Sunday, July 15, 2012

ఎనిమిదేళ్ళ కుర్రోడు - ఒక్క సంవత్సరంలో 47 లక్షలు!

ఎనిమిదేళ్ళ కుర్రోడు - ఒక్క సంవత్సరంలో 47 లక్షలు

ఏడు నిండి ఎనిమిదిలోకి అడుగుపెట్టిన కుర్రోడి పేరు మాగంటి.ఆర్గ్ (వెబ్సైటు) .... 2005లో సరిగ్గా ఇదే రోజున పడ్డ విత్తు కష్టాలు దాటుకుని ఈరోజున ఓ మాదిరిగా నిలబడగలిగింది....15వ తారీకున డబ్బులు కట్టినా 21వ తారీకు దాకా వెబ్సైటు ఆన్లైనుకు రాలేదనుకోండి...అది వేరే సంగతి... కానీ శంకుస్థాపన జరిగింది ఇదే రోజు కాబట్టి అదే లెక్కకు తీసుకోటం అన్నమాట .....రెండు పుట్టినరోజులు జరుపుకునే వాళ్ళలాగా.... :) ....

ఈ సంవత్సరం స్టాటిస్టిక్సు చూస్తే, అంటే గత 11 నెలల్లో - 47 లక్షల చిల్లర హిట్సు సంపాదించుకున్నాడు కుర్రోడు....సంతోషం....

గత మూడు నెలలుగా , నెలవారీ - 6 లక్షల చిల్లర అక్కవుంటులో జమవేసుకున్నాడు....అంతకు ముందు నెలవారీ మూడున్నర, నాలుగు లక్షల దగ్గర వేళ్ళాడే హిట్సు , కారణమేమిటో తెలియకపోయినా ఒక్కసారిగా ఊపందుకున్నాయి....మరింత సంతోషం...

ఉన్న బాధ్యత మరింత పెరిగిందనుకోవాలో, ఉన్న 24 గంటల సమయాన్ని ఇన్ని వ్యాపకాల మధ్య ఎలా సద్దాలన్నది తెలియక సతమతమవ్వాలో తెలియట్లేదు కానీ - కాలమే నిర్ణయించాలె.....

ఈ కుర్రోడికి ప్రత్యక్షంగానూ , పరోక్షంగానూ సాయం చేసిన ఎందరో మహానుభావులు - అందరికీ పేరు పేరునా శతసహస్ర హృదయపూర్వక వందనాలు.....

భవదీయుడు
మాగంటి వంశీ