్రికా ప్రతిలో ఎం.ఎస్.శర్మగారని ఒకాయన రాసిన కవిత దీనికి ప్రేరణ) 
-- (2009లో దోశ కు అన్వయించి రాసుకున్న ఒకానొక రాతను ఈనాటి పరిస్థితిని చూచి కొద్దిపాటి మార్పులి చేర్పులు చేసి పబ్లిషు చేసినాను..అంతే!)

Thursday, November 3, 2016

కడుపు మంట కవితను....

********************
అనురాగం పిండే అయితే
ఆనందం అట్టే అయితే
మేం పరిగెత్తుకు వచ్చేస్తాం
కరకరగా నమిలేస్తాం


వంటిల్లొక నందనవనమై
ఇనుమే ఒక పెనమే అయితే
మేం కట్టెపేళ్ళుగా మండేస్తాం
ఆకాశానికి ఎగసేస్తాం

ఈ వలల కేళి గృహంలో
రుచులే ఒక విరిపాన్పైతే
మేం రాజఠీవితో వచ్చేస్తాం
నాల్కలు బారుగ చాపేస్తాం

మీ నిద్రా సుఖ సమయంలో
స్వాప్నిక ప్రశాంతి నిలయంలో
అట్లుగా కలలలో వచ్చేస్తాం
చొంగలు చొల్లులు కార్చేస్తాం

మీ హేమాసన పాత్రల్లో
మీ స్వప్నజగతి యాత్రల్లో
మా అట్టుధార నింపేస్తాం
మీ నాల్కను జారుడు చేస్తాం.

పానకపు అట్లగా వచ్చేస్తాం
నోట్లో అలా ఇలాగ జారిపోతాం
మా ప్రాణాలైనా విడుస్తాం
మీ కడుపును కాపాడేస్తాం.

-- బైరాగి మాష్టారు రాసిన ప్రసిద్ధ "అనురాగం అంబరమైతే" కడుపు మంట కవితను (చీకటి నీడలు కవితా సంపుటి అనుకుంటా) చదివినాక ఆయన ఏడుపును ఒక పేలవమైన ఆనందంగా మార్చే ప్రయత్నం చేస్తిని

-- ఎప్పుడు ? అట్టు ఆవేశం ఆవరించుకొనున్న 2011లో

-- చదివిన వారు ధన్యులు - చదవనివారి మరింత ధన్యులు

ఓం తత్ సత్!

రాబోకురా చందమామ - బసవరాజు అప్పారావు

1936 - రాబోకురా చందమామ - బసవరాజు అప్పారావు


ఆ శతకంలో ఈరోజటి తెలుగు సినిమా పాటలు!

జీడికంటి రామశతకము (1950) ప్రాంతాల్లో రాసింది

- ఆ శతకంలో ఈరోజటి తెలుగు సినిమా పాటలున్నాయ్....

కావాలంటే దేఖోండి




Wednesday, November 2, 2016

ఉపుమ సుఖముకై.....

*******************

ఉపుమ తినక బ్రతికి 
కులికి మురిసేకన్న
తిని రుచులనొంది
విలపింప మేలురా

ఉపుమ లేని నీ
కలిమి కాల్పనె వినుము
రుచులదీగెనె జీవఫలము
కాయునురా

ఉపుమకన్నను యెక్కు వే
ముందిరా యెల్ల
భోగభాగ్యముల కన్న
ఉపుమ యెక్కువరా

ఉపుమ సుఖముకై
ఉపుమ ముక్తికై
ఉపుమ ప్లేటుకై
యే మింక వలయురా?

