Monday, June 4, 2012

కృష్ణశాస్త్రిగారు వేమన పద్యాలు రాస్తే ఎలాగుండొచ్చు?

కృష్ణశాస్త్రిగారు వేమన పద్యాలు రాస్తే ఎలాగుండొచ్చు?


************************

అర్చనకును రాతి నాచారమిచ్చెను
చచ్చురాతి భార్య సంఘమిచ్చె
కరకురాతి కూడు దొరతనంబిచ్చెరా
విశ్వదాభిరామ వినురవేమ!


************************

గూటిమీదనెక్కి సూటిగా కుక్కపై
విసిరినాడు రాయి అసిరిగాడు
కుక్క బొం యిమంటె గొల్లుమన్నాడయా
విశ్వదాభిరామ వినురవేమ!

************************

వీధిత్రోవనెపుడు వేంచేయు పంతులు
పెరటిదారి పందు లరుగుదెంచు
తొందరపడి సాని పందినే వలచెరా
విశ్వదాభిరామ వినురవేమ!

************************

అమెకున్న కలిమి ఆకలి కడుపై
అతనికున్న ఆస్తి అవిటికాలు
ఇరువురకును నడుమ విరితూపులెగిరెరా
విశ్వదాభిరామ వినురవేమ!

************************

సోమయాజి జోలియచూచితే
పొట్టిసాని మనసు పట్టలేదు
తండులములులేక తటపటాయించారు
విశ్వదాభిరామ వినురవేమ!

************************

నిదురమత్తులోన నీటుగా నామాలు
పెట్టె స్వామివారు పిల్లినుదుట
పిల్లి భక్తి పుట్టి చెల్లించె పులిహోర
విశ్వదాభిరామ వినురవేమ!

************************

ముఘలు పాదుషాలు తుఘలక్ నవాబులు
డొక్క చించి తోలు చెక్కిరంచు
కుట్టు సాయిబయ్య కొట్టు బడాయీలు
విశ్వదాభిరామ వినురవేమ!

************************

తాను ముసలుమాను, తాను తామర్లేను
మణుకి దూది శత్రుగణము, లింక
ఏకె ఠం యి ఠం యి ఎందరో కాఫర్ల
విశ్వదాభిరామ వినురవేమ!

************************

అపుడు విష్ణుభక్తి అపుడు శివభక్తి
బ్రహ్మభక్తి యిపుడు బయలుదేరె
ఒక్క దేవునికి చిక్కదు విశ్రాంతి
విశ్వదాభిరామ వినురవేమ!

***********************


సకలమతములన్న చక్కని ఋక్కులు
ఎన్నొ సుకవి వాక్కు, లన్నివచ్చు
భక్తవరుని తెలివి బ్రహ్మకు లేదయా
విశ్వదాభిరామ వినురవేమ!



-- ఇవి అన్నీ ఆయన నిజంగా రాసినవే, ఆంధ్రజ్యోతి పత్రికలో 1950ల్లో....ఇంకా బోల్డున్నై....వీలు వెంబడి తీరిగ్గా 

1 comment: