Monday, December 31, 2012

కోటికి తీసుకెళ్ళేదాకా నిద్రపోనని, పోలేనని భగీరథ శపథం చేస్తూ!

వెబ్సైటు హిట్సు - ఈ సంవత్సరం (జనవరి 1 - డిసెంబరు 31) లెక్కలు చూసుకుంటే యాభై లక్షల పై చిలుకుకు చేరిందని సంతోషం!

పైది డిసెంబరు, అన్నిటికన్నా కిందిది జనవరి 



నా అంచనాలకు కొద్దిగా తగ్గింది కానీ, నేనే ఇంకొద్దిగా శ్రద్ధ పెట్టుండాల్సింది ....

ఏక్ నిరంజన్ పనులిలాగే ఉంటాయి బాబూ!

ఈ సంవత్సరం, అనగా 2013లో మళ్ళీ విశృంఖలంగా విజృంభించి వెబ్సైటు హిట్లను కోటికి తీసుకెళ్ళేదాకా నిద్రపోనని, పోలేనని భగీరథ శపథం చేస్తూ...

సాయం చేసిన సన్మార్గులకు నమోవాకాలతో...

వీలుంటే ఇప్పటిదాకా చేసినట్టే ఇంకా సాయం చేయండి.

వీలుకాదా? ఫరవాలా ఎప్పట్లానే బేతాళుడి పని చేసుకుంటూ ఉంటా - సాయానికి మరో విక్రమార్కుడొచ్చి దింపేదాకా

భవదీయుడు
వంశీ

Friday, December 28, 2012

భారతీయ వైద్య ప్రపంచకంలో మొట్టమొదటి మహిళట!

India's first woman in medicine. That is - one who graduated from world's first medical college for women in US. Yeah, you can translate into different headings!

First picture is about her details in a magazine - Pravasi Bharatiya Nov 2007 print.

While the second one is grabbed from Rare Book Society Of India FB page with the following details - "A memento of the Dean's reception, held Oct 10, 1885.Anandibai Joshee graduated from Woman's Medical College of Pennsylvania (WMC) in 1886; Kei Okami graduated from WMC in 1889; Sabat Islambooly graduated from WMC in 1890.All rights reserved - Drexel University, Philadelphia, PA"




Wednesday, December 26, 2012

తెలుగు సినిమా ప్రపంచకంలో నేనమితంగా ఇష్టపడే యాభై మంది!

తెలుగు సినిమా ప్రపంచకంలో నేనమితంగా ఇష్టపడే యాభై మంది. ఆల్ఫబెటికల్ వరుసలో....

వీరంతా ఎవరికి వారే హేమాహేమీలు. లిష్టుకెక్కని వారంతా హేమలు, హేమీలు కాదని కాదు కానీ - వీళ్ళు మటుకు అసలు సిసలైన యాకటేరులు....

ఇలాటిదే మీ లిష్టేదన్నా ఉంటే మీ మీ గోడల మీద వేసి, ఇక్కడో లంకె పడేస్తే చూసి సంతోషిస్తాం

అల్లు రామలింగయ్య
అంజలి
బట్టల సత్యం
భానుమతి
భానుప్రియ
బి.సరోజ
చదలవాడ
ఛాయాదేవి
ధూళిపాళ
ఎల్.విజయలక్ష్మి
ఎన్.టి.ఆర్
ఎస్.వి.ఆర్
గిరిబాబు
గిరిజ
గొల్లపూడి
గోవిందరాజుల
గుమ్మడి
జగ్గయ్య
జమున
జి.వరలక్ష్మి
కైకాల
కన్నాంబ
కోట
కృష్ణ
కృష్ణకుమారి
లింగమూర్తి
మాడా
నాగభూషణం
నాగయ్య
నల్ల రామ్మూర్తి
నిర్మలమ్మ
నూతన్ ప్రసాద్
పెరుమాళ్లు
పి.ఎల్.నారాయణ
పొట్టి ప్రసాద్
రాజనాల
రాజసులోచన
రాజేంద్రప్రసాద్
రమణారెడ్డి
రమాప్రభ
రావు గోపాలరావు
రేలంగి
ఋష్యేంద్రమణి
సాక్షి రంగారావు
సావిత్రమ్మ
షావుకారు జానకి
సి.ఎస్.ఆర్
సూర్యాకాంతమ్మ
తనికెళ్ళ భరణి
వంగర వెంకట సుబ్బయ్య

Tuesday, December 25, 2012

Movie - Django Unchained - Short Review!

Ok - Here comes Django - close to 3 hrs movie.