-- జనవరి 16, 2011 (కనుమ రోజు టమాట జీడిపప్పు ఉపుమ తినినాక రాసుకొనిన పారడీ - మాతృక : దేవులపల్లి సాబు గారి ఒకానొక ప్రేమ కవిత)

Friday, September 16, 2016

అదిగదిగొ గోడ బాట - అందాల పోష్టు బాట

అదిగదిగొ గోడ బాట
అందాల పోష్టు బాట
ఎటనుండో ఎటనుండో
ఏ కీబోర్డు మీటనుండో

నిలకడ నిదర లేని
నీరువలె ప్రవహిస్తు
గమ్యం గృహం లేని
గాలివలె విహరిస్తు
మానస జీవనవర్తిని
కిలకిలగా కలకలగ
వెలుగుతున్న నరాలు
జివ్వున లాగేస్తుంటే
రివ్వున చెయి గులిచేస్తుంటే

ఏ తలపున పుట్టిందో
ఎటుల చెప్పగలము మనం
ఏవాడు వస్తాడో
ఏవాడు లైకుతాడో
ఎవరు చెప్పగలరు నిజము

షేరుఖాను వస్తాడో లేడో
షేరు చేస్తాడో లేదో
ఇరాకు పోతుందో
మొరాకో పోతుందో
ఈజిప్టు పోతుందో
సిరియాకు పోతుందో
ఎక్కడికో ఎక్కడికో
ఎవరెరుగని ఏ లైకరు దగ్గరికో

అడవి చూసి హడలిపోదు
గుట్ట చూసి కృంగిపోదు
నీరు చూసి నిలచిపోదు
మిట్ట చూసి బెదరిపోదు
మండే ఎడారులు కాని
మంచు దిబ్బలె కాని
కందకాలు కాని
కంటకాలు కాని
దాటిపోదు ఏదీ
నా సునిశిత దృష్టిని
నా గరుకు గోడని

అన్నిటినీ పట్టేస్తా
అన్నిటినీ వేసేస్తా
నా ఆలోచనల గ్రైండరులో
తిప్పి తిప్పి తొక్కేస్తా
కస కస కొరికేస్తా
పస పస నలిపేస్తా
గుస గుస లాడేస్తా
పొలో మని అరిచేస్తా

ఆగిపోదు నా పోష్టుబాట
సాగిపోవు పోష్టుబాట

టికెటే లేక డిల్లీ పోతా
పాస్పోర్టు లేక మాస్కో పోతా
డాలరు లేక డలసు పోతా
ఉత్తర దక్షిణ ధ్రువాలు
నా కాలి కింద పడిగాపు
ఉరల్ పర్వతశ్రేణులు
నా వేలి కింద పడిగాపు

పోష్టులోన బలముంటె
ఎవరెష్టే ఎక్కేస్తా
సీజను టికెటే అక్కరలా
సృష్టంతా తిరిగేస్తా
విప్లవం దీన్నణిచేయలెదు
ప్రళయం దీన్ని చెరపలేదు
యుద్ధం హద్దు గియ్యలేదు
నా బాట రూపు మాసిపోదు

ఎవడేమన్నా ఎవడేమనుకొన్నా
కరకు సైనుబోర్డులాటిదన్నా
బ్రహ్మజెముడు కంపన్నా
దిట్టమైన కంచెన్నా
ఊగిపోయే జొన్నకంకన్నా
అన్ని దిసలా నేనున్నా
అల్లి బిల్లిగా నేనున్న

మర్యాదస్తులు, గిర్యాదస్తులు
కూలివాళ్ళు పాలవాళ్ళు
టీచర్లు ప్రీచర్లు
ఎవరైనా అంతే
అందరూ నాకు దణ్ణాలే

నా బాటే కాలిబాట
పరుగెత్తే ధూళిబాట
విసిరేసే అగ్నితోట
పొష్టుబాట గోడబాట
కలకాలం వర్ధిల్లు ఇచట


- పొట్లపల్లి రామారావు గారని ఒక అభ్యుదయ కవిగారు అలనాడెప్పుడో 1950ల్లో కాలిబాట అని ఒక కవిత రాస్తిరి. అది 2012లో దోశ భూతం ఆవరించుకుని ఉన్నప్పుడు దానికి వాడుకున్నా. దాన్నే పూర్తిగా రీవాంపు చేసి పోష్టులకి, గోడలకి, ఫేసుబుక్కుకు అన్వయించే ప్రయత్నం  చేస్తిని.

After couple of re-reads - I laughed at myself, pretty hard for the poor execution and choice of words but I have a bad habit of not changing anything once I pen it down..so take it easy, and I am not a poet. If you are feel free to shove your experience and massage it. Have fun

Thursday, September 15, 2016

ఎందుకో ఇది గుర్తొచ్చిందయ్యోయ్!

