Thursday, May 31, 2012

ఆకాశవాణి అభిమానులు - ఇంకో చిన్న లంకె బిందె !

ఆకాశవాణి అభిమానులు - ఇంకో చిన్న లంకె బిందె !

మరపురాని, అద్వితీయమైన కళాకారుల , స్వర సుధాకరుల చిత్రాలను అందించిన శ్రీ శశి మోహన్ గారికి సహస్ర కృతజ్ఞతలతో

ఈసారి తెరిచిన లంకెబిందెల భాగంలో

ఆకాశవాణి విజయవాడ కేంద్రంలో ప్రొడ్యూసర్స్ గా పనిచేసిన శ్రీ ప్రయాగ నరసింహశాస్త్రి, శ్రీ కందుకూరి రామభద్రరావు గార్ల పదవీ విరమణ సందర్భంగా అప్పటి నిలయ కళాకారులు ఉన్న చిత్రం మటుకు ఎంతో అపురూపమైన చిత్రం.....


లంకెబిందెలు - వెబ్సైటులో "ప్రసార ప్రముఖులు" సెక్షన్లో మీ కోసం!

భవదీయుడు
మాగంటి వంశీ

PS:

పోతే ....రెండు వాక్యాలు - ఈ ఫోటోలు శ్రీ నండూరి వారి పర్సనల్ ఆల్బంలోనివి ....ఎత్తుకెళ్ళేవారిని ఆపలేం కానీ - వెబ్సైటులో నుంచి ఎత్తుకెళ్ళి బ్లాగుల్లో పెట్టుకునేవారు, వేరే చోట ఎక్కడైనా పెట్టుకుని రాసుకునేవారు క్రెడిట్స్ / సోర్సు ఇస్తే కొద్దిగా మర్యాదగా ఉంటుందేమోనని


Wednesday, May 30, 2012

సోకులకేం తక్కువలేదు! ఆడోళ్ళు ఇల్లాటి పోజిస్తే కష్టమే.....

సోకులకేం తక్కువలేదు!

అయినా ఆడోళ్ళు ఇల్లాటి పోజిస్తే పెయింటెయ్యటం కష్టమే అని ఒక పెద్దాయన ఉవాచ...

ఇన్నాళ్ళకి పెన్సిలు స్కెచ్చు నుంచి పెన్ను స్కెచ్చయ్యింది......

పెయింటు ఫిటింగు ఎప్పటికి ప్రాప్తమంటా?

చూద్దాం ఎప్పటికి పూర్తయ్యేనో....

మొహం దగ్గర కొద్దిగా తేడా వచ్చెను, ముక్కు హరహరమహాదేవ అయ్యెను .... ఇంకా కొన్ని అలంకారాలు మిగిలిపోయినై కానీ,  పెయింటేసేప్పుడు రోల్డు గోల్డు కవరింగులిచ్చి కప్పెట్టాలి....

కప్పెట్టటమేమిటి బాబూ? అదేమన్నా "అదా" !

ఏమో నువ్వు చెప్పు



5200 ఏళ్ళ క్రితం నాగరికత - మాయమైన తీరు

5200 ఏళ్ళ క్రితం నాగరికత - మాయమైన తీరు

ఇది న్యూయార్క్ టైంస్ లో వచ్చిన వార్త....

ఇండస్ వాలీ , హరప్ప నాగరికత ఎలా మాయమైపోయిందన్న ప్రశ్నకు సమాధానం కోసం "ప్రొసీడింగ్స్ ఆఫ్ నేషనల్ అకాడెమీ ఆఫ్ సైన్సెస్"  వారి వెబ్సైటు చూడొచ్చు......

అమ్మాయి ఎవరో.....బ్రహ్మాండంగా పాడిందండీ

అంబ వాణి నన్ను ఆదరింపవే

నిన్నట్లానే పేరు తెలియలా కానీ అమ్మాయి ఎవరో, చిన్నపిల్లలాగా ఉన్నది గొంతు వింటూంటే - బ్రహ్మాండంగా పాడిందండీ

ఈ పాట ఈరోజు కర్నాటిక్ రేడియో శ్రవణంలో హైలైటు

( హెచ్.ఎన్.ముత్తయ్య భాగవతార్ - కీరవాణి - ఆది ) అని తెలిసింది

A rendition of this song on you tube is here, not as good as the one from carnaticradio BUT still -

http://www.youtube.com/watch?v=1IcBWk_Aoig


PS: I donot know the reason why I cannot find the same kind of renditions which are being broadcasted on carnaticradio.com on youtube OR elsewhere though most of the audios are from concerts. The ones on the radio are really crisp, a little fast paced, and just casting a spell on me ..... the songs from the last 3 posts had "hastimaSakAntara bhEdam" .....Oh well!

Too bad that the carnaticradio does NOT have any archive / repository so that I can provide links to the songs and you could have judged / experienced yourselves, what I am talking about......




Tuesday, May 29, 2012

శ్రీవల్లీ దేవసేనాపతే - చెవుల్లో ఉన్న కాస్త తుప్పు కూడా వదిలిపోయింది!

ఎవరు పాడారో తెలియదు కానీ, ఈ రోజు కర్నాటిక్ రేడియోలో హైలైట్ పాట ....అద్భుతం! పరమాద్భుతం....కనీసం పావుగంట పైన అలా ఏదో లోకంలోకి తీసుకెళ్ళిపోయిన ఆయనకు (పాడినాయనకు) వేలకొద్దీ సాష్టాంగ నమస్కారాలతో ....

శ్రీవల్లీ దేవసేనాపతే

చెవుల్లో ఉన్న కాస్త తుప్పు కూడా వదిలిపోయింది

అసలే సుబ్రహ్మణ్యం అంటే వీరాభిమానం, అందువల్ల కూడా అద్భుతం! పరమాద్భుతం...

అంతర్జాల వీక్షణంలో ఆ పాట (నటభైరవి - ఆది - pApanASam Sivan) అని తేలింది.....

PS:

1) Not a vocal, but a good rendition on violin can be seen here...Looks like she worked with MLV for a long long time....

http://www.youtube.com/watch?v=WIpA0mwftlI


2) On veena, another beautiful rendition is here....the actual song does NOT start until 2:10 secs in this video

http://www.youtube.com/watch?v=-aLpiXURlEA


Monday, May 28, 2012

నమః శివాయ చ శివతరాయ

నమః శంకరాయ చ మయస్కరాయ
చ  నమః శివాయ చ శివతరాయ



Old one - Work in progress was this one....did not like the colors, so painted over ....experiment, experiment, experiment.....what an experience!...






Sunday, May 27, 2012

పాపం ....శరణార్థులు!!

పాపం ....శరణార్థులు


పూర్తికాని పెన్సిలు స్కెచ్ - 16 * 20 కాన్వాస్ మీద.....

ఒక పాత పుస్తకంలోని చిత్రం ప్రేరణగా 



ఆకాశవాణి అభిమానులూ - రెండో లంకెబిందె తెరవబడ్డది

ఆకాశవాణి అభిమానులూ - రెండో లంకెబిందె తెరవబడ్డది


వీటిని అందించిన శ్రీ నండూరి సుబ్బారావు గారి కుమారులు శ్రీ శశిమోహన్ గారికి హృదయ పూర్వక కృతజ్ఞతలతో


 **************************************

"నాటకం విన్నారు"

ఇందులో పాల్గొన్నవారు: శ్రీ సి.రామమోహనరావు, శ్రీ నండూరి, శ్రీ ఏ.బి.ఆనంద్, శ్రీమతి ఉమ (సినిమా నటి అన్నపూర్ణమ్మ)

ప్రొడ్యూసర్: శ్రీ నండూరి సుబ్బారావు


***************************************

"చీరల బేరం"

ఇందులో పాల్గొన్నవారు: శ్రీ సి.రామమోహనరావు, శ్రీ నండూరి, శ్రీమతి నాగరత్నమ్మ, కుమారి వి.బి.కనకదుర్గ
ప్రొడ్యూసర్: శ్రీ నండూరి సుబ్బారావు

***************************************

ఎక్కడ వినవచ్చా?

ఇక్కడికి వెళ్ళి, ఎడమ వైపున ఉన్న ఆకాశవాణి కార్యక్రమాలు లంకె నొక్కి - నాటకాలు సెక్షన్లో వినటమే


భవదీయుడు
మాగంటి వంశీ

Thursday, May 24, 2012

ఆకాశవాణి అభిమానులూ - లంకెబిందెల్లో ఒకటి తెరవబడ్డది!

శ్రీ నండూరి సుబ్బారావు గారు ఆకాశవాణి అభిమానుల మనసుల్లో చాలా బలమైన ముద్ర వేసిన ధన్యజీవి. ఆయన స్వయంగా పాల్గొన్న, నటించిన కార్యక్రమాలు, ఆయన ఆధ్వర్యంలో ప్రసారమైన ఎన్నో ఎన్నెన్నో కార్యక్రమాలు ఆకాశవాణి చరిత్రలో సువర్ణకలశాలు.

వారి అబ్బాయి శ్రీ నండూరి శశిమోహన్ గారు తన తండ్రి గారి "పర్సనల్ ఆల్బం" లో ఉన్న అరుదైన, అపురూపమైన "చిత్ర" భాండాగారాన్ని మీ అందరితో పంచుకోమని నాకు అందించినందుకు వేల కృతజ్ఞతలతో.

ఈ భాండాగారాన్ని అందించటంలో సాయపడ్డ శ్రీ నండూరి వారి కుమారులు శ్రీ నండూరి ప్రభాకర్ గారికి, శ్రీ నండూరి శశిమోహన్ గారి అమ్మాయి తుర్లపాటి స్వాతి గారికి కూడా సహస్ర ధన్యవాదాలతో.

ఆ లంకెబిందెలు వెబ్సైటులో "ప్రసార ప్రముఖులు" సెక్షన్లో మీ కోసం!