Huge crowd, long lines never seen before at palladio, atleast by me. 20 mins in line, never even did that in hyderabad, grabbed a top corner seat. 3 minutes hall is full. After the usual trailer stuff, movie starts and it starts with a bang. Lovely.

Waltz was stupendous, amazing and fantastic - ruled the movie like a king - for close to 2 hrs. Jamie's presence was nominal, though in every scene - it was a cents worth. Now comes DiCaprio around half way. And boy o boy, he was his usual - amazing performance as a bad boy.

Costumes - Outstanding. Music / Songs - Fantastic. Blood Spilled - Badastic, Makeup - Good.

Being a fan or western themed movies and country music myself - loved all the songs. photography - awesome, excellente.

Has it's slow moments, but well I have to get the spoiler alert in - After Waltz and Dicaprio are gone, Jamie picks up and you can see a little bit of action from him. Well, not anything worth, but there is no one else...so....

And surprisingly Samuel L Jackson - darn he did some acting. I never thought he was fit to be a actor, let alone in movies. He was superb for 20 mins.

Final straw - the score -
  • Movie: 7 out of 10, 
  • DiCaprio: 8 out of 10, 
  • Samuel L Jackson: 7 out of 10, 
  • Jamie Foxx - 4 out of 10, 
  • Tarantino - 7 out of 10, 
  • Waltz: 400 out of 10, yes you saw it right 400 out of 10....

There ends the review.

Now, All the best for your movie experience....

Have fun tarantino, waltz, dicaprio fans!.....because I did...

Monday, December 24, 2012

A wonderful illustration series of the epic "ramayana"

A wonderful illustration series of the epic "ramayana"

LINK

I bought this book in a waukegan book store long time ago. However while moving to sacramento, lost a big box and unfortunately this book was in that box.

Anyways...Take a look and get immersed!

Cheers
Vamsi


Saturday, December 15, 2012

The HOBBIT - Movie and Little more

The HOBBIT - Background Score, Stone Men Fighting , Eagles - Awesome. 
 Apart from the BG score, it's 10 mins. 
So rest of 2hrs 40 mins is DUNGEONS DEEP! ....
Well, Lord Of The Rings fans can go, watch and entertain themselves. 
I watched in 3 D and the D is Doomed.....
Well, not for my wife and kid, they think it's awesome! 
Am I glad that I have L O T R fans in my home or what ?

Thursday, December 13, 2012

సితార్ రవిశంకర్ ఇక లేరు!

సితార్ రవిశంకర్ ఇక లేరు (And it happened on 12.12.12)

Link 

May his soul RIP

Amazing musician

Salutes from the bottom of my heart



Tuesday, December 11, 2012

ప్రాంక్ కాల్స్ - రాయ్ డి మెర్సర్

అప్పుడెప్పుడో పదేళ్ళ క్రితం టల్సా, ఓక్లహోమాలో పనిచేస్తున్నప్పుడు అక్కడి రేడియోలో వినవచ్చే రాయ్ డి మెర్సర్ ప్రోగ్రాం భలేగ ఉండేది. ఉన్నట్టుండి అదెందుకు గుర్తొచ్చిందంటే ఈరోజు ఓ దినపత్రిక చదువుతుంటే అందులో ఆస్ట్రేలియా రేడియో వాళ్ళెవరో ఒక ప్రాంక్ కాల్ చేసి ఆ దరిద్రపు లండన్లో ఒక నర్సావిడ ప్రాణాలు పోటానికి కారకులయ్యారని, దానికి మూల్యం ఐదు లక్షల డాలర్లు చెల్లిస్తున్నారని వచ్చిన / చదివిన వార్త.

అలాటి ప్రాంక్ కాల్స్ చేసి జనాలను సతాయించే రేడియో ప్రోగ్రాముల్లో ఈ రాయ్ డి మెర్సర్ ప్రోగ్రాము కూడా ఒకటి ...

సరే ఈ కాండిడేటు ఇంకా ఆ ప్రోగ్రాములు చేస్తున్నాడా లేదా అని వెతికి చూద్దును కదా, ఏకంగా ఒక వెబ్సైటే పెట్టుకున్నాడు....ఆ లంకె ఇక్కడ కింద ఇస్తున్నా....

ఆ సైటుకెళ్ళాక, (ప్లగ్ ఇన్ ఏదన్నా అడిగితే ఇన్స్టాల్ చేసుకోండి) అక్కడ కిందనున్న లంకెల్లో స్పీడ్ డయల్ అన్న లంకె నొక్కి, వచ్చిన పేజీలో ఆరో (6) నంబరు పక్కనున్న బటన్ నొక్కి పోలీస్ చీఫ్ ను ఆటాడుకున్న ఆడియో విని చూడండి....అయితే మీకు కొద్దిగా త్వరగా అర్థం కావాలంటే ఆ సదర్న్ ఆక్సెంట్, యాస అలవాటన్నా అయ్యుండాలి, లేదా చెవులు రిక్కించన్నా వినాలి....ముందు ఆ పోలీస్ చీఫ్ ఆడియో విని ఆ తర్వాత వేరేవి వినొచ్చు....Be prepared to listen to some offensive language too!  Don't blame me...

