Wednesday, January 30, 2013

ఈ పుస్తకం గురించిన వివరాలు ఎవరికైనా తెలిస్తే దయచేసి పంచుకోండి!

"ఉత్తర ఇంగ్లండ్ దేశంలో యార్క్ అనే పట్నం ఒకటి ఉంది. ఆ పట్నంలో ఒక వ్యాపారస్తుడు ఉండేవాడు. అతడు చాలా ధనవంతుడు. అతనికి ముగ్గురు కొడుకులు. వారిలో చివరివాడు రాబిన్ సన్ క్రూసో.1632వ సంవత్సరంలో రాబిన్ సన్ క్రూసో పుట్టాడు. అతడు చిన్నప్పటి నుండీ ధైర్యవంతుడు. వీరుల కథలను ఎక్కువగా చదువుతూ ఉండేవాడు. అందువల్ల అతడు పెరిగి పెద్ద వాడు అవుతున్న కొద్దీ వీరోచితమైన జీవితాన్ని గడపాలని అనుకొంటూ ఉండేవాడు.

అతని తండ్రి అతనికి బాగా చదువుచెప్పిస్తూ వచ్చాడు. క్రూసో బాగా చదువుకొని గొప్ప న్యాయవాది కావాలని అతని తల్లి తండ్రులు ఆశిస్తూ ఉండేవారు. కాని ఆ వృత్తి అంటే క్రూసోకు ఇష్టం లేదు. నావికుడుగా సముద్ర యానం చేయాలనీ, అనేక దేశాలు చూసి రావాలనీ క్రూసో కోరుకుంటూ ఉండేవాడు. అతని శ్రేయస్సు కోరి అతని తల్లిదండ్రులూ, బంధువులూ, స్నేహితులూ అతన్ని నావికుడుగా వెళ్ళవద్దని ఎంత నచ్చచెప్పినా అతని మనస్సు మారలేదు. కాని అతని తండ్రి గట్టిగా మందలించడంతో క్రూసో తన కోరికను మనసులో అణుచుకొనక తప్పలేదు."


ఈ పై వాక్యాలు ఎక్కడయినా చదివినట్టు అనిపిస్తున్నాయా ? అనిపించినా , అనిపించకపోయినా తీరిక ఉన్నప్పుడో, తీరిక చేసుకునో ఇక్కడకు వెళ్ళి ఒకసారి ఈ కథను చదవండి...తర్వాత ఎలా ఉన్నదో చెప్పండి...

ఈ లంకెను నొక్కండి "రాబిన్ సన్ క్రూసో"

"రాబిన్ సన్ క్రూసో" - ప్రఖ్యాత ఆంగ్ల రచయిత డేనియల్ డెఫో సుమారు 1719లో వ్రాసిన నవల. కల్పిత గాథ అయినా మనసుకు ఎంతగానో హత్తుకునిపోయే పాత్ర. ప్రపంచంలోని చాలా భాషల్లోకి అనువదించబడ్డ నవల. సుమారు నాలుగు - ఐదు దశాబ్దాల పైనుంచి మా ఇంట్లో ఉన్న ఈ 84 పేజీల చిన్ని పుస్తకం ఎవరు తెలుగులోకి అనువదించారో, వివరాలు ఏమిటో తెలియకపోయినా, ఈనాటి పిల్లలకు ఉపయోగపడుతుంది అనే ఉద్దేశంతో ఇక్కడ ప్రచురించటం జరిగింది.

ఈ పుస్తకం గురించిన వివరాలు ఎవరికైనా తెలిస్తే దయచేసి పంచుకోండి

Since COMMENTS section is disabled for ever, if you have the info - please send email to contact at maganti dot org . Thanks in advance

భవదీయుడు
మాగంటి వంశీ