Tuesday, May 22, 2012

సౌందరరాజం - బృందావనసారంగ - Soundararajam - Brindavanasaranga!

Soundararajam - Brindavanasaranga - excellent rendition by Sri D K Jayaraman....

Famous brother of D K Pattammal....

On Carnatic Radio...Vow!

Salutes to Dikshitar, a 100 thousand of them! 

Stupid, it might be - but I put my question out - Is there an equivalent in telugu ? What I mean by equivalent is - is there any kRti, kIrtana which can stand side by side with this one and proudly sung by a telugu person....if not is there any rendition of this one by any telugu person....

Elders and Proficient people - pls enlighten me!


Thanks in advance

bhavadeeyuDu
vamSI

PS:
1) Here is a link to that song......Who ever this lady is, she sang it nice ......

BUT DKJ was awesome, very awesome on this one.....This was today's highlight of the radio renditions....

2) Here is the link to the lyric with an explanation - http://nadhasudharasa.blogspot.com/2007/08/soundararajam-ashraye-brindavana.html

ఆకాశవాణి అభిమానులూ!

ఆకాశవాణి అభిమానులూ!

ఈ రోజు ఉదయమే ఒక అపురూపమైన వ్యక్తి నుండి - చాలా అరుదైన ఆకాశవాణి "చిత్ర" భాండాగారం అందింది.......

ఒకటి రెండురోజుల్లో వెబ్సైటులో ప్రచురించటం, వివరాలు అందించటం జరుగుతుంది.....

వార్తలు ఇంతటితో సమాప్తం

భవదీయుడు
మాగంటి వంశీ

Monday, May 21, 2012

Vow ...Just mind blowing!

Vow ...Just mind blowing ....Listened to "Katriniley Varum" carnatic rendition by Sudha Raghunathan. Vow! Donot know what the lyrics mean, but I say one more time for the rendition - Vow!

BTW - this was on Carnaticradio.com - I donot know if this song is available anywhere else.......Youtube rendition is NOT as good as the one I listened to...

Youtube version is here

Not a bit close to the radio rendition....well...just a little....

I guess all "sindhubhairavi"s are just mind blowing

 





 

Friday, May 18, 2012

శ్రీ నండూరి రామమోహన్ - బాలగేయాలు (1948 ప్రతి నుండి)

శ్రీ నండూరి రామమోహన్ - బాలగేయాలు (1948 ప్రతి నుండి)

*****************************************************

చందమామా రావె జాబిల్లి రావె
మబ్బులెక్కీరావె మా యింటికేసి

సన్నజాజీపూలు సంపంగిపూలు
ఒడినిండ కోసుకుని ఒయ్యారమొలుక
మాయింటికడ కొచ్చి మాపాపకీవె

గయ్యాళి పాపనీ ఉయ్యాల వూపి
లాలించి హాయిగా జోలల్లు పాడి
కళ్లలో తీయనీ కల లల్లిపోవె

నింగినీలమునుంచి తొంగిచూస్తావు
మబ్బులోపల దూరి మాయమౌతావు
పట్టుకొందామంటె పారిపోతావు

చందమామా రావె జాబిల్లి రావె
మబ్బులెక్కీరావె మా యింటికేసి


*********************************



ఉయ్యాల జంపాల
ఊపవే ఓ అమ్మ
కథవొకటి చెప్పవే
కలగంటు పడుకొందు....ఉయ్యాల...

కథలోని ఆ రాజు
కలలోకి వస్తేను
వేటకై నేగూడ
వెడతానె ఓ అమ్మ....ఉయ్యాల....


కీలుగుఱ్ఱం ఎక్కి
ఛల్ ఛల్లు మంటాను
ఏడుకొండలు దాటి
ఏడునదులూ దాటి
రంగూల మేడలో
రాక్షసిని చంపెసి
చెరలోని కన్నెనీ
చెరనుండి విడిపింతు....ఉయ్యాల.....

జోకొడుతు చెప్పవే
ఊ కొడుతు కలగందు....ఉయ్యాల.....



*********************************




వానాలు కురవాలి
వరిచేలు పండాలి
తెల్లాటి మబ్బులూ
నల్లంగ మారాలి
మూడు దుక్కులవాన
ముసురుగా రావాలి.....వానాలు.....

ఏపుగా చేలలో
ఎదగాలి మాపైరు
బారెడెత్తున కంకి
బంగారు పండాలి ....వానాలు....


కోయాలి పంటలూ
వేయాలి కుప్పలూ
పదిపుట్ల గింజలూ
పాలేరు తేవాలి
మా గాదె నింపాలి
మా దాసి దంపాలి
మా బొజ్జ నిండాలి ....వానాలు....


*****************************

సవర రాజ్యమే స్వరాజ్యమయ్యిందా?

సవర రాజ్యమే స్వరాజ్యమయ్యిందా?

శ్రీ చింతాదీక్షితులు - బాలగేయాలు (1948 ప్రతి నుండి)
***********************************************   

బుజబుజరేకుల పిల్లుందా
బుజ్జారేకుల పిల్లుందా
స్వామీదండలు పిల్లుందా
సవరా రాజ్యం పిల్లుందా

బుజబుజరేకుల పిల్లుంది
బుజ్జారేకుల పిల్లుంది
స్వామీదండలు పిల్లుంది
సవరారాజ్యం పిల్లుంది

బుజబుజరేకుల కెన్నేళ్ళు
బుజ్జారేకుల కెన్నేళ్ళు
స్వామీదండల కెన్నేళ్ళు
సవరారాజ్యం ఎన్నేళ్ళు


బుజబుజరేకుల కేడాది
బుజ్జారేకుల కేడాది
స్వామీదండల కేడాది
సవరారాజ్యం ఏడాది


బుజబుజరేకుల చాలావు
బుజ్జారేకుల చాలావు
స్వామీదండలు చాలావు
సవరారాజ్యం చాలావు


బుజబుజరేకుల రెండేళ్ళు
బుజ్జారేకుల రెండేళ్ళు
స్వామీదండలు రెండేళ్ళు
సవరారాజ్యం రెండేళ్ళు


బుజబుజరేకుల చాలవు
బుజ్జారేకుల చాలవు
స్వామీదండలు చాలవు
సవరారాజ్యం చాలవు


బుజబుజరేకుల కేడేళ్ళు
బుజ్జారేకుల కేడేళ్ళు
స్వామీదందల కేడేళ్ళు
సవరారాజ్యం ఏడేళ్ళు


బుజబుజరేకుల చాలూ
బుజ్జారేకుల చాలూ
స్వామిదండల చాలూ
సవరారాజ్యం చాలు


బుజబుజరేకుల నగలెన్నీ
బుజ్జారేకుల నగలెన్నీ
స్వామీదండల నగలెన్నీ
సవరారాజ్యం నగలెన్నీ


బుజబుజరేకుల కంటె
బుజ్జారేకుల కంటె
స్వామీదందల కంటె
సవరారాజ్యం కంటె


బుజబుజరేకుల చాలవు
బుజ్జారెఖుల చాలవు
స్వామీదండల చాలవు
సవరారాజ్యం చాలవు


బుజబుజరేకుల ఒడ్డాణం
బుజ్జారేకుల ఒడ్డాణం
స్వామీదండల ఒడ్డాణం
సవరారాజ్యం ఒడ్డాణం

బుజబుజరేకుల చాలూ
బుజ్జారేకుల చాలూ
స్వామీదండల చాలూ
సవరారాజ్యం చాలూ



********************************************

ఇంకోరకం

బుజబుజరేకుల పిల్లుందా
బుజ్జా రేకుల పిల్లుందా
స్వామీ దండల పిల్లుందా
స్వరాజ్యమిచ్చిన పిల్లుందా

బుజ బుజ రేకుల పిల్లుందీ
బుజ్జా రేకుల పిల్లుందీ
స్వామీ దండల పిల్లుందీ
స్వరాజ్యమిచ్చిన పిల్లుందీ

పిల్ల పేరేంటి
మహలక్ష్మి

బుజబుజరేకుల కేం నగలు
బుజ్జా రేకుల కేం నగలు
స్వామీ దండల కేం నగలు
స్వరాజ్యమిచ్చిన వేం నగలు

బుజబుజ రేకుల మాకొద్దు
బుజ్జా రేకుల మాకొద్దు
స్వామీ దండల మాకొద్దు
స్వరాజ్యమిచ్చిన మాకొద్దు

బుజబుజ రేకుల జడగంటుంది
బుజ్జా రేకుల వడ్ఢాణముంది
స్వామీ దండల కాసులపేర్
స్వరాజ్యమిచ్చిన రత్నాలపేర్

బుజబుజరేకుల మాకొద్దు
బుజ్జా రేకుల మాకొద్దు
స్వామీ దండల మాకొద్దు
స్వరాజ్యమిచ్చిన మాకొద్దు

బుజబుజరేకుల కేం కావాలి
బుజ్జా రేకుల కేం కావాలి
స్వామీ దండల కేం కావాలి
స్వరాజ్యమిచ్చిన ఏం కావాలి

బుజబుజరేకుల విద్యా జ్ఞానం
విద్యకు తగిన వినయం శాంతం
సంగీత సాహిత్య జ్ఞానం
కలిగుందా మీ మహలక్ష్మి?

విద్యా జ్ఞానం కలిగుంది
వినయం శాంతం కలిగుంది
గానం గాత్రం కలిగుంది,
మా మహలక్ష్మి

మరి మీ పిల్లాడూ?
మీ పిల్లాడి పేరేంటి?
మాధవుడు
మరి మీ మాధవుడికి

బుజబుజరేకుల చదువుందా
బుజ్జా రేకుల గుణముందా
చదువూ, గుణమూ, సంపదలూ
కలిగున్నాడా, మాధవుడు?