మా శాక్రమెంటోలో కూడా 107.9 స్టేషన్లో సోమవారం పొద్దున్న ఆరున్నరకు, మంగళవారం పొద్దున ఏడున్నరకు ఇలాటి ప్రోగ్రామే ఒకటొస్తుంది....వార్ ఆఫ్ ద రోసస్ అని....ఈ ప్రోగ్రామేమంటే ప్రేమికులు అసలైన ప్రేమికులా కాదా అని తేల్చే ప్రోగ్రాము....ఉదాహరణకి ఒకావిడ ఒకాయన్ని ఆరు నెలలుగా డేటింగు చేస్తోందనుకోండి, ఈ ఏడో నెలలో ఆవిడకేదో అనుమానం వచ్చి ఆయన నన్ను నిజంగానే డేట్ చేస్తున్నాడా? నా వెనకాల ఇంకెవరితోనన్న తిరుగుతున్నాడా అని ఈ ప్రోగ్రాం ద్వారా కనుక్కోవచ్చన్నమాట....

కొన్ని బాగుంటయి, కొన్ని దరిద్రంగా ఉంటాయి...ఆ స్టేషను వాళ్ళకదో ఆనందం

అది సరే కానీ ఇదిగో రాయ్ డి మెర్సర్ లంకె

http://www.roydmercer.com/main.htm

ఆనందో బ్రహ్మ

Thursday, December 6, 2012

బాబూ - ఇదిగో కొన్ని అపురూపమైన ఫోటోలు!!

మూడువారాల తర్వాత ఈరోజు మళ్ళీ విల్లు - బాణాలు పట్టుకున్నామయ్యా! ప్రతివారం పోయి మా గురువుగారు పాల్ యీగర్ గారి వద్ద నేర్చుకుంటున్న విలువిద్య కొద్దిగా, కొద్దిగా ఏమిటిలే బానే వంట పట్టింది....

అప్పుడెప్పుడో నాలుగు నెల్ల క్రితం కొత్తపాళీ (Narayana Swamy) మీ విలువిద్య గురించి ఓ పోష్టేస్తే బాగుంటుందని అన్నా, ఎందుకో కుదరలా....సరే ఈవేళ మా గురువుగారి చేత ఫోటొలు తీయించుకుని ఇక్కడేస్తున్నా....అసలు విద్య గురించి వివరాలు రాయాలంటే బోల్డంత సమయం పడుతుంది కానీ, టూకీగా నా విద్య గురించి, వాడే పరికరాల గురించి చిన్నగా చెబుతా...

మొట్టమొదటి ఫోటోలు ఉన్నవి భవదీయుడి విల్లు, బాణాలు...ఈ రకమైన విల్లును కాంపవుండ్ బౌ అంటారు....రీకర్వ్ బౌ అని ఇంకో రకం ఉన్నది కానీ అది కొద్దిగా ఈ కాంపవుండ్ బౌ మీద తర్ఫీదు పూర్తయ్యాక, విలువిద్య కొద్దిగా అలవాటు అయ్యాక దాని మీద పడొచ్చన్నమాట. లేదా ఈ కాంపవుండ్ బౌ లోనే పరమవీరచక్ర బౌలు ఉన్నాయి....అవీ వాడుకోవచ్చు...మనం ఈ విద్యకు ఇంకా కొత్తపెళ్ళికొడుకులమే కాబట్టి , ఆర్నెల్లు కూడా కాలేదు కాబట్టి ఈ కాంపవుండ్ బౌ, జెనిసి వారి తయారీ - ఇప్పటికి సరిపోతుందని మా గురువుగారి ఉవాచ...

ఆ విల్లు పక్కనున్న బాణాలు - నానారకాలు....ఇక్కడున్నవి కొద్దిగా ఖరీదు తక్కువ, ట్రెయినింగుకు పనికొచ్చేవి...ఆ బాణం అంచున మూడు రెక్కలు ఉంటాయి....అందులో రెండు రంగువి, ఒకటి తెలుపుది. బాణం వింటినారి మీదికెక్కేప్పుడు తెల్ల రెక్క నీ వైపు ఉండాలి, దానికో కారణం ఉన్నది....ఆ తెల్ల రెక్క పడవలౌ ఉండే రడ్డర్లా పనిచేస్తుంది...అంటే బాణాన్ని సరైన దిశలో, సూటిగా వెళ్ళేట్టు సహాయపడుతుంది....