ఎందుకో ఇది గుర్తొచ్చిందయ్యోయ్!

**************

ఏమిటోయ్ కొత్త కొత్త వ్యాసాలు రాస్తున్నావట

ఆం , ఏదో - బసవడు శ్రీశ్రీ మీద రాస్తున్నాను

బసవడెప్పటివాడు ? శ్రీశ్రీ ఎప్పటివాడు ? ఇద్దరికీ సాపత్యం ఎట్లా కుదుర్తుంది ? దేనిలో కుదురుతుంది

ఇదిగో చూడు, సాపత్యాలు చూపించాలంటే బోల్డుంటాయ్. ఆయనకు రెండు చేతులున్నాయ్, ఈయనకు రెండు చేతులున్నాయ్, అది చాలదూ రాయటానికి ?

అదొక్కటి రాస్తే మిగిలినవి ?

అవే ఆ మిగిలినవే, రెండు కాళ్ళు ఓ ముక్కు ఓ నాలిక ఎట్లా ఉన్నాయో ఏమిటోనని ఒక 50 పుస్తకాలు ముందేసుకుని రాస్తున్నాను

ఆ సరీపోయింది. తోక సాపత్యం కూడా ఉన్నదేమో చూడు. 50 పుస్తకాలు ముందేసుకుని రాస్తే అదేదో కతుందే అట్లా అవుతుంది

ఎట్లా ? ఏ కత?

ఓ కెమిష్టు, ఓ ఫిజిసిష్టు, ఓ ఎకనామిష్టు ఓ పాడుబడ్డ ద్వీపంలో ఇరుక్కుపోయారట.

ఎట్టెట్టా! ఏం రోగమొచ్చిందీ అందరూ కట్టకట్టుకొని అక్కడికి పోటానికి ? సరే పడుబడ్డదంటున్నావుగా, బేతాళుడున్నాడా అక్కడ?

చెప్పెది ఇనకుండా ఎదవ దిక్కుమాలిన ప్రశ్నలు నువ్వూనూ - బేతాళుడి సంగతి తర్వాత చెప్తా కానీ, ముందు వాళ్ళ తిండిగోల చూద్దాం, వాళ్ళు బతికుంటేనే మన కత

సరే చెప్పు

అలా పాడుబడ్డ ద్వీపంలో ఆకలైకి మలమలమాడిపోతూ కింద మీదా కందమూలాలేవన్నా దొరుకుతయ్యేమోనని తవ్వి పారేశారు

బావుంది, వేరే చెట్లూ గిట్లూ పిట్టలూ ఏమీ లేవా అక్కడ?

లేవు. ఆముదం చెట్టొక్కటే ఉందిట నువ్వెళ్ళి ఆముదం తాగటానికి

ఆ, ఓ సారి తాగి చచ్చేపనయ్యింది మరుగుదొడ్డిని వదలాలలంటే. ఆ గోడలకే కరుచుకుపోయా

తవ్వారు తవ్వారు కందలు దొరకలా, మూలాలు దొరకలా, కానీ ఓ బిందె దొరికింది. మాట్లేసి మూత గాట్టిగా బిర్రుగా ఉన్నా దానికో చిన్న చిల్లు ఉంటం వల్ల అందులో ఏదో తినే పదార్థం ఉన్నదని వాసన ద్వారా కనిపెట్టారు వాళ్ళు

ఆ ఆ తర్వాత...