బుజబుజరేకుల చదువుంది
బుజ్జా రేకుల గుణముంది
చదువూ, గుణమూ, సంపదలూ
కలిగున్నాడూ, మాధవుడు?

కట్నాలేంటి?

బుజ బుజ రేకుల కట్నాలొద్దు
బుజ్జా రేకుల కానుకలొద్దు
కట్నం కానుకలన్నిటికీ
సరి అవుతుందీ మహలక్ష్మి

ఆనంద మానంద మాయెనే
మా మహలక్ష్మి పెళ్ళి కూతురాయెనే
ఆనంద మానంద మాయెనే
మా మాధవుడు పెళ్ళి కొడుకాయెనే

***********************************


Audio can be heard HERE

బాలగేయాలు -17 (1948 ప్రతి నుండి)

శ్రీ చింతాదీక్షితులు - బాలగేయాలు (1948 ప్రతి నుండి)

***********************************************   

తరుణి తరుణి
తా పెళ్ళికొడుకు
సుబ్బక్క పెండ్లి
సూదిలో దారం



*************************




ఇసుకలో చెండు
దానిమ్మ పండు
పత్తిచేలో పగడం
మీకూ మాకూ జగడం





************************




కుతకుత గుజ్జన్న
వండీ వంకార
పారేసే బచ్చలి
తినీ కారం




*************************




మొండిచెయ్యి పేరక్క
మొగుడెక్కడి కెళ్ళేడు
కందులూ రెళ్ళాడు
కందులు తెచ్చాడు
పక్కలో పోశాడు
పరపరా నవిలేడు
కడుపునొప్పొచ్చింది

బాలగేయాలు - 16 (1948 ప్రతి నుండి)

శ్రీ చింతాదీక్షితులు - బాలగేయాలు (1948 ప్రతి నుండి)

***********************************************   
అన్నల బాడితివి తమ్ముల బాడితివి
నన్నేల బాడవె శ్రీలక్ష్మిదేవి
ఏమని పాడుదు వెర్రినాస్వామి
పూలబాణము తొడిగి పుష్పరథమెక్కి
పుణ్యుడు భూలోక మేలెనని పాడు



******************************





సిరి సిరి వానలు కురియంగా
సీతాదేవి పుట్టంగా
రావణాసురుని తల గొట్టంగ

(అరటిచెట్టు)




*****************************





కోడిగుడ్డు కాలె
కోష్టం కాలె
కోమటి కొండయ్య
తక్కెడ కాలె




**********************





దిబ్బగుంటలో తిరణాలంట
డబ్బుకి మానెడు శనగాలంట
ఆడపిల్లకు అద్దాలంట
మగపిల్లోడికి మొలత్రాడంట
చంకపిల్లకు టెంకాయంట
కడుపులోని పిల్లకు కరక్కాయంట



***********************



ఏటి అవతల యర్రజొన్న కర్ర
వచ్చేపొయ్యే పసియావు మేసె
పసియావు కడుపున చార్ల పెయ్య
చార్లపెయ్యకు పండ్లే లేవు
అల్లారల్లారే



*************************




చినచెంబుతో నీళ్ళు
సీకాయ ఉదకంబు
అల్లంబు బెల్లంబు అరటిపండు
తేనెతో మాగిన
తియ్యమామిడిపండు
అచ్చెన్నవరదాళ్ళు బుచ్చికెశవులు



బాలగేయాలు - 15 (1948 ప్రతి నుండి)

శ్రీ చింతాదీక్షితులు - బాలగేయాలు (1948 ప్రతి నుండి)

***********************************************   



చెఱువుకట్ట దున్నించి ఉయ్యాలో
చెఱుకులే నాటించి ఉయ్యాలో
చెఱుకదిన్న పిప్పి ఉయ్యాలో
మంచెలే కాయించి ఉయ్యాలో
మంచెమీదా మంచె ఉయ్యాలో
మంచినీళ్ళా చెలమ ఉయ్యాలో
వెండిదే గుండమ్మ ఉయ్యాలో
పయిడిదే గుండమ్మ ఉయ్యాలో
కూర్చున్న పిట్టలకి ఉయ్యాలో
గుండెలకు తగిలేసే ఉయ్యాలో
లేచిపోవి పిట్టలకి ఉయ్యాలో
ఱెక్కలకె తగిలెసె ఉయ్యాలో
పండుకున్న పిట్టలకి ఉయ్యాలో
ప్రక్కలకి తగిలేసె ఉయ్యాలో
ఆపిట్ట ఈపిట్ట ఉయ్యాలో
కట్టబడ గట్టెనమ్మ ఉయ్యాలో
రెండు పిట్టలి గలిసి ఉయ్యాలో
ఇంటికి కొండుబోయె ఉయ్యాలో




*******************************************




డేగబోయె డేగబోయె
వెన్నెలాయిలో
డేగకడ మూగబోయె
వెన్నెలాయిలో
డేగలైతె ఏడవాలె
వెన్నెలాయిలో
తర్తూరు మానిమీద
వెన్నెలాయిలో
తర్తూరు రంగసామి
వెన్నెలాయిలో
డేగలేడ బడ్తాడమ్మ
వెన్నెలాయిలో




*************************




చిక్కుడు చిక్కుడు నరికిందీ
చిక్కుడు పందిలి పెట్టిందీ
చిక్కుళ్ళో దేవర
మనకెంత దూరం

బాలగేయాలు - 14 (1948 ప్రతి నుండి)

శ్రీ చింతాదీక్షితులు - బాలగేయాలు (1948 ప్రతి నుండి)

***********************************************   



(అయిదు వ్రేళ్ళు)

విడియాల విత్తు
కొండెముల కొరివి
పుట్టు సన్యాసి
ఉంగరాల భోగి
పెండ్లికి పెద్ద



**********************



చిన్నన్న గుంట్లో
జింకలు మెయ్యా
పెద్దన్న గుంట్లో
పెయ్యలు మెయ్యా
కట్టిరారా పెద్దెంక
తోలుకురారా చిన్నెంక
పాలుపిండరా పాపయ్య
పొయి మీద పెట్టవే లింగమ్మ
దేవుకు తినవే ఎర్ర పిల్ల
తంటాలు చెప్పే బుడ్డపిల్ల




***********************





సందెకాడ ఎవరు మా
సందుకొచ్చినారు
గోపాలకృష్ణుడైతె
కోలాట మేసిపోరా
ఇల్లు మీద ఇల్లు
జాజి పూల పాంపు
పాంపు లోనె రాడా
పేరు తెల్ప్ పోడా




************************




కొట్టు కొట్టు పేలాపిండి
కొట్టలేను పేలాపిండి
విస్రు విసురు పేలాపిండి
విసర లేను పేలాపిండి
బొక్కు బొక్కు పేలాపిండి
బొక్క లేను పేలాపిండి




***********************



కొంగా కొంగా
నా గోళ్ళుచ్చుకు
నీ గోళ్ళియ్యి



*******************

Thursday, May 17, 2012

ముగ్గురున్నారు - గుర్తుపట్టినవారికి సాహిత్యమూ, చరిత్ర బాగా తెలుసని

ఇక్కడ ముగ్గురున్నారు


1) ఈయనెవరో గుర్తుపట్టినవారికి సాహిత్యమూ, దాని చరిత్ర బాగా తెలుసని........




2) ఈయనెవరో గుర్తుపట్టినవారికి సాహిత్యమూ, దాని చరిత్ర బాగా తెలుసని........




3) ఈయనెవరో గుర్తుపట్టినవారికి ఆంధ్రదేశ చరిత్ర బాగా తెలుసని........




బాలగేయాలు - 13 (1948 ప్రతి నుండి)

శ్రీ చింతా దీక్షితులు - బాలగేయాలు (1948 ప్రతి నుండి)
*************************************

చింతపూ చింతపూ రాలంగ
చిన్న కుప్పలు పెట్టంగ
దండు పోయె దండు పోయె నా మరది
దండలు తెచ్చె నా మరది



*****************************


కట్ట మీద పోయేదెవరంటే
గోగుల చెన్నయ్య కొడుకంటె
అరకట్టాకులు తెమ్మటె
చూచిన పేట పొమ్మంటె
చూచిన గజ్జెలు తెమ్మంటె
అక్కా కాడికి సొమ్మంటె
లక్కా పెట్టె తెమ్మంటె
చెల్లెలి వద్దకు పొమ్మంటె
చామంతి పువ్వులు తెమ్మంటె
వదినా వద్దకు పొమ్మంటె
వంగ పూలు తెమ్మంటె



****************************





సీతమ్మ నీ చిన్న ప్రాయమునాడు
రావోయి రత్నాల పేరంపినాడు
పేరుకు పెట్టెల్ల సొమ్మంపినాడు
సొమ్ములూ శోభిల్లు పసుపంపినాడు
పసుపుకూ పాలేటి నీళ్ళంపినాడు
నీళ్ళకు నిమ్మల వావంపినాడు
బావికి బంగారు మెట్లంపినాడు
మెట్లాకు మేదారి చెట్లంపినాడు
పూలూ గంధము తీయకురా
సాంబ్రాణి కడ్డీలు వేయకురా
తుంగభద్రా వద్ద దొంగలున్నారు
దాచుకో సీతమ్మ దండ కడియాలు


***************************

బాలగేయాలు -12 (1948 ప్రతి నుండి)

శ్రీ చింతా దీక్షితులు - బాలగేయాలు (1948 ప్రతి నుండి)
*************************************

చిన్నయ్య పంచెలకు తొగరు
పిన్నికి పట్టింది పొగరు
జానమల్లె తీసుకొని జవురు, జవురు

(జానమల్లె - జానచెట్టు జువ్వ, జవురు = కొట్టు)