నువ్వు పొజిషన్ తీసుకున్నాక, బాణం వింటినారికెక్కాక విల్లెత్తి గురి చూసుకుని, పెదాల దాకా నారిని లాగి (ఆ లాగేప్పుడు చేతి బలంతో కాకుండా, భుజబలం ఉపయోగించాలి, లేకుంటే చేతులు రెండోరోజుకు పనిచెయ్యకుండా పోతయ్), మోచెయ్యి భూమికి సమాంతరంగా పెట్టి, కుడి మోచెయ్యిని (అంటే నారి లాగే మోచెయ్యి) కొద్దిగా వెనక్కు జర్క్ ఇచ్చినట్టు ఇచ్చి బాణం వదిలి - ఫాలో త్రూగా పెదాల దగ్గర ఉన్న వేళ్ళు చెవులవరకు వెళ్ళేలా చూసుకోవాలి...ఈ బాణం నారి మీదకెక్కించేప్పుడు, ఎక్కాకా, వదిలేప్పుడు - మొదటి మూడువేళ్ళు మాత్రమే ఉపయోగించాలయ్యోయ్...

అలా గురిచూసుకున్న బాణం వదిలితే , మీ అదృష్టం బాగుంటే అనగా గాలి దుమారాలు గట్రా లేకుండా ఉంటే సర్రున దూసుకెళుతున్న బాణం మనం చూడలేకపోయినా, ఆ వెళ్ళే చప్పుడు ఆ ఫీలింగు వివరించలేని ఆనందాన్ని కలిగిస్తయ్.... అదయ్యా క్లుప్తంగా కథ....

రెండో ఫోటో విల్లెక్కుపెడుతున్నప్పటిది (ఇందులో బాణం చూడవచ్చు), మూడో ఫోటో బాణం వదిలినతర్వాత (ఇందులో ఫాలో త్రూ చూడవచ్చు) ...నాలుగో ఫోటోలో దిగబడిన బాణాలు చూడొచ్చు (ఈ రోజు ప్రాక్టీసు 40 గజాల దూరం నుంచి చేసింది)

అలా ఈ రోజు ప్రాక్టీసు ముగిసి ఇంటికి చేరామయ్యా!

బాబూ - ఇదిగో ఆ అపురూపమైన ఫోటోలు ....చూడు ...ఆనందించు ... LOL....





Thursday, November 29, 2012

సరుకున్న బ్లాగర్లకు ఉపయోగపడే వార్త - 7

సరుకున్న బ్లాగర్లకు ఉపయోగపడే వార్త - 7

Here it comes, have fun

Link

Cheers
Vamsi

Wednesday, November 28, 2012

సరుకున్న బ్లాగర్లకు ఉపయోగపడే వార్త - 6

సరుకున్న బ్లాగర్లకు ఉపయోగపడే వార్త - 6

Here it comes, have fun

Link

Cheers
Vamsi

Tuesday, November 27, 2012

సరుకున్న బ్లాగర్లకు ఉపయోగపడే వార్త - 5


సరుకున్న బ్లాగర్లకు ఉపయోగపడే వార్త - 5

Here it comes, have fun

Link

Cheers
Vamsi

Monday, November 26, 2012

సరుకున్న బ్లాగర్లకు ఉపయోగపడే వార్త - 4

సరుకున్న బ్లాగర్లకు ఉపయోగపడే వార్త - 4

Here it comes, have fun

Link

Cheers
Vamsi

Sunday, November 25, 2012

సరుకున్న బ్లాగర్లకు ఉపయోగపడే వార్త - 3

Here it comes, have fun

Link

Cheers
Vamsi

PS: From now on magazines will be in an alphabetical order. AND it will be a daily file.....

Saturday, November 24, 2012

సరుకున్న బ్లాగర్లకు ఉపయోగపడే వార్త - 2

 సరుకున్న బ్లాగర్లకు ఉపయోగపడే వార్త - 2

Break From Painting Routine today led to something useful. Useful for you that is.

While browsing the press academy archives over many many months, which I still do even today, I have made tonnes of "index" files from various magazines I read.

Index files means, index of the articles in that particular issue of the magazine.

Grabbed one of those INDEX text files and imported into excel sheet. You can sort it by author or article name or the issue....

Here is the file and have fun, while I go grab the other files and make more excel files.

