Monday, June 18, 2012

దేవుడు లేకుంటే ఏ చిక్కూ లేదు!

దేవుడు

-- కాళోజీ

1969 కళాకేళి పత్రిక నుండి


దేవుడు దేవుడు దేవుడు
దేవుడు లేం దెవరికి,
ఎవరి దేవుడు వారికి

మనిషి మనిషికి ఒక్కొక్క మనసు
మనసు మనసుకు ఒక్కొక్క దేవుడు
ఎవరి దేవుడు వారికి ప్రత్యక్షం
వారి సర్వస్వం అర్పితం దేవుడికి

ఒక్కొక్కప్పుడు ఒక్కొక్క దేవుడు
ఎప్పుడూ ఏదో ఒక దేవుడు

ప్రతివానికి దేవుడు తప్ప మరేమి లేదు
ప్రతివానికి దేవుడుతప్ప మరేమీ అక్కరలేదు

పిపీలికం నుండి బ్రహ్మపర్యంతం దేవుడు
అనాది దేవుడు, ఎడతెగని దేవుడు
అనాదిగా దేవుడు, ఎడ తెగకుండా దేవుడు

పట్టినపట్టు విడవకుండా దేవుడు
అన్ని దుఃఖాలకు మూలభూతమ్ దేవుడు
అన్ని సుఖాలకు మూలబీజం దేవుడు

బ్రతుకంతా దేవుళ్ళ ఘర్షణ
మనం చేస్తున్నది దేవుళ్ళ కాత్మార్పణ

దేవుడు లేకుంటే ఏ చిక్కూ లేదు
కాని దేవుడు లేకుంటే బ్రతుకేలేదు

ఒకరి దేవుడు మరొకరి దేవుడు తీరిస్తే
ఒకరి దేవుడు తీరడంలో మరొకరి దేవుడు
తీరితే రక్తి ముక్తి


** దేవుడు అంటే భగవంతుడనే కాదు, దేవుడు అంటే ఆరాటం కూడా....ఎంతటి అర్థంతో రాసావయ్యా కాళోజీ.....సలాములే సలాములు.....

No comments:

Post a Comment