Friday, June 1, 2012

స్వస్తి!

స్వస్తి

---  విద్వాన్ విశ్వం

(1952 జనవరి ఉదయినిలో)
(క్రెడిట్స్: ప్రెస్ అకాడెమీ)


ఆకాశం తెరవిచ్చి, ఉ
షః కన్యక దువాళించి
శ్రీకారం చుట్టుతోంది

చీకటి మూకల వీపులు
బాకులతో పొడుస్తోంది

శోకం సాకల్యం మా
రాకు వేయనీని అనం
తాకారం నాకం ఏ
దో కనబడుతున్నది. వ
చ్చే కాలం చలికాలం
లా కాదని, మూగనోము
తో కార్యం లేదని, అం
గీకార్యం విధి అని, కడు
పే కైలాసంగా బతి
కే కుత్సిత పాపపథం
లో కల ముళ్లన్నీ రా
లే కాలం చేరువలో
నే కలదని - చెబుతున్నది

నీకూ నాకూ మనకూ
వేకువ కాబోతున్నది

తేకువ, తెంపూ, సొంపూ
చేకూర్చుక గొంతుకెత్తి
కేకవేయి, స్వస్తి సమ
స్తాఖిల బాధిత జనతా
సౌఖ్యానికి, సఖ్యానికి
ముఖ్య ప్రాణం శాంతికి,

స్వస్తి శ్రీ
రస్తు చిరం
జీవులైన
మానవులకు

No comments:

Post a Comment