Here it comes

Link

Cheers
Vamsi

Friday, November 23, 2012

కక్కారంభం కరిష్యామి వరదే వాంతిరూపిణి!! - Life Of Pi Review

1. వాంతారంభం కరిష్యామి వరదే డోకురూపిణి
2. డోకారంభం కరిష్యామి వరదే వాంతిరూపిణి
3. (ప్రాస కోసం పాకులాడే వారికి)

కక్కారంభం కరిష్యామి వరదే వాంతిరూపిణి

ఇదయ్యా "లైఫ్ ఆఫ్ పై" సినిమా చూసిన తర్వాత కలిగిన భ్రాంతి .....

మీరు ఈ సినిమాకు ఎప్పుడు వెళ్ళొచ్చంటే ? 

1. సముద్రంలో - విష్ణుమూర్తి శయనం, బుద్ధుడి పయనం చూడాలనుకుంటే
2. తామరాకు మీద నీటి బొట్లని బుర్రుపిట్ట ఎలా తాగిందో చూడాలనుకుంటే
3. మోండా మార్కెట్టులో కిషోర్ కుమార్ పాట ఎలా వినపడుతుందో చూడాలనుకుంటే
4. సముద్రంలో ఈషణ్మాత్రం కదలికలు లేకుండా నీళ్ళు నిశ్చలంగా ఎలాగుంటాయో చూడాలనుకుంటే
5. కృష్ణ పరమాత్మ నోట్లో విశ్వం ఎలా కనపడిందో చూడాలనుకుంటే
6. తిమింగలం ఎలా నీళ్ళల్లోంచి పైకొచ్చి మళ్ళీ పడుతుందో చూడాలనుకుంటే
7. వందలకొద్దీ క్లోన్డ్ "మీర్ కాట్స్" ఎలాగుంటాయో చూడాలనుకుంటే
8. హాలీవుడ్ సినిమాలో అడుక్కుతినే భారతీయం కాకుండా "హార్మోనియస్" భారతీయం చూడాలనుకుంటే
9. సర్వైవల్ అవసరమైనప్పుడు సేపలు ఎట్లా తినాలో చూడాలనుకుంటే
10. సివరాఖరిగా దేవుడు అనే కాన్సెప్టు అర్థం కాకూడదు అనుకుంటే

సూరజ్ శర్మ యాక్షను భవిష్యత్తులో భూతేశ్వరి - భూతో భవిష్యతి అనుకునేరు...అవును "న" లేకుండానే ...ఖర్మ రా నాయనా ఖర్మ....

ఇర్ఫాన్ ఖాను యాక్షనుకు హాలీవుడ్డు సరిపోదు, చాణక్య సీరియల్ సరిపోతుంది...

టబు గారు ఇహ రిటైరైపోవచ్చు ....

చెత్త కథను ఆంగ్ లీ మహాశయులు చెత్తలోంచి తిసుకొచ్చి చెత్తకుప్ప మీద పడేసాడు...దానికి మెచ్చుకోవచ్చు....

నిన్న చూసిన "రైజ్ ఆఫ్ ద గార్డియన్స్" ఆనందం అంతా ఇగిరిపోయింది....

దీనికి అవార్డులొస్తే మీరాశ్చర్యపోనఖ్ఖరలేదు...రాకపోతే ఆంగ్ లీ, హాలీవుడ్డు గుండె పగిలి బీటలు వారుతుందని నా ఉవాచ....

వార్తలు ఇంతటితో సమాప్తం....

భవదీయుడు
వంశీ

You have kids and you have a kid in YOU - go watch ....

You have kids and you have a kid in YOU - go watch 

Rise Of The Guardians....

One word - Awesome





Wednesday, November 21, 2012

ఈ సంఘటనలు నా జీవితంలో చాలా చాలా తక్కువ!! - విపరీతమైన ఆశ్చర్యం

ఏడ్చిన లేదా కళ్ళూ, మనసు చెమర్చిన సంఘటనలు నా జీవితంలో చాలా చాలా తక్కువ, వేలి గోళ్ళ మీద లెక్కెట్టొచ్చు....

ఎవడన్నా వేళ్ళ మీద అంటాడు, నువ్వేమిటి బాబూ వేలి గోళ్ళంటున్నావు?

ఓ అదా, వెరైటీగా ఉంటుందని వాడాలే!

మొట్టమొదటిసారి ఏడ్చింది, అమ్మమ్మ ఇక లేదు అన్న సంగతి తెలిసినప్పుడు (ఏడ్చా, చాలాసేపు ఏడ్చా), రెండోసారి షిండ్లర్స్ లిష్ట్ సినిమా చివర్లో లియాం నీసన్ ఏడ్చినప్పుడు (చెమర్చా!), మూడోసారి మురారి సినిమాలో లక్ష్మి మాట్లాడుతుంటే మహేశ్ బాబు కిటికీ పక్కన నుంచుని ఏడ్చినప్పుడు (చెమర్చా!), నాలుగోసారి మా ఇంటి పక్క జపానాయన, వాళ్ళ తలిదండ్రులను చూట్టానికి జపాను వెళ్ళీ, సునామీ రాగా అందులో తనవాళ్ళను పోగొట్టుకున్నానని ఫోన్ చేసి చెప్పినప్పుడు (ఏడ్చా!), అయిదోసారి నిన్నరాత్రి ......