******************************



వదిన వదిన వంకాయ
వదిన మొగుడు టెంకాయ



*****************************



శనగలు జోడించె నెమలి
శనగ కెళ్ళెనయ్య నెమలి
గుప్పున పర్వతాలు నెమలి
గుప్పున పడదుమికె నెమలి




******************************




జీరు జీరు బండ కింద్
జింకపిల్లలాడుతున్నై
పట్టుకురా లచ్చమన్న
పచ్చరాళ్ళు కప్పుదాము




*************************




జల్లిళ్ళమ్మా జల్లిళ్ళు
డబ్బుకు రెండు జల్లీళ్ళి



***************************




కొండమీద బీరపువ్వులూ
కొయ్యనా - వద్దా
మామ తెచ్చిన మల్లెపువ్వులు
ముడవనా వద్దా
అత్తగారి పట్టుచీర
కట్టనా వద్దా
మొగుడిచేత మొట్టికాయలూ
తిన్నా వద్దా

బాలగేయాలు - 11 (1948 ప్రతి నుండి)

శ్రీ చింతా దీక్షితులు - బాలగేయాలు (1948 ప్రతి నుండి)
*************************************

గట్టంట వెళ్ళేవు పొట్టి కోమటి
మాయవ్వ బాలింత పసుపిచ్చి వెళ్ళు
మాయన్న పూజారి పూలిచ్చి వెళ్ళు
మా వదిన పునిస్త్రీ పుస్తెలిచ్చి వెళ్ళు



*****************************



గట్టంట వెళ్ళేవు ఓ బాపనయ్య
ఆకులక్కడ పెట్టి కడవెత్తవయ్య
కడవెత్తినందుకు ఏమి లంచమ్ము
కర్ణపువ్వులు లంచమ్ము, కడవ లంచమ్ము




****************************




కాళ్ళకు మెట్టెల్ బుడిగీలో
మోకాళ్ళ చిప్పల్ బుడిగీలో
నడుముకు డాపు బుడిగీలో
చంకల్ రామచిలుక బుడిగీలో
పూలరైక బుడిగీలో
పండ్లకు దాశన బుడిగీలో
కండ్లకు కాటుక బుడిగీలో
నొషకి కుంకుమ బుడిగీలో



***************************




వాన వచ్చెనే
వాగు వచ్చెనే
చెఱువులోని చేపలాకు
చేటు వచ్చేనే



*************************




చింతపూత చింతపూత రాలంగ
చిలుకలు మేకలు మేయంగ




*************************




దండుపోయె దండుపోయె నామఱది
దండెల్లొచ్చె నా మఱది




***********************





కట్ట మీద పోయేదెవరమ్మ
రెడ్డిబిడ్డా పకీరమ్మ
తేనెగాజులు తొడిగింది
పెంకెర ముక్కర పెట్టింది
బావికి నీళ్ళకు పోయింది
బాలింతకట్లూ కట్టిందీ
మూలా మంచం వేసిందీ
ముద్దు కొడుకుని కనిందీ


**************************

బాలగేయాలు -10 (1948 ప్రతి నుండి)

శ్రీ చింతా దీక్షితులు - బాలగేయాలు (1948 ప్రతి నుండి)
*************************************

విసురురాతి పదం


ఈ వూరి కుమ్మరి యిల్లు నే నెఱుగ
చెయ్యాల కుమ్మరి గజ్జల్ల కడవ
గజ్జల్ల కడవాకి ఏ బావి నీళ్ళు
పేరైన ఉసుకాల పెదబావి నీళ్ళు
బుడుగు బుడుగున ముంచి మోకాట పెట్టు
అక్కడిక్కడ చూచి కట్టపై చూచి
కట్టమీద పొయ్యేది ఎవరమ్మా మీరు

కట్టమీద పొయ్యేది గాజుల్లా సెట్టి
నేనొచ్చి తడవాయె కడవెత్తనయ్య

కడవపేరు ఏం పేరు, నీ పేరు ఏమి?
కడవ పేరు గంగమ్మ, నా పేరు సీత
అయిపోయె గౌరమ్మ అయిపోయెనమ్మ
అయిపయిన గిరిమీద ఆడిరావమ్మ
మా జొన్నలయిపోయె మేము పోతాము
మళ్ళొచ్చి నీపాట లెల్ల పాడేము   

బాలగేయాలు - 9 (1948 ప్రతి నుండి)

శ్రీ చింతా దీక్షితులు - బాలగేయాలు (1948 ప్రతి నుండి)
*************************************

జలక్రీడలు


గొల్లభామలమ్మా చక్కని
గోపిక స్త్రీలమ్మా
పదహారువేల స్త్రీలూ చక్కని
పడుచు కన్యలమ్మా
చామంతి వనమందూ భామలు
చల్వ తోడినారూ
మామిడివనమందూ భామలు
చల్వ తోడినారూ
మల్లెల వనమందూ భామలు
చల్వ తోడినారూ
ఊరికి ఉత్రాన భామలు
దారికొచ్చినారూ
టేకు ఆకుతోనూ భామలు
తెరలు కట్టినారూ
మోదుగాకుతోనూ భామలు
మొలలు చుట్టినారూ
బాదమాకుతోనూ భామలు
పమిటలు వేసినారూ
యమునానదిలోనూ భామలు
జలక్రీడలాడినారూ
చిలకంచు చీర యేదే అక్కా
అంసంచురైక యేదే
అంసంచు చీర యేదే అక్కా
చిలకల రైక యేదే
సుడిగాలి వచ్చెనేమో అక్కా
చుట్టుకుపోయెనేమో
వానగాలి వచ్చెనేమో అక్కా
వరదను పోయెనేమో
కొంటెకృష్ణుడు వచ్చెనేమో అక్కా
యెత్తుకుపోయెనేమో
చీరలు మాకీయరా కృష్ణ
నిలచి నీకి మ్రొక్కేమూ

గోవులను కాసేటి నేను
గోపాలుడిని కానా
పశువులను కాసేటి నేను
బాలుణ్ణి కానా


పాలువెన్న తాగే కృష్ణా
బలిసియుంటువి కదరా
మా వీధికి రారా కృష్ణా
మర్దన చేసేమూ


బాలగేయాలు - 8 (1948 ప్రతి నుండి)

శ్రీ చింతా దీక్షితులు - బాలగేయాలు (1948 ప్రతి నుండి)
*************************************

గొబ్బిపాట


సుబ్బీ గొబ్బెమ్మా మొగలిపువ్వంటి మొగుడినియ్యావే
సుబ్బీ గొబ్బెమ్మా  చామంతిపువ్వంటి చెల్లెలినియ్యవే
సుబ్బీ గొబ్బెమ్మా  తామరపువ్వంటి తమ్ముడినియ్యావే
సుబ్బీ గొబ్బెమ్మా గుమ్మడిపండంటి కూతురునియ్యవే
సుబ్బీ గొబ్బెమ్మా  పనసపండంటి పణతినియ్యావే
సుబ్బీ గొబ్బెమ్మా  మామిడిపువ్వంటి మగువనియ్యావే
సుబ్బీ గొబ్బెమ్మా  మల్లీపువ్వంటి మరిదినియ్యావే
సుబ్బీ గొబ్బెమ్మా  అరటిమువ్వంటి అల్లుణ్ణియ్యావే
సుబ్బీ గొబ్బెమ్మా  తాటీపండంటి తరుణినియ్యావే
ఇందరూ గూడియో ఇంటి కెళేరీ
అందరూ గూడియో ఆ వ్రతమూ చేసీరి

***********************************

బాలగేయాలు - 7 (1948 ప్రతి నుండి)

శ్రీ చింతా దీక్షితులు - బాలగేయాలు (1948 ప్రతి నుండి)

చింతకాయ బొంతకాయ
చిగురు మామిడికాయ
కొల్లేటి వంకాయ
కొమ్మ నిమ్మపండు
వాలికిలి గుంటలో
వేలిగిలు మెయ్యగా
ఒక్కటే రాలగా
ఒంటి పువ్వు పుయ్యగా
తాటాకు చప్పుడే
కోట వెలుగు



*********************




గోడ మీది రూపాయి
నీ మొగుడు సీపాయి
తురకాళ్ళింట్లో ఉల్లిపువ్వు
మావాళ్ళింట్లో మల్లిపువ్వు




***********************



అప్ప్టి తిప్పటి తాండ్ర
అయ్యవారి తాండ్ర
అల్లీ బిల్లీ తాండ్ర
అయ్యవారి కొప్పులో తాచుపాము




*************************




ఓయి ఓయి నాయుడా
వంగపండు నాయుడా
గుడ్డి గుర్రమెక్కినావు
నక్కపాలు పితికినావు
చిక్కాన్ని పోసినావు
బేవని మండ బరిణింక తుప్ప
తుప్ప కాదురా తుమ్మెదమాను
మానుకాదురా మామిడి కొమ్మ
కొమ్మకాదురా కొడవలి గిద్ద
గిద్ద కాదురా గిద్దెడు చల్ల
చల్ల కాదురా బెల్లాపచ్చు




************************





గట్టుమీదా కోడి గవ్వల్లా కోడి
తొక్కితే తొంభై పిల్లల్లా కోడి
అడుక్కో బుడుక్కో సంబారు బుడ్డి




***************************





అట మాణిక్యమే పాటమాణిక్యం
నట్టింట అమ్మాయి రత్నమాణిక్యం
అమ్మాయిమామలు ఎటువంటివారు
చెవిచెవికి బారెడేసి కమలాలవారు
అడ్డపాగాల అంగీలవారు
ఆడంగ ముద్దు పాడంగ ముద్దు
నట్టింట అమ్మాయి నవ్వంగ ముద్దు




***************************




గోనుగోను గొలమంద
పాలుపోసి పండబెట్టు అల్లల్లలా





***********************



మా అప్ప సవరమూ మాకు తే
మా దేముడి గిన్నీ మాకు తే




*********************

బాలగేయాలు - 6 (1948 ప్రతి నుండి)

శ్రీ చింతా దీక్షితులు బాలగేయాలు (1948 ప్రతి నుండి)

అచ్చక్క బుచ్చక్క తౌడు
తౌడులో రాగింజ దారం
దారం తీసుకుపోయి సాలెయ్యకిస్తే
సాలెయ్య బొంతా నేసిచ్చె
బొంత కట్టుకోని సంతకు బోతె
సంతలో మారాజు నప్పీర కుట్టె


****************************


అమ్మాడమ్మా గుమ్మాడీ
మార్చుకోంది పేర్చుకోండి
ఈనీని గుమ్మడీ
ఈ పిల్ల ఎవ్వరు



****************************



ఏమే ఓ చిట్టీ
ఏడవ్వే గుక్కెట్టి




***************************




అమ్మడి గుమ్మడి గూనీవారా
అమ్మా అమ్మా వీరెవరు?