కెమిష్టు గాడన్నాడు - బిందె కింద మంటెడితే ఈలావున గాసొచ్చి ఆ ప్రెషరుకు మూతూడిపోద్ది అప్పుడు అందులో ఉన్నది చక్కా తినొచ్చు అని

ఎకనామిష్టు గాడన్నాడు - ఓ ముళ్ళచక్రం తయారు చేసి దాంతో మూత మీద తిప్పి తిప్పి దాన్ని ఊడగొట్టొచ్చు

ఫిజిషిష్టు గాడన్నాడు - ఛస్! ఆ కొండ మీంచి కింద పడేస్తే దెబ్బకు పగిలి అన్నీ బయటకొస్తాయ్ అని ఛటాలున లాక్కుని పరిగెత్తి కొండ మీంచి విసిరేశాడు

అట్లా విసరగానే ఆ బిందె ఇక తిరిగిరాని లోకాలకు వెళ్ళిపోయిందన్న సంగతి అర్థమై ఇక తిండి లేదన్న సంగతి ఎరికలోకొచ్చి కెమిష్టు, ఎకనామిష్టు లబోదిబోమని ఫిజిషిష్టు గాడిని చావగొట్టి చెవులు మూసి ఏడుస్తూ కూర్చున్నారు

ఆ తర్వాత ఏమయ్యింది

మిగిలిన కత నీ ముందున్న పుస్తకాల్లో ఉన్నది, వ్యాసం రాస్తూ ఉంటే నీకే తెలిసిపోతుంది

ఆ ఊర్కో! నేనేదో ఆ పుస్తకంలోదొక లైను, ఈ పుస్తకంలోదొక లైను ఎత్తి కాపీ చేసి ఇంతబారున రాస్తున్నా కానీ, అందులో సంగతేమిటన్నది నాకు తప్ప ఇంకెవడికీ తెలీదు

మరి అట్లాటి దానికి రాయటం ఎందుకు ?

రాయకపోతే ఊరుకోరుగా ?

ఎవరు ?

నా మనసు, ఆ బేతాళుడు వాళ్ళు

ఓ! సరి సరి. బాగుంది బాగుంది ఆ విధంగా ముందుకు పోతూ ఉండాలి అధ్యక్షా!

(ఫిబ్రవరి 26, 2013)

Wednesday, September 7, 2016

ఇంతకీ......

వ్యాసం కంటే ఇచ్చిన రెఫెరెన్సు పుస్తకాల లిష్టు అమెరికా నుంచి యూరపు దాకా గీసిన లంబకోణ గీతలా బారుగా ఉన్నది.....

ఇంతకీ 38 పుస్తకాలు రిఫరు చేసి రాసిన ఆర్టికలు మొదటి భాగం చదవాలా , ఆ 38 పుస్తకాలు చదివితే సరిపోతుందా అన్నది అర్థం కాలా

వెల్చేరు రాసిన సూరి - గిడుగు వ్యాసం ఈమాటలో చూసినాక అనిపించిన ఆలోచన పంచుకోవాలని...అంతే, అంతకు మించి ఏమీ లేదు...

పోనీ నువ్ రాయ్, ఎంత బారు రాస్తావో చూద్దాం అంటున్నావా?

బాగా పండిపోయావురా అబ్బాయ్! బాగా! ఇంతబారున ......

Thursday, August 25, 2016

అసలు వందేమాతరం పాడవలసిన తీరు ఇది అట

ఇప్పుడెవరన్నా పాడుతున్నారో లేదో తెలవదు కానీ - అసలు వందేమాతరం పాడవలసిన తీరు ఇది అట

1938 గృహలక్ష్మి పత్రిక నుండి

బేహాగ్ రాగం



Wednesday, August 24, 2016

మొదటి ఆంధ్ర శిశువు - మీదే ఆలస్యం ఈ చారిత్రక సంఘటనలో పాలుపంచుకోటం!

మొదటి ఆంధ్ర శిశువు - ఎవరై ఉంటారబ్బా అని అనుకునేవాణ్ణి - గృహలక్ష్మి పత్రికలో 1937 మార్చి న్యూసు ఇది - ఆ మొదటి శిశువు పేరేమో వనమీనాక్షి అట - అహా ఎంత సుందరమైన పేరు!

శ్రీ వంగల శివరాముగారు ఎవరికైనా తెలిస్తే వారితో ఆ న్యూసు పంచుకుని వారి కుమార్తె ఫోటో ఎవరైనా సంపాదించి పెడితేనో, ముఖ్యమంత్రి నారా వారికో, చంద్రశేఖరుల వారికో ఈ న్యూసు చేరవేయగలిగిన వారు చేరవేయగలిగితేనో ఆ పేరు, న్యూసు మారుమోగిపోతుంది ...