పెయింటింగయిపోయాక 9.30 గావాలు పక్కెక్కా, రోజూ జరిగినట్టుగానే ఎక్కటమేమిటి తల దిండు మీద పెట్టటమేమిటి అలా నిద్దర్లోకి జారిపోటమేమిటి శరీరం దాని పని అది చేసుకుపోయింది....12.30కి చెయ్యి మీద నీళ్ళు పడుతున్నట్టు అనుమానం వచ్చి లేచి చూడటానికి ప్రయత్నం....మసక మసకగా ఉన్న కళ్ళు తుడుచుకుని చూస్తే దిండు మీద ఓ చెరువు రూపంలో ధారగా నీళ్ళు, తడుముకుంటే బుగ్గల మీద నీళ్ళు - ఓ నిముషం అర్థం కాలా.....బుఱ్ఱ ఓ దెబ్బేసుకుని అటూ ఇటూ ఊపుకుని ఈ లోకంలోకి నిజంగానే వచ్చి పడి, ఆలోచిద్దును కదా - అంతకుముందు నిముషంలో జరిగిన సంఘటన గుర్తుకొచ్చింది....ఆ సంఘటనకు ఓ రూపం ఇచ్చే ప్రయత్నం ఈ కింది రెండు మాటలు....

సైకిలు మీద ఓ చిన్న పిల్లనేసుకుని ఉషారుగా ఈలలేసుకుంటూ, వానపడి చిత్తడి చిత్తడిగా ఉన్న ఓ పల్లెటూర్లోని మట్టిరోడ్లమీద యమస్పీడుగా వెళ్తున్న నాకు ఆ ఊళ్ళో ఉన్న గుడి పక్కనే ఉన్న మలుపు తిరగ్గానే, గుడి గోడ వెంబడి ఓ పేద్ద చెక్క మొద్దు- ఓ పదడుగులు ఉంటుందేమో - బంగారు రంగులో మెరిసిపోతూ, కుడి భుజం మీద ఓ పక్కకు తిరిగి పడున్న రూపంలో కనపడింది....సగం చెక్క ఆ చిత్తడి నేలలో మునిగిపోయుంది...

ఏమిటో చూద్దాం అని సైకిలు దిగి చూస్తూంటే ఆ చెక్క నెమ్మదిగా ఓ రూపు సంతరించుకోటం మొదలుపెట్టింది...ముందు ఒక మొహం, ఆ తర్వాత శరీరం కనపడ్డాయి....సరే ఇది తీసుకెళ్ళి మనింట్లో పెట్టుకుందాం అని అతి కష్టం మీద ఆ చెక్కను ఆ చిత్తడినేలలోంచి లేపి పక్కకు తిప్పి (అప్పటికి ఒక మోకాళ్ళ పర్వతం వద్ద ఉండే మెట్లంత ఎత్తున్న ఓ పేద్ద మెట్టు, సుమారు ఆరడుగులుంటుందేమో - దాని మీద ఉన్నా!) ఆ మెట్టు మీదనుంచి దింపి కిందనున్న నేల మీద ఆ చెక్కను నిలబెట్టటానికి చూసా....ఇంతలో శరీర పై భాగం పూర్తయ్యి కాళ్ళొచ్చేసినాయి ఆ చెక్కకు....అయితే అప్పుడే తప్పటడుగులు వేస్తున్న పిల్లాడిలా నిలబడలేక కూలబడిపోయింది ఆ శరీరం....నేను వెంటనే ఆ మోకాళ్ళ పర్వతం మెట్టు నుంచి కిందకు దూకి ఆ శరీరాన్ని లేపి నిలబెట్టటానికి ప్రయత్నిస్తూ తలెత్తి చూస్తే చాక్లెట్ రంగు, ధగ ధగ బంగారం రంగు కలగలిసి ఉన్న మనిషి కనపడ్డాడు.

మెరిసిపోతున్నాడు ఆ వ్యక్తి.....ఎంతందంగా, బలిష్టంగా, అజానుబాహువులా ఉన్నాడో... చాలా చాలా బావున్నాడు.....ఎంతలా అంటే చెప్పలేనంత....