**************************




చింతచెట్టు మీద చిగురు
వాలుగొమ్మ మీద వగరు
అన్నయ్య బట్టలకు తొగరు
ఒదినకు వచ్చినది పొగరు




***************************




(గాజులు తొడిగేటప్పుడు)


నిత్యగాజులసెట్టి నీలాలసెట్టి
పచ్చగాజులసెట్టి పగడాలసెట్టి
తొడుగోయి అమ్మాయికీ తేనెగాజుల్లు




*************************





గాగం గర్కచ్చి
ఊటో రమ్మన్న
ఏడుస్తే వెలక్కాయ
ఊరుకుంటే ఊరగాయ
తోటకు నీల్లొస్తే
ఎన్ని పండ్లు పెడతావు
ఏతాం తోడతాను





*****************************





చిట్టీ చిట్టీ మిరియాలు
చెట్తూ కింద పోసి
పుట్టమన్ను తెచ్చి
బొమ్మరిళ్ళు కట్టి
బొమ్మరింట్లో బిడ్డను గంటె
బిడ్డ తలకు చమురు లేదు
నా తలకు నూని లేదు


**********************

బాలగేయాలు - 5 (1948 ప్రతి నుండి)

శ్రీ చింతా దీక్షితులు బాలగేయాలు (1948 ప్రతి నుండి)
*******************************************

ఆయినవారింటికీ పోయి వద్దాము
అరటిపళ్ళ అత్తాలు అడిగి వత్తాము


*******************************************

చందామామా చీరే కట్టి
సన్నా బియ్యం ఒళ్ళో పోసి
అమ్మా నేను చిన్నదాన్ని
అల్లుడు వస్తే అంపాబోకు
మమా వస్తే మళ్ళీ రమ్మను
చద్దీ కట్టా గుడ్డా లేదు
సాగనంపా పొద్దూ లేదు
ఇరుగు పొరుగు అక్కల్లారా
ఒకటే తుమ్ము ఆ....చ్


*******************************************

వడ్డాది కొండమీద వడ్లెండ బోసి
రా చిలుక పో చిలుక వడ్లు దంచుదాము
అల్లవారి కుక్క వచ్చి కూడు ముట్టంగ
కూడు ముట్టినచోట కలికమ్ము రాలు
మనము తిన్న కూడు మల్లెల్లు రాలు
రా చిలుక పో చిలుక వడ్లు దంచుదాము
పోదాము మన మింక ప్రొద్దు పోయింది


*******************************************

ఎద్దెద్దు పట్టెడ
ఎద్దుకాయ పట్టెడ
మోగన్న మోగదే
మాయదారి కిన్నెర


*******************************************


జోలలకు పాడంగ బాలలకు నిద్ర
నాగస్వరం పట్టంగ నాగులకు నిద్ర
రాజసం పండింది రాజు కొరిగింది
బూతులసి పండింది బూమికొరిగింది
చిలుకల్లు చెలరేగి మామభుజమెక్కు
మామ భుజమెక్కుతూనే మామనేమడుగు
పాలడుగు, గిన్నడుగు పాలావునడుగు
ఊరులేని పాటిమీద ఉయ్యాల గట్టి
ఊపమని మీమామ కుత్తరాల పంపు


*******************************************


గోపమ్మ నీళ్ళాడె
గొల్లోడు దడికట్టె
ఒడ్డోడు చెలమసేదె
పసలోడు పారదీసె
నిన్నొక్క దూడ చచ్చె
మొన్నొక్క దూడ చచ్చె
పోయే పున్నమనాడు
పొయిమీడ రొట్టాలు
బుడకోడి గిట్టాలు
గుజ్జుకోని తినవోయి
బుల్లి నాసరయ్య

*******************************************

ఒక్కంద
బికిరీలు
ముక్కు...మల్లె
నక్క నాంచి
ఐదు రెండ్ల
అస్తవాళి
ఇస్తివేళ్ళు

*******************************************

బాలగేయాలు - 4 (1948 ప్రతి నుండి)

శ్రీ చింతా దీక్షితులు బాలగేయాలు (1948 ప్రతి నుండి)
***************************************


ఒక్కమ్మ నెత్తికి గోరంకి
చెప్పకు చెప్పకు చినపాపి
చెర్లో నక్కను పిలిపించి
చెపితే నీ ముక్కు చెక్కిస్తా
చింతలు మలవలు దాటిస్తా

***************************************


బోడి బోడి బొమ్మ
నీ మొగుడు మంచోడమ్మా
పట్ణం పోయేడమ్మా
పట్టెడ తెచ్చాడమ్మా
నీ మెడను కట్టాడమ్మా
కొత్తకోక కట్టింది నా కూతురు
కొన్నేడు సుబ్బయ్య నా అల్లుడు

***************************************


రాకురాకుల బండి రామల్ల బండి
వచ్చీదీ పోయీదీ ఓ రామచిలుక
నిప్పుమీద రానా
నీళ్ళ మీద రానా


***************************************

చింతాకు తోరణం కట్టుకొని
మామిడాకు మద్దెల కట్టుకొని
నిన్ను నే పెళ్ళాడుతాను
చిన్న గుంటోడా


***************************************


ఉసిరిక చెట్టుకింద
పసిడిపామున్నాది లేలే

***************************************


పులిగిరి అమ్మా పులిగిరో
పులిసిందంతా నీ పాలో

***************************************


ఓసోసి మద్దాలెంకె
నీ కొడుకు చందరయ్య
కోనేటి గట్టుమీద
కోలాట మెయ్యబోతే
దిగింది గడ్డపలుగు
కారింది రక్తగొల్లు
చూచింది ఎర్రపిల్ల
గోడుబిళ్ళ జాయిరే
జోరుబిళ్ళ జాయిరే

బాలగేయాలు - 3 (1948 ప్రతి నుండి)

శ్రీ చింతా దీక్షితులు బాలగేయాలు (1948 ప్రతి నుండి)
*********************************

తోడు పాయసం తోడు
అత్తల్ల బంతికే తోడు
మామల్ల బంతికే తోడు
ముద్దు మాణిక్యమా తోడు
ముత్యాల హారమా తోడు
జుర్రు పాయసం జుర్రు
జుర్రంగ నీ చెయ్యి చుర్రు


*********************************


గట్టు మీదా కోడి
గవ్వల్లా కోడి
తొక్కితే తొంభై పిల్లల్లా కోడి
పిల్లల్లా కోడి
అప్పల్లారా
డిప్పలు ముయ్యండి

*********************************


తోడు పాయసం తోడు
తోడితే నా చెయ్యి వేడి
వేడి పాయసం జుర్రు
జుర్రోయమ్మ జుర్రు
జుర్రితే నా నోరు చుర్రు

*********************************


ఒక్క ఓ చెలియా
రెండూ లోగిల్లూ
మూడూ ముచ్చిలక
నాలుగు నందన్న
అయిదుం చిటి  గొలుసు
ఆరుం బేటీలు
ఏడుమ్మ్ జవ్వాజు
ఎనమన ఎనమంద
తొంబా తోగుచ్చు
పదికి పట్టెడా


*********************************

చీలా బండి చిక్కుడుకాయ
పాళా బండి పల్లేరుకాయ


*********************************

దమ్మిడీ పోయింది
దేవుళ్ళాడుకో
కాలు విరిగిపోయింది
కంకణం కట్టుకో


*********************************
గూటీబిళ్ళ ఆట

కాళ్ళకండు రోలబండ
మూళ్ళ ముడ్డి
నాళ్ళ నరం
అయిదు రొంటి
ఆరు గిరిగిరి
ఏటికి ఒకడు


*********************************


సిర సిర బండి
సిరాయి బండి


*********************************


అరటిపండరటిపం డమ్మన్న ముద్ద
పేపే రామన్న పెండలం ముద్ద
ఆవు పేరేమి గోవు పేరేమి
చంద్రకాంతా నీ మొగుడు పేరేమి


*********************************


ఒదినా ఒదినా ఒల్లంకి పిట్ట
గదిలో పెట్ట గంజినీళ్ళు పొయ్య
నీ కొడుకు పుట్ట నా పేరెట్ట
మా అన్న కొట్ట నీవు పారిపోను
నే బతిమాల నువ్వు యేడవ నే నవ్వ




బాలగేయాలు - 2 (1948 ప్రతి నుండి)

శ్రీ చింతా దీక్షితులు బాలగేయాలు (1948 ప్రతి నుండి)

*****************************

చదువుకుని అబ్బాయి వచ్చె కాబోలు
సరస్వతీ చప్పుడు సావిళ్ళలోను
ఆడుకుని అబ్బాయి వచ్చె కాబోలు
అందెళ్ళ చప్పుళ్ళు పందిళ్ళలోను
సానివీధుల వెంట అబ్బాయి వస్తే
సాను లడ్డూకొనిరి చందమామంచు
అబ్బాయి నెవ్వరే కొట్టిన్నవారు
కొట్టొ కొబ్బరి బెల్లం కొనిపెట్టినారు


