Wednesday, June 6, 2012

డూ డూ డూ డూ యెంకన్నా!

గంగిరెద్దు

-- అడవి బాపిరాజు (1950 జనవరి)

డూ డూ డూ డూ యెంకన్నా
పెభువుగారికి దణ్ణంపెట్టూ
పాదం వంచి భక్తితొ పెట్టూ
కాసులు మువ్వలు కడతారంటా
పట్టుశాలవలు పెడతారంటా  || డూ డూ||

మోసం చేసును మునసబుగారూ
కక్షలు కట్టూ కరణంగారూ
కలుపులుకన్నా కాపులువీరూ
డూ డూ డూ డూ యెంకన్నా ||

పత్తికాయలో బ్రామ్మణధాటీ
పాగాసుట్టే నాయుడు భేటీ
డూ డూ డూ డూ యెంకన్నా  ||

సెన్నాపట్నం సేర్వరాదు
కాశీపట్నం కానగపోదు
కాపావరమూ కదలాలేదు
డూ డూ డూ డూ యెంకన్నా ||

చెట్టు కదిలినా పుట్ట కదలదూ
నీరుపోయినా నాచుకదలదూ
గుడిపాడైనా గూబవదలదూ
గుడిమాన్నెం పూజారి వదలడు
డూ డూ డూ డూ యెంకన్నా  ||

యేడుకొండలా యెంకన్నండీ
యెండికొండలా ఈశరుడండీ
పయిడికొమ్ములా బసవయ్యండి
డూ డూ డూ డూ యెంకన్నా  ||

1 comment:

  1. Tanguturi Suryakumari sang it and you'd be able to hear it on oldtelugusongs.com

    ReplyDelete