మీదే ఆలస్యం ఈ చారిత్రక సంఘటనలో పాలుపంచుకోటం

I found a link later and left a message for them. Will keep this post updated if I hear anything

https://chitrasood.wordpress.com/2014/01/22/the-vangala-family-tree/

మొదటి ఆంధ్ర శిశువు - మీదే ఆలస్యం ఈ చారిత్రక సంఘటనలో పాలుపంచుకోటం!

మొదటి ఆంధ్ర శిశివు - ఎవరై ఉంటారబ్బా అని అనుకునేవాణ్ణి - గృహలక్ష్మి పత్రికలో 1937 మార్చి న్యూసు ఇది - ఆ మొదటి శిశువు పేరేమో వనమీనాక్షి అట - అహా ఎంత సుందరమైన పేరు!

శ్రీ వంగల శివరాముగారు ఎవరికైనా తెలిస్తే వారితో ఆ న్యూసు పంచుకుని వారి కుమార్తె ఫోటో ఎవరైనా సంపాదించి పెడితేనో, ముఖ్యమంత్రి నారా వారికో, చంద్రశేఖరుల వారికో ఈ న్యూసు చేరవేయగలిగిన వారు చేరవేయగలిగితేనో ఆ పేరు, న్యూసు మారుమోగిపోతుంది ...

మీదే ఆలస్యం ఈ చారిత్రక సంఘటనలో పాలుపంచుకోటం

I found a link later and left a message for them. Will keep this post updated if I hear anything

https://chitrasood.wordpress.com/2014/01/22/the-vangala-family-tree/

Monday, August 22, 2016

జిహ్వలన్ సొల్లు పారవశ్యముగన్ పారగా!

అభిమానమేమౌనో
అంతస్థులేమౌనో
నీవయిపు చూపు నిలుపునపుడు

భేదంబులేమౌనో
వాదంబులేమౌనో
నీరూపు కండ్ల నిలచినపుడు

అరమరలేమౌనో
అహంకారమేమౌనో
నీ మేను స్పర్శించినపుడు

అన్వేషణేమౌనో
అన్యమ్ములేమౌనో
నీ గాలి సోకినపుడు

పరిధులెరుగని కాంక్షతో పరవశించ
ఇహలోక బంధాలు వీడి చెలగి నీదు
సంస్పర్శ కోసమే పరమ పావన జనని
ఆర్తి జెందుటే జరుగును ఓ పెసరటుప్మమ్మ!

నోట పడినంతనె కన్నీటి పూజలే ఓ తల్లి
రుచుల రుషినౌతినే నీ వరాన ఓ యమ్మ 
నీదు సింహాసనమెక్కించి అల్లంపు జల్లులే జల్లగా
ఓ తల్లి, కరుణించి జఠరాగ్ని బాపవే

బాష్పవాహినులతో నీ పూజ చేసెదెనమ్మ
ఏడేడు జనమల కొలుతునమ్మ నిత్యహారతుల
జిహ్వలన్ సొల్లు పారవశ్యముగన్ పారగా
భవ్య దివ్య సంభావ్య నవ్య సంసేవ్య!

(Jan 16, 2011)

Friday, August 12, 2016

ఎండిపోయిన బావి !

బావి

గాడిబావి

చల్లపల్లి గాడిబావి

చేద

తాడు కట్టిన చేద

బొక్కెన కట్టిన చేద

సంవత్సరం

ఒకానొక సంవత్సరం

బావి నీళ్ళు పాతాళంలోకెళ్ళిపోయిన సంవత్సరం

పాతాళంలోకెళ్ళిపోయిన నీళ్ళను వెతుక్కుంటూ బయలుదేరింది చేద

రసాతలంలో ఉన్న బలిచక్రవర్తిని అడిగింది నీళ్ళెక్కడున్నాయని

ఆయనన్నాడు, ఆ నీళ్ళే ఉంటే వామనుడు నన్ను తొక్కకుండా కాపాడుకునేవాణ్ణి కద తల్లీ అని

ఆదిశేషువుని అడిగింది నాయనా భూమినే మోస్తున్నావ్, ఈ బావిలో నీళ్ళెక్కడ ఉన్నాయో చెప్పమని