*****************************

భుజ మూచమ్మ భుజమూచు
పూవులు తెత్తము భుజమూచు
సరులను గుత్తము భుజమూచు
స్వామికి నిత్తము భుజమూచు

*****************************


ఊగాడమ్మా ఊగాడు
ఊగే చిలుకా ఊగాడు
బంగరు బొమ్మా ఊగాడు
తంగెడు పువ్వా ఊగాడు
కులదీపంబా ఊగాడు
గుడిపావురమా ఊగాడు
చిన్నెల యమ్మా ఊగాడు
కన్నుల వెలుగా ఊగాడు
సొగసుల గువ్వా ఊగాడు
శుకమా పికమా ఊగాడు
చక్కని నెమలీ ఊగాడు
చక్కెర బొమ్మా ఊగాడు

*****************************


చేతటమ్మ చేతట్టు
శిరమున నేమి చేతట్టు
నీళ్ళ బిందెయే చేతట్టు
నిలుపును దాహము చేతట్టు


*****************************


దాదం దక్కచ్చి
అయ్యవా రక్కచ్చి
పూస్తే పువ్వొచ్చి
కాస్తే కాయొచ్చి
పండితే పండొచ్చి

*****************************


జోలపాట


జోలలకు జొన్నబువ్వ
నాకు వరిబువ్వ
ఏడ్చేటి అబ్బాయికి వెల్లావు పాలు
ఊళళ....హాయీ

హాయి వారమ్మాయి నీళ్ళకెళ్ళింది
పాలైన యివ్వవే ఓ కుక్కపిల్లా
ఊళళ....పిల్లీ

పిల్లెమ్మ వెళ్ళింది పల్లెల్లు దాటి
అబ్బాయి వెళ్ళాడు రచ్చల్లు దాటి
ఊళళ .......పిల్లీ

పిల్లి, రావే తల్లి పిల్లలమర్రీ
మర్రిక్రిందావాడు తొర్రినాగన్నా
తొర్రి నాగన్నకూ తోడెవ్వరమ్మా
గుఱ్ఱాలు కాసేటి గురవడే తోడు
ఊళళ ...హాయీ

*****************************

బాలగేయాలు

శ్రీ చింతా దీక్షితులు బాలగేయాలు (1948 ప్రతి నుండి)
***********************

అక్కలి కర్రా
మొక్కలి పీటా
కూర్చో కూర్చో
వదినా వదినా


***********************

కాముడోయి భీముడోయి
కందిపప్పు దేముడోయి
చెన్నపట్నం చెరుకుముక్కా
నీకోముక్కా నాకో ముక్కా

***********************

అట్లతద్దిపాట

కోటా బురుజూల మీద లాల్బావుటా
ముత్యాల్ మోపాల్ మీద లాల్బావుటా
నవుబత్ఖానాల మీద లాల్బావుటా
రాజు అంబారి మీద లాల్బావుటా


***********************

నెల్లికాయ దొంగ
నేరేడు దొంగ
పందిట్లో దొంగ
మా చిన్నారి దొంగ


***********************

వెన్నెల కుప్పలు గళ్ళు గళ్ళు
పచ్చి బియ్యం పేలాలు
పీట కిందా పిడికెడు బియ్యం
పిల్లల్లారా రండర్రోయి

Wednesday, May 16, 2012

పారమార్ధిక తత్త్వం - Late 1800's or early 1900's may be

పారమార్ధిక తత్త్వం
Source: An old paper cutting, can't see the print right...so I am assuming these are the details....

రచన: అజ్ఞాత
కాలం: ?? (1800's or early 1900's may be)


చేతులకందని రెండు శివశివ నీతులు చెప్పగ విందురటా
చేతులకందని రెండు శివశివ నీతులు చెప్పగ విందురటా

ఊరి పడమట నొక్క పాములేని పుట్ట, పుట్టలోనే యూరపిచ్చుకటా
పుట్టమీద నొక యూసర వెల్లియట, పట్టెడేసి వెన్న మెక్కునటా
చేతులకందని రెండు శివశివ నీతులు చెప్పగ విందురటా

మొదలు లేని మ్రానుకు ఆకులేని తీగకు ఐదుకొమ్మాలట
మొగ్గలేని పిందె తొడిమె లేని పండు నోరులేని బాల మ్రింగెనట
చేతులకందని రెండు శివశివ నీతులు చెప్పగ విందురటా

గుఱ్ఱము యెనుబోతు కూడ చరించగ నఱ్ఱెడ్ల మీద నడుచునట
జెఱ్ఱిపోతు జింక మఱ్ఱి మ్రానిమీద నమలక యా బయలు మేయునట
చేతులకందని రెండు శివశివ నీతులు చెప్పగ విందురటా

గురుతుగ గురువుల గురుకృప కలిగితే గురుతుగ శిష్యుడు దెల్పునటా
శివభక్తులైతే శివుని సన్నిధికి చేరుమని శివుడు చెప్పునటా
చేతులకందని రెండు శివశివ నీతులు చెప్పగ విందురటా

ఇందులో కొన్ని పదాలకు అర్థం ఇదిట:

రెండు నీతులు = సత్యం, ధర్మం
పుట్ట = మనసు
ఊరపిచ్చుక = బుద్ధి
ఊసరవెల్లి = చిత్తం
వెన్న = కర్మఫలం
ఐదు కొమ్మలు = పంచ భూతాలు

అదేదో అపరాధ భావం పెరిగిపోయింది!!

ఏప్రిల్ నెల స్టాటిస్టిక్స్ - మొన్న చూసిన దగ్గరినుంచి అదేదో అపరాధ భావం పెరిగిపోయింది.....

అందుకు , కొద్దిరోజులు మళ్ళీ ఆ పనులమీద పడిపోదామని నిశ్చయించుకున్న తర్వాత మనసుకు కొద్దిగా శాంతి లభించింది....

సరే అని బోషాణం తీసి మళ్ళీ సంస్థానాల మీద పడ్డా.....

అందులో వనపర్తి రాజాగారి చిత్రం ఒకటి లభించింది....

ఇదిగో


ఇతర సంస్థానాల వివరాలు కావాలనుకున్నవాళ్ళు వెబ్సైటుకు వెళ్ళి, ఎడమవైపున ఉన్న సంస్థానములు లంకె నొక్కి చదువుకోవచ్చు...

భవదీయుడు
మాగంటి వంశీ

సినిమాల్లో కాకుండా సినిమాల మీద పాటలు కూడా వచ్చేవన్నమాట!

సినిమాల్లో కాకుండా సినిమాల మీద పాటలు కూడా వచ్చేవన్నమాట

పురాతన ఆంధ్రపత్రికలో వచ్చిన పాట....దక్షయజ్ఞం సినిమా మీద







పదిలక్షల భోజనాలు పంచిన.....

పదిలక్షల భోజనాలు పంచిన.....

నేను టి.వి. చూసేది తక్కువే.....ఎప్పుడైనా చూసినా - నేషనల్ జియోగ్రాఫిక్ - హిస్టరీ - డిస్కవరీ ఛానల్సు, 60 minutes కార్యక్రమం మటుకు చూస్తాను.....అలాటిది మొన్న నేషనల్ జియోగ్రాఫిక్ కి వెళ్ళబోతూ పొరపాటున సి.బి.ఎస్ లోకి వెళ్ళా.....

Ray Castellani గురించి ఒక క్లిప్పొస్తోంది.....ఈయన లాస్ ఏంజిల్స్ డవున్ టవునులో "హోం లెస్" వాళ్ళకి, బీదా బిక్కీలకి ఉచితంగా భోజనాలు సొంత డబ్బులతో తయారుచేసి పంచుతాడని తెలిసి ఆశ్చర్యపోయా....అందులోనూ ఈ మధ్యే ఒక మిలియన్ భోజనాలు, అనగా పదిలక్షల ఉచిత భోజనాలు పంచటం పూర్తయ్యిందని తెలిసి మరింత ఆశ్చర్యపోయా.....

ఈ రోజు ఆయన గురించి వెతికితే ఒక డాక్యుమెంటరీ కనపడ్డది ...

ఇక్కడ చూడండి....

ఇలాగే కేరళలో ఒకాయన  ఎవరో - "షెఫ్" అనుకుంటా - పొద్దున్నే పేద్ద గుండిగల్లో వంటలూ అవీ వండేసి ఉచితంగా అందరికీ పంచేస్తాడని అప్పుడెప్పుడో వార్తల్లో చదివిన గుర్తు...ఆయన పేరు గుర్తుకులేదు కానీ - ఇలాటోళ్ళకి ఓ పాదాభివందనం మటుకు చేసెయ్యగలను.....అలాటోళ్ళకి సాయం (ధనం కానీ, సేవ కానీ) చేసే వాళ్ళకి కూడా ఓ పాదాభివందనం చేసెయ్యగలను....

మూడొంతులు అంటే మూడుపావులా?

మూడొంతులు పూర్తయిన కృష్ణదేవరాయలు

వెనకటికి నీలాంటి వాడే ఎవడో మూడొంతులంటే మూడుపావులా అని అడిగాట్ట....


Tuesday, May 15, 2012

6,71,387 - Interesting...Very interesting.....

Website's April Stats Show - 6,71,387 visits ...Interesting.....

Average was about 5 and half Lakhs OR Half million, jumped 100 thousand this month.....Very interesting.....

Wish I had more time to spend and do justice to the website!

Oh well - such is time! Precious time.....it just slips away like the sand in hour glass...

Monday, May 14, 2012

ఈవిడ దేవదాసా?

ఈవిడ దేవదాసా?