(ఇక్కడేం జరిగిందో గుర్తుకురావట్లేదు, గుర్తులేదనటం కన్నా - చాలా అస్పష్టంగా ఉన్న అనుభవం...ఎలా రాయాలో తెలియదు....)

కట్ చేస్తే

ఆ వ్యక్తి చెయ్యి, చెయ్యి అనటం కన్నా మోచెయ్యికి ఆసరాలా పట్టుకుని ఆ గుడి మెట్లు ఎక్కించా....ఆయన రెండు అడుగులు వేసి వెనక్కి తిరిగి చూసాడు....ఆ రూపం ఎవరిదో అర్థం అవ్వటానికి ఓ నిముషం పట్టింది....అర్థం అవ్వటమేమిటి, పూర్తి స్వరూపం కనపడటమేమిటి - కళ్ళల్లో నీళ్ళు ధారగా, విపరీతమైన ధారలు....కళ్ళు మూస్కుని చేతులు కట్టుకుని కూలబడిపోయా......ధార ఆగితేగా దిండు తడిసిపోయింది, మెలకువా వచ్చేసింది.....

ఆ రూపం ఎవరిది అనుకున్నారు?

హనుమయ్యది.....

జైశ్రీరాం అంటూ చెయ్యి చూపిస్తూ, ఓ పేద్ద గదతో నిలబడిన ఆ సుందర విగ్రహం ఈ జన్మలో మర్చిపోలేను....

ఆయన ఎందుకు కనపడ్డాడో తెలియదు కానీ బోల్డంత ఆనందం....నేను ఆయనకు భక్తుణ్నే కాని వీరభక్తుణ్ణీ కాను , కాకుంటే వీర శివభక్తుడినవటంతో అప్పుడప్పుడు ఆ శివయ్య కలలోనన్నా కనపడితే బాగుండని అనుకుంటూ ఉండేవాడిని కానీ, హటాత్తుగా ఆ శివస్వరూపం ఈ రూపంలో దర్శనమిచ్చిందేమో ! తెలియదు...సర్వం జగన్నాధం....

ప్రతి శనివారం అభిషేకంలో పాలు పంచుకుంటాను, అలంకారంలో పాలుపంచుకుంటాను కాబట్టి ఇలా దర్శనమిచ్చాడేమో తెలియదు కానీ మరచిపోలేని కల, గుర్తుండిపోయే కల....

సాధారణంగా మనిషికొచ్చే కలల్లో 99.5 శాతం నిద్ర నుంచి లేస్తూనే పలక మీద తడిగుడ్డేసి తుడిచేసినట్టు సోదిలోకి రాకుండా ఎక్కడికో పరుగులెత్తుకుంటూ వెళ్లిపోతాయ్. మిగిలిన .5 శాతం కలల్లో .3 శాతం కలలు కొద్దిగా నిద్ర లేచాక కూడా కొద్దిగా గుర్తు ఉంటవి. అయితే ఆ "గుర్తు" మిగలడానికి, మిగుల్చుకోడానికి కొద్దిగా కష్టపడాలి. మిగిలిన .2 శాతం మటుకు కష్టపడనఖ్ఖరలేకుండా గుర్తు ఉంటాయి. ఇదీ నా థియరీ. అలా .2 శాతంలోకి పడిపోయింది నిన్నరాత్రి వచ్చిన ఈ కల.

జై శ్రీరాం.....జై హనుమాన్..

భవదీయుడు
వంశీ

PS: నమ్మనివారు ఈవేళ రేపట్లో మా ఇంటికి వస్తే ధారల దిండు చూపిస్తా....అసలు చాలా ఆశ్చర్యంగా, చాలా అంటే విపరీతమైన ఆశ్చర్యంగా ఉన్నది నాకు ఈ సంఘటన......

Sunday, November 18, 2012

ఆసక్తి ఉన్నవారు ఈ లంకె నొక్కొచ్చు

ఆసక్తి ఉన్నవారు ఈ లంకె నొక్కొచ్చు

Very exciting experience!!

Friday, November 16, 2012

నరకానికి నిచ్చెనేసుకునెళ్ళి మర్డరు చేసిన చంద్రయ్య?

నరకానికి నిచ్చెనేసుకునెళ్ళి మర్డరు చేసిన చంద్రయ్య?  విడగొడితే - ఇలా


ఆకాశంలో మర్డరా?

Acrylics on 16 by 20 inches canvas..... This one took about an hr or so!





నరకానికి నిచ్చెన

This is pure palette knife painting in acrylics. Done in about 35 - 40 mins





చిరునవ్వుల చంద్రయ్య

Acrylics on 16 by 20 inches canvas - Done in about 1 hr




ఆనందో బ్రహ్మ

భవదీయుడు
వంశీ

Monday, November 12, 2012

మన సిపాయిలు ఎలాటి డ్రెస్సులేసుకునేవాళ్ళో !!