ఆయనన్నాడు, నీక్కనపడితే నాకు చెప్పు, వచ్చి నెత్తిన నీళ్ళోసుకుని నా దాహం తీర్చుకుంటానని

ఇదంతా కాదని వరాహావతారమెత్తిన స్వామిని అడిగింది నీళ్ళెక్కడ నాయనా అని

ఉండు ఎక్కడున్నాయో చూసొస్తానని కోరలతో తవ్వుకుంటూ వెళ్ళిపోయినాడు

ఓ రెండు సంవత్సరాలు గడిచినాయ్

సామి బయటకు రాలా

మూడో సంవత్సరం ఆకాశంలో సవుండు వినపడ్డది

ఆ సంవత్సరం, ఆ తర్వాతి సంవత్సరం నిండుగా ఇబ్బడి ముబ్బడిగా వానలు పడ్డయ్

వరాహమూర్తి బయటకు వచ్చినాడు

ఆయన కోరలకు కాసింత బురద అంటుకొని ఉన్నది

చేద అడిగింది ఏమిటని

అంత లోతుకు వెళ్తే కానీ తగల్లేదమ్మా, ఎడా పెడా జల వాడేస్తే ఇట్లాగే అవుతుంది, మీ ఊరి కర్మ బాగుండి వానలు పడ్డయ్, నీ తలరాత బాగుండి నాకు నీళ్ళు కనపడినయ్, ఇక చేదుకోనని ఐదు కిలోమీటర్లున్న తాడు ఇచ్చి చక్కా పోయినాడు ఆయన

ఆ ఐదు కిలోమీటర్ల తడు మూరెడు లోతులోకి రాటానికి దాదాపు ఐదేళ్ళు పట్టింది

ఈ ఐదేళ్ళలో జనాలకు తెలివొచ్చి జాగ్రత్తగా వాడుకోటం మొదలుపెట్టినారు

ఊటని తిరిగి రప్పించినారు

అట్లా చల్లపల్లి చేద మళ్ళీ మామూలు పనిలో పడిపోయింది

(ఒక ముప్ఫై ఐదేళ్ళ క్రితం పూర్తిగా ఎండిపోయిన బావి గుర్తుకొచ్చి కారణం ఇదే అయ్యి ఉంటుందని నాలుగేళ్ళ కితం రాసుకున్న ఒక చిన్న చమక్కు... అంతే!)

మీకు నచ్చినా నచ్చకున్నా సంతోషమే! నాకు పొయ్యేదేమీ లేదు..



Thursday, August 11, 2016

టింగు టింగు

వీణ

దానికొక మోత

మరి వాయించినప్పుడు ఒక శబ్దము వచ్చునుగా?

ఆ శబ్దమే టింగు

ఒక టింగు పది టింగులు తోడైతే సంగీతం

పది టింగులకు వంద టింగులు తోడైతే స్వర్గం

టింగు కొట్టని వాడు వైణికుడెట్లగునురా అన్నది నా నానుడి

టింగుకు ఆమ్రేడితము టింగుటింగు

ఈ టింగు టింగు మన ప్రబంధాల్లో కూడా ఉన్నవి

"జంటనేస్తగాండ్ర చేతి తిపిరి కిన్నెర లటింగుటింగులును" అంటూ గణపవరపు వేంకటకవి వేంకటేశ్వర విజయవిలాసములో రాసినాడు

అట్లే "నారదశ్రుతి గూర్ప నేరవు నీవు లెమ్మని వీణె టింగుటింగునను మీటు" అంటూ ధరణిదేవుల రామయమంత్రి దశావతార చరిత్రములో రాసినాడు

ఇలా ఇంకా చాలా చోట్ల ప్రయోగించబడింది

సరే అది అలా పక్కనబెట్టేద్దాం

టింగుకు మరో పేరు టింగురు

అదేనండి పర్యాయపదం

మరి ఠింగు అని కూడా ఉన్నదిగానన్నది మీ ప్రశ్నా?