తాగుబోతు దేవదాసనుకున్నవాళ్ళకి మీ తెలివి అంతేనని తెలుసు కానీ - ఈవిడ , అదేనండీ దేవదాసి 


A Temple Dancer on 11 by 14 Canvas - 

Ah! Where is the temple? It's on it's way....

Not a final version yet..... :)





Saturday, May 12, 2012

అందమైన ఆడపిల్ల నాట్యమాడితే?

అందమైన ఆడపిల్ల నాట్యమాడితే?

నిన్న పేద్ద కాన్వాసు మీద శివయ్యను గీయగా వచ్చిన కొండంత విశ్వాసంతో పెనసిలు, ఛాతీ రెండూ ఉబ్బిపోగా - ఈవేళ ఇంకో పేద్ద కాన్వాసు ( 16 * 20 ) తీసుకుని ఈ స్కెచ్చేసా!

పెయింటెయ్యాలి ....రంగులద్దాక ఎలాగొస్తుందో చూడాలి....






Friday, May 11, 2012

Here he comes.....The Supreme Soul

Inspired by one of the images on the internet and with the comments received for the other Sivayya - that he looks like a skeleton - here comes ONE sketch of Lord Shiva.

For this I took a huge step. Went to michael's and bought 16 by 20 Canvas and hesitantly started on it....but with the blessings of the supreme soul, whose name , just the name makes me emotional - very emotional - after 20 mins, the sketch turned out good....Real good.....

Here he comes.....


శివయ్యకు రంగులద్దితే ?

శివయ్యకు రంగులద్ది మొత్తానికి పూర్తి చేసా!


Thursday, May 10, 2012

Here Comes Lord Shiva - At 5 AM - Pen Drawing!

“మొలక మీసపుఁ గట్టు, ముద్దుచందురుబొట్టు
పులితోలు హొంబట్టు, జిలుఁగు వెన్నెలపట్టు
నెన్నడుమునకు చుట్టు క్రొన్నాగు మొలకట్టు
క్రొన్నాగు మొలకట్టు గురియు మంటలరట్టు” 

Here Comes Lord Shiva - At 5 AM - Pen Drawing!

Finally - he gave me chance to draw him!

శంభో శంకరా పాహిమాం పాహిమాం  






Wednesday, May 9, 2012

దాదాపు 3000 కీర్తనలు, కృతులు

దాదాపు 3000 కీర్తనలు, కృతులు

2000 అన్నమయ్య కీర్తనలు, 750 త్యాగరాజులవారి కృతులు, 150 రామదాసు కీర్తనలు మొన్న ఆదివారం వెబ్సైటులోకి ఎక్కించటం జరిగింది.....కావాలనుకున్నవారు చూసుకోవచ్చు....

గత ఐదారేళ్ళుగా నాకు పరిచయం ఉన్న గురుతుల్యులు శ్రీ శిష్ట్లా శ్రీరామచంద్రమూర్తి గారు - ఎన్నో సంవత్సరాలు, ఎంతో శ్రమకోర్చి ఒక అద్భుతమైన సంగీత భాండాగారాన్ని - కీర్తనలతో, కృతులతో మరెన్నో ఆణిముత్యాలతో తయారు చేసారు....

వాటిలో కొన్ని ఆణిముత్యాలు మరింత మందికి చేరువ కావాలన్న వారి కోరికతో, వారి ఆశీర్వాదం తీసుకుని ఇక్కడ  ప్రచురించటం జరిగింది.


(Note: ఎడమ వైపున ఉన్న కీర్తనలు - కృతులు లంకె నొక్కి ఆ 3000 కీర్తనలు, కృతులు చూడవచ్చు)

శ్రీ శిష్ట్లా శ్రీరామచంద్రమూర్తిగారి వెబ్సైటును ఇక్కడ చూడవచ్చు....

భవదీయుడు
మాగంటి వంశీ

సగంలో ఆగిపోయిన సుందరి !!

The Ethnic Woman's Journey....Just an update on the painting... :)

Should be done in couple more days...Quite a bit of work pending on this one.....

For some reason cannot decide on the back ground color and design on the blouse and saree....:)

 It will click/strike in a split sec, some time soon! hopefully...





Tuesday, May 8, 2012

మీ అమ్మా నాన్న ముందు ఈ పిల్లదానిలా చెయ్యండి చూద్దాం!

మీకు దమ్ముంటే, మీకు ఇరవై ఏళ్ళు దాటితే మీ అమ్మా నాన్న ముందు ఈ పిల్లదానిలా చెయ్యండి చూద్దాం!

దోశ: దోశ మధ్యలో చిల్లులు చేసి రెండు కళ్ళు, ముక్కు, మూతి పెట్టి, ఆ దోశ ముఖమ్మీదేసుకుని ఆ కళ్ళ చిల్లుల్లోంచి ఓ సారి పక్కనున్న నన్నో వాళ్లమ్మనో చూసి, ఆ ఆనందం అయ్యాక, ప్లేట్లో పెట్టి ముందు నోరు భాగం చుట్టూ ఉన్న ముక్కలు కొరికి తినేసి, కళ్ళు ముక్కులున్న చోట మరింత పెద్ద చిల్లులు చేసి మళ్ళీ ఓ సారి ముఖమ్మీదేసుకుని చూసి మళ్ళీ ప్లేట్లో పెట్టి, ఆ పెట్టినదాన్లో సగం తిని అమ్మా చాలు కడుపు నొప్పి అనటం....అమ్మ ఉగ్రరూపం దాల్చటం....నోరుమూస్కుని మిగిలింది తినెయ్యటం, ఒక్కోసారి ఏడుస్తూ....

ఇడ్లీ: మధ్యలో గుంట చేసి, కారప్పొడి స్పూనుతో తీస్కుని ఆ గుంటలో కాకుండా పక్కనున్న ప్లేట్లో అంతా పోసి, ఇలాక్కాదని గుంటున్న ఇడ్లీని ముక్కలు చేసి ఆ ముక్కలతో కారప్పొడి అద్దుకుంటూ, ఆ అద్దుకోటంలో పొడినంతా ప్లేటు చివరికి తోసి అది కింద పడిపోతే అమ్మొంక ఓ సారి చూసి - ఆవిడ చుడకపోతే ఆ పడిపోయిన కారప్పొడంతా ప్లేటు కిందకు తోసేసి ఇంకో స్పూనుచ్చుకుని ఇంకొంచెం కారప్పొడేసుకోటం.....తంతు మళ్ళీ మొదలుపెట్టటం....

ఉప్మా: చిన్న చిన్న గుండ్రం ముద్దలు చేసి రెండు కళ్ళు పొడిచి, ఓ నాలుగు ముద్దలు ఒకదాని మీద ఒకటి పెట్టి నాన్నా ఉప్మా మాన్ చేసేసా అనటం....మంచు పడ్డప్పుడు దాంతో స్నో మాన్ చేస్తుంది, దాంతో ఉప్మాతో ఉప్మా మాన్ కూడా చెయ్యొచ్చని అర్థమయిపోయిందన్నమాట

జంతువుల బొమ్మలున్న బిస్కట్లు - ముందు కాళ్ళు, ఆ తర్వాత తల, ఆ తర్వాత మిగిలిన భాగంలో సగం నమిలి, మిగిలిన భాగంలో బిస్కటు రజనంతా కార్పెట్ మీద పొయ్యటం....

బ్రెడ్డు - కొద్దిగా గట్టిగా ఉన్న చుట్టు భాగాన్ని చేతుల్తో పీకి ప్లేట్లో పెట్టి, మెత్తటి భాగంలో రెండు బొక్కలు పొడిచి కళ్ళ మీద పెట్టుకుని అందులోంచి ఓ సారి చుట్టు చుసి, కనపడకపోతే ఆ బొక్కలు ఇంకొంచెం పెద్దవి చేసి , మళ్ళీ కళ్ళ మీద పెట్టి చుట్టూ చూసి సంతొషించాక మెల్లగా తినటం మొదలు పెట్టి - ఆ గట్టిగా ఉన్నది తిను చాలా బాగుంటుంది అందులోనే బలం ఉంది అని అమ్మ అరుస్తే, నెమ్మదిగా అమ్మ చూడకుండా కూర్చున్న కుర్చీకున్న కుషన్ల కింద ఇరికించెయ్యటం....

నూడుల్స్ - ఓ పేద్ద ఫోర్కుచ్చుని ప్లేట్లో ఉన్న నూడుల్స్ మధ్యలో పెట్టి పరపరా పరపరా తిప్పి తిప్పి తిప్పి, చివరికి ఓ రెండు నూడుల్స్ ఆ ఫోర్కుకు పట్టుకోగా ఆ రెండిట్లో ఒకదాన్నీ నోట్లోకి పోనిచ్చి గట్టిగా చప్పుడు చేస్తూ జూరి, కిందపడిపోతున్న రెండోదాని చివర చేత్తో పట్టుకుని  ఫోర్కుకు సగం వరకూ చుట్టి - మళ్ళీ గట్టిగా చప్పుడు చేస్తూ లోపలికి పంపించెయ్యటం. కావలసినంత తిన్నాక ఆ మిగిలిపోయిన ప్లేటు చేత్తో పట్టుకుని , ఎలా? వంకరగానన్నమాట, అమ్మా ఇంక చాలు సింకులో పడెయ్యనా అని సమాధానం కోసం చూడకుండా సింకు దగ్గరకెళ్ళిపోతూ, ప్లేట్లో మిగిలిన నూడుల్స్లో కొన్ని కిందపారేసి (ప్లేటు వంకరగా పట్టుకుందిగా! అందుకు....) దాన్ని తొక్కుకుంటూ ప్లేటు సింకులో పడెయ్యటం .....అమ్మొచ్చి అది చూడటం...అరవటం, ఓ నాప్కిన్నివ్వటం, దాని చేతే ఎత్తించటం, తుడిపించటం.....ఇది లబోదిబోమనటం....