ఠింగు వేరు టింగు వేరు

ఠింగు వీణ మోగినప్పుడు వచ్చేది కాదండి

గంటలు మోగినప్పుడు వచ్చేది

అందుకని అది వేరు

ఇది వేరు

ఠంగు ఠింగు మంటూ గంటలు మోగుతాయ్

టింగుటింగు మంటు కాదు

ఠంగున ఒంటిగంట కొట్టింది అన్న ప్రయోగం మీకు తెలిసే ఉండవలె

అందువల్ల మీరు ఠంగుని టింగుని దూరంగా పెట్టవలె

ప్రయోగపరంగా

కళా పూర్ణోదయంలో డుబ్బు డుబ్బు ఖంగుఖంగు ఠంగుఠింగు మన్ద్వ్హనుల్ అని రాసేసాడాయన

పోతే మీకు టింగురంగ పదం మీద అనుమానం రావ్చచ్చును

రంగనాథస్వామి వారి ఆలయంలో ఒకప్పుడు వీణలు బాగా మోగేవిట

టింగు మని అవి మోగగానే రంగ అని ఒకళ్ళు అందుకునేవారట

అలా భజనలన్నీ అయిపోయేదాకా రంగ రంగ అనే పదం దద్దరిల్లిపోయేది

మరి రంగనాథస్వామి పడుకుని ఉన్న పోజులు ఉన్నవి

అందుకని పనీపాటా లేకుండా పడుకునే వాణ్ణి చూసి టింగురంగా అన్న వాక్యం వ్యాప్తిలోకి వచ్చింది

టింగుకు పక్కన రంగ చేరి టింగురంగ అయ్యి అది మొత్తానికి పనికిమాలినవాడికింద మారిపోయింది

దాన్నే డాబూ దర్పంగా భావించేవారూ ఉన్నారనుకోండి - అది వేరే సంగతి

అందుకని మీరు టింగురంగడిలా, టింగురంగమ్మలా కాక వీణలు వాయించుకుంటూ అందరి మదుల్లో తంత్రులు తెంచాలని ఆశీర్వదిస్తూ

ఓం తత్ సత్

(వాచోపన్యాసం అంటూ రాసిన సమయములోనే ఇదీ రాస్తిని. అది తాటిపామల వారు వారి పత్రికలో అప్పుడెప్పుడో వేల సంవత్సరాల క్రితం అచ్చేస్తిరి, ఇది పొట్టిదైపోటమ్మూలాన టింగురంగడిలా మిగిలిపోయినది... :) )

Monday, August 8, 2016

ఉయ్యాలో ఉయ్యాలో అంటూ అట్టేసుకున్న రోజు!

అలా ఉయ్యాలో ఉయ్యాలో అంటూ అట్టేసుకున్న రోజు

*************

కుంపాటి తీపించి ఉయ్యాలో
బొగ్గులే పోయించి ఉయ్యాలో
ఉయ్యాలో ఉయ్యాలో
ఉయ్యాలో ఉయ్యాలో

రాజేస్తి నిప్పే ఉయ్యాలో
లేసింది అగ్గే ఉయ్యాలో
ఉయ్యాలో ఉయ్యాలో
ఉయ్యాలో ఉయ్యాలో

గంటెలే గల్లాని వాయించి ఉయ్యాలో
పొయ్ మీదా పెనముంచి ఉయ్యాలో
ఉయ్యాలో ఉయ్యాలో
ఉయ్యాలో ఉయ్యాలో

అంతంత నీళ్ళోస్తి ఉయ్యాలో
నీళ్ళన్నీ సుయ్యానె ఉయ్యాలో
ఉయ్యాలో ఉయ్యాలో
ఉయ్యాలో ఉయ్యాలో

గిన్నిలో గరిటేసి ఉయ్యాలో
ఓ తిప్పు తిప్తీనె ఉయ్యాలో
ఉయ్యాలో ఉయ్యాలో
ఉయ్యాలో ఉయ్యాలో

పుల్లాటి వోసనా ఉయ్యాలో
గుండెల్కు తగిలేసే ఉయ్యాలో
ఉయ్యాలో ఉయ్యాలో
ఉయ్యాలో ఉయ్యాలో

గంటెడు పిండీను ఉయ్యాలో
సర్రూన పోస్తీనె ఉయ్యాలో
ఉయ్యాలో ఉయ్యాలో
ఉయ్యాలో ఉయ్యాలో

నూనేను తీస్తీని ఉయ్యాలో
సుట్టంతా తగిలేస్తి ఉయ్యాలో
ఉయ్యాలో ఉయ్యాలో
ఉయ్యాలో ఉయ్యాలో

ఆనూనె ఈపిండి ఉయ్యాలో
కట్టబడ గట్టెనమ్మ ఉయ్యాలో
ఉయ్యాలో ఉయ్యాలో
ఉయ్యాలో ఉయ్యాలో

పిండీను పెనమూను గలిసి ఉయ్యాలో
బెమ్మదేవుడి అట్టిచ్చే ఉయ్యాలో
ఉయ్యాలో ఉయ్యాలో
ఉయ్యాలో ఉయ్యాలో

*************

14 మార్చ్, 2010

సమయము కాదురా ఐఫోను దరిచేర!

 పల్లవి :
ఆ.. ఆ.. ఆ.. ఆ.. ఆ

చంపకురా తరుమకురా...
పోష్టులతో నను ఓ రాజా..
కసబిస కరవకురా..

చంపకురా తరుమకురా...
పోష్టులతో నను ఓ రాజా.. ఆ
కసబిస కరవకురా..

కరవకురా.. ఆ.. ఆ.. ఆ.. ఆ.. ఆ


చరణం 1 :

కామెంటు లైకు మరువనులేర...
న్యూసుఫీడు నింపి సలుపకు రాజా....
సమయము కాదురా కంప్యూటరు దరిచేర..
సమయము కాదురా ఐఫోను దరిచేర...

కరుణను నన్నీవేళ మన్నించర రాజా..
కరుణను నన్నీవేళ మన్నించర రాజా...
కరవకురా ఆ ఆ ఆ ఆ ఆ

చరణం 2 :

ఆఫీసులోన కొలువుర సామీ...
మది నీ పోష్టే మెదలినగాని..
ఓయన లేనురా కాల్చెయ్యకులేర..
ఓయన లేనురా ఈమెయిలులివ్వకు లేర..

కరుణను నన్నీవేళ మన్నించర రాజా..
కరుణను నన్నీవేళ మన్నించర రాజా....

కరవకురా ఆ ఆ ఆ ఆ ఆ


(This was a repost from 2013. SO - Keep your nerves calm and Donot tap your shoulders!)


Saturday, July 30, 2016

చుక్కలు చుక్కలు చుక్కలు చుక్కలు!

చుక్కలు! చుక్కలు
చక్కని చుక్కలు!


వజ్రపు ముక్కలు
వలపుల రెక్కలు
ప్రేయసి పిలుపులు
రేయసి ఝళుపులు

చుక్కలు||

అందపు దీవులు
అమృత బావులు
శోభ వహములు
సురభు వనములు

చుక్కలు ||

ముత్తెపు సరులు
ముద్దుల ఝరులు
తెలుగు వెలుగులు
వెలుగు తెలుగులు

చుక్కలు ||

తలతల లాడే
మిలమిల లాడే
కన్నులు కన్నులు
అచ్చర మిన్నలు
అందపు మిన్నులు
విరిసిరి విలసిన్నవమాధురితో

చుక్కలు ||

ఆరని ఆశలు
ఆంధ్య రజనిలో
దీప్తులు! దీప్తులు!!
దివి నా కాప్తులు

చుక్కలు ||

చెలి చికురములో
చెదరిన మల్లెలు
తీరని తేనియ
తీయని వాంఛలు

చుక్కలు ||

జృంభిత నవయుగ
కీలలు జ్వాలలు
తారుణ్యపు కరు
ణారుణ లీలలు
'చుక్కలు ||


చుక్కలు చుక్కలు
చుక్కలు చుక్కలు

-- శ్రీ కొమర్రాజు వినాయక రావు
-- 1935 (వీణ పత్రికలో)