ఐస్ క్రీం : నాన్నా స్ట్రా బెర్రీ ఐస్ క్రీం కావాలి అని అడిగి, ఒక స్కూపు చాలంటే వినకుండా రెండు స్కూపులేయించుకుని, వంకరగా పట్టుకోటంతో షాపు బయటికి కూడా రాకుండానే పైనున్న స్కూపు కింద పడిపోతే ఏడుపు మొహమేసుకుని నాన్నా అనటం.....సరే కిందటిసారి అలాగయ్యింది కదాని ఈ సారి ఒక స్కూపే వేయించుకుని జాగ్రత్తగా షాపు బయటకొచ్చి కారెక్కి, ఆ కోను కిందభాగం కొరకటం మొదలుపెట్టి ఆ చిల్లులోంచి జారే ఐస్క్రీం జుర్రి, ఓ రెండు నిముషాలు కాంగానే ఐస్క్రీం ధార ఎక్కువ కావటంతో మూతి ముక్కు అంతా చేసుకుని క్లాత్ సీట్లున్న కారులో, ఆ సీటుమీద నాన్న చూడకుండా పెట్టేసి, చేతులు కారు సీటుకు పూసి బంక వదిలించుకుని, మూతి ముక్కు అంతా గవునుకు పట్టించి కాం గా కూర్చోటం....

అయ్యా ఇలా బోల్డంత లిష్టుంది.....పిల్లల్ని పెంచటమంటే మాటలా.....

ఈ పిల్లది ఎవరో అనుకునేరు - మాదే - వైష్ణవి ... :)

Monday, May 7, 2012

ఈ హౌలా ప్రపంచం నుంచి ఉల్ఫా ప్రపంచంలోకి తీసుకెళితే అది లఫూట్ సినిమా!

అవెంజర్స్ చూసానయ్యా మొన్న

బావుంది....10 డాలర్లకు తగ్గ సరుకు లభించింది...

సరుకంటే ఒక్కోడికి ఒక్కోటి కావచ్చు....

ఒకడు కథ అంటాడు, ఒకడు యాక్షనంటాడు, ఒకడు స్క్రీన్ ప్లే అంటాడు, ఒకడు యాక్టర్లంటాడు, ఇంకోడు నీ బొంద, నీ శ్రాద్ధం అంటాడు...

నాకైతే అవెంజర్స్ సినిమా సినిమా సరుకుగా లభించింది....సినిమాకెళితే ఈ హౌలా ప్రపంచం నుంచి ఉల్ఫా ప్రపంచంలోకి తీసుకెళితే అది లఫూట్ సినిమా, పాతాళానికి తీసుకుపోతే ఉల్ఫా సినిమా, మేరు పర్వతానికి తీసుకెళితే జఫ్ఫా సినిమా, అలాక్కాకుండా త్రిశంకు లోకానికి తిసుకెళితే రాంగోపాల్ వర్మ సినిమా, యక్ష - కిన్నర - కింపురుష - కిరాత - గంధర్వ - నాగ లోకాలకు తీసుకుపోతే, ఆ సినిమా సరుకున్న సినిమా అని నా నమ్మకం....ఆ సినిమా సరుకు అవెంజర్స్ సినిమాలో ఉన్నది....

ఇంకా బోల్డు చెప్పొచ్చు ఈ సరుకుల మీద కానీ అసలు విషయం అది కాదు కాబట్టి ఇంతటితో ఆపి అసలు సంగతిలోకొస్తా......

బుర్రకు భేది మాత్రేసుకుని కూర్చో! లేకుంటే జారిపోతావ్....వేసుకున్నాక ఎలాగూ జారతావనుకో, అది వేరే సంగతి....

సరే కానీ, వీడికే ఇంతమంది హీరోలుంటే మనకున్న హీరోలతో ఎలాంటి సినిమా తియ్యొచ్చంటా?

హీరోలంటే ఇప్పుడు మన తెలుగు సినిమాల్లో ఉన్న బీమార్, బేకార్, ముసలి, కుర్ర సరుకు అనుకునేవు - అందుకే నిన్ను భేది మాత్రేసుకోమన్నది....

హీరోలంటే - మన ఆంజనేయ సామి, నరసింహ సామి, కృష్ణ సామి, జాంబవంత సామి, పరశురామ సామి, బలరామ సామి, రామ సామి, గరుత్మంత సామి, కుమార సామి, వీరభద్ర సామి, కాళికమ్మోరు, కాలభైరవ సామి, అందరినీ మించి శివ సామి - ఇల్లా ఓ లిష్టు.....

సరే హీరోలున్నారు కాబట్టి ప్రతినాయకులుండాలిగా - అందుకు వీళ్ళనేసుకోవచ్చు - కార్తవీర్యార్జున సామి, తక్షక సామి, వాలి సామి, రావణ సామి, దుర్యోధన సామి , ఇంద్రజిత్ సామి, కంస సామి, జరాసంధ సామి, హిరణ్యకశిప సామి, కీచక సామి  - ఇల్లా ఓ లిష్టుంది....

వీళ్ళందరినీ కలిపి ఓ సినిమా తిస్తే దాని సిగదరగ, రికార్డులు - స్క్రీన్లు - సినిమా తెరలు బద్దలైపోవూ ?

బానే ఉందయ్యో ప్లాను - అయితే ఈళ్ళందరినీ ఇరికించటానికి ఓ కథ ఉండాలిగా - ఆ కథేమిటంటావ్?

ఆ ఏముంది?

అప్పుడెప్పుడో జమానాలో కార్తవీర్యార్జునుడు, రావణుడు, వాలి ఈ ముగ్గురూ కలిసి , జట్టు కట్టి ముఠా మేస్త్రీలా, కాకుంటే ముగ్గురు మాయల మరాఠీల్లా జనాలందరినీ - దేవతలు, మనుషులు, కోతులు, కుక్కలు మొదలైన తేడా లేకుండా మూకుమ్మడిగా కుక్కగొడుగులు నలిపినట్టు నలిపిపారేస్తూ ఉంటే, ఆంజనేయ సామి, ఓ లక్ష సంవత్సరాల దీర్ఘ నిద్రలోంచి లేచొచ్చిన పరశురామ సామి కలిసి ఈ ముగ్గురినీ కుళ్ళబొడిచి వదిలిపెడతారు.....కుళ్ళబొడిచాకా పరుశురామ సామి మళ్ళీ దీర్ఘ నిద్దర్లోకి వెళ్ళిపోతాడు.....

మొదటి భాగం ఇంతటితో సమాప్తం.....

రెండో భాగం రేప్పొద్దున్న.....

Sunday, May 6, 2012

సాయంకాలపు సింగారం! - పదహారణాల బంగారపు తెలుగు పిల్ల!

సాయంకాలపు సింగారం!

ఆహా - పదహారణాల బంగారపు తెలుగు బొమ్మ! 

More to come....First Traditional Village Woman On Board......Be prepared folks...:)



Saturday, May 5, 2012

ఏం చెయ్యాలో మీరే నిశ్చయించుకోండి.....నే పోతున్నా!

ఉండు - ఎక్కడికెళతా?

వీడెక్కడన్నా కనపడ్డాడా మీకు?

ఆనవాలు చెప్పినవారికి  పది పుర్రెలు బహుమానం

నేను వీడిలాగవ్వాలంటే దశావతారాలు సరిపోవు...

ఏముందని తినమంటా వీడిని ?

ఇల్లా బోల్డు టైటిల్సొచ్చేసినై.....ఏది ఎక్కించాలో తెలీక వదిలేసా.....ఏం చెయ్యాలో మీరే నిశ్చయించుకోండి.....నే పోతున్నా!


Friday, May 4, 2012

అక్కడ బియ్యప్పిండి ఉప్మా కోసం వంద మంది కూకున్నారు! కానీండి.

విసుర్రాయితో ఇలాగ విసిరితే తట్ట ఎప్పుడు నిండేనూ? అక్కడ బియ్యప్పిండి ఉప్మా కోసం వంద మంది కూకున్నారు! కానివ్వండమ్మా! కానీండి....

Acrylics on 11 * 14 Canvas

Pthalo green, Bright yellow, Bright Blue, Titanium white, Black, Bright Red, Gold, Orange


Wednesday, May 2, 2012

ఈయన పిడికిలెందుకు బిగించాడో తెలుసా?

ఈయన పిడికిలెందుకు బిగించాడో తెలుసా?

11 * 14 Canvas

Acrylics: Pthalo Green, Bright Yellow, Gold, Orange, Titanium White, Bright Red, Black



శ.డ.పీ.డా లకి అంత ఇదే ఉంటే మనుషులు - శవాలెందుకౌతార్రా పిచ్చోడా!

శవాల డబ్బులు పీక్కుతినే డాక్టర్లూ - ఇది చూడండిరా బుద్ధొస్తుందేమో

ఛా! ఆ శ.డ.పీ.డా లకి అంత ఇదే ఉంటే మనుషులు - శవాలెందుకౌతార్రా పిచ్చోడా....

57 యేళ్ళల్లో ఒక్కరోజు కూడా శలవు తీసుకోకుండా, డబ్బులు పీక్కోకుండా (ప్రస్తుతం రోజున 5 రూపాయలతో) సేవ చేస్తున్న ఈ మహానుభావుడికి సాష్టాంగ నమస్కారాలతో!

Tuesday, May 1, 2012

దసరా వేషగాడు ఇప్పుడొస్తే ఎట్లా?

దసరా వేషగాడు - శివుడి వేషంలో

అమ్మమ్మగారి ఊరు కృష్ణా జిల్లా చల్లపల్లిలో ప్రతి దసరాకు వచ్చేవాడు...పేరు అచ్చంగా గుర్తుకులేదు....

లీలగా తాతారావు అని గుర్తు .....ఇలాగే కండలు తిరిగిపోయి ఉండేవాడు పొట్టిగా