నిన్న మా ఊళ్ళో ఉన్న పాత పుస్తకాల కొట్టుకెళితే ఒక బిందె లభించింది....అది లంకెబిందె అని అనుకోవచ్చునేమో....1979లో ఆస్ప్రీ పబ్లికేషన్స్ వాళ్ళు ప్రచురించిన మిలటరీ సిరీస్ లో మొదటి సెట్టు ఓ వంద పుస్తకాలు అలా గజిబిజిగా పడేసున్నయ్ ......

వాటిలో భారద్దేశానికి సంబంధించిన పుస్తకాలు కనపడటంతో అవీ, వాటితో పాటు నాకు నచ్చిన ఇంకో ముప్ఫై పుస్తకాలు, అన్నిటికీ కలిపి ఓ వంద సమర్పించుకుని ఎత్తుకొచ్చా.......ఒక్కోటి మూడు రూపాయలు.....

అన్నీ ఫోటోలు తీసి పెట్టలేను కానీ, ఇండియన్ ఇంఫాంట్రీ రెజిమెంట్స్ 1860 - 1914 , ద ఇండియన్ మ్యూటినీ పుస్తకాల బొమ్మలు కొన్ని ఇక్కడ ఎక్కిస్తున్నా చూస్కోండి....

ఆసక్తికరమైన సంగతులున్నయ్ వీటిల్లో....అంతకుమించి మన సిపాయిలు ఎలాటి డ్రెస్సులేసుకునేవాళ్ళో చూడొచ్చు....




















ఆనందో బ్రహ్మ
 
భవదీయుడు
వంశీ

PS: ఎల్లుండి బుధవారం ఇంకో 322 పుస్తకాలొస్తయ్ అంట.....అవును అచ్చంగా మూడు వందల ఇరవై రెండు పుస్తకాలు - అప్పుడెళ్ళి ఆ బిందెల్లో ఎన్ని లంకెలున్నయ్యో చూడాలి....ఇంకో వందో ఎంతో సమర్పించుకోడానికి రెఢీ అయిపొయ్యా ! ఏక్ నిరంజన్

Disclaimer - Osprey Publications - No Copyright Infringement Intended....




Tuesday, November 6, 2012

సత్యసాయి మాష్టారుగారమ్మాయి నిజంగా శ్రావ్యమే!- Part 2


సత్యసాయి మాష్టారుగారమ్మాయి నిజంగా శ్రావ్యమే!- Part 2

tyAgarAjula vAri kRti - Very very nice rendition in "madhyamAvati"






శ్యామాశాస్త్రులవారి "ఓ జగదంబా" కూడా చాలా బాగా పాడింది శ్రావ్య...Wonderful....God Bless her!

ముఖ్యంగా మొట్టమొదటి లైను "ఓ జగదంబా" చాలా చాలా బాగా వచ్చింది.....మాంచి పట్టు పట్టింది ఆ లైనును మటుకు ! 2.04 వరకు - She nailed it

ఆతర్వాత కూడా చాలా బాగుంది కానీ, హైలైట్ మటుకు మొదటి రెండు నిముషాలు....అదిరిపోయింది...



సత్యసాయి మాష్టారు గారమ్మాయి నిజంగా శ్రావ్యమే!

మన కొవ్వలి సత్యసాయి మాష్టారు గారమ్మాయి నిజంగా శ్రావ్యమే! అమ్మాయి తప్పు లేకపోయినా, అనగా అక్కడక్కడ వాద్యకారుల తప్పులున్నా బాగా సద్దుకొచ్చింది.....

వేల ఆశీస్సులు, వందల అభినందనలు ....ముత్తుస్వామి వారిని అలా నిలబెట్టింది నా ముందు....

చాలా బాగుంది నాగగాంధారి...ఇదే వినటం ఆ కీర్తన.....ఎంత బాగుందో! చాలా బాగుంది...





ఆసక్తి ఉన్నవారికోసం - సమాచారం!

ఆసక్తి ఉన్నవారికోసం - సమాచారం : 

ఆకాశవాణి వారి బ్లాగు ఇక్కడ


Friday, November 2, 2012

కొంగర జగ్గయ్యగారు - వారి హాలీవుడ్ తాతగారు!

ఫీనిక్స్ నుంచి శాక్రమెంటో వస్తుంటే ఎయిర్పోర్టులో మా గేటు దగ్గర - కలకలం, కలకలం, కలకలం......

ఎనిమిది గేట్లవతల ఉన్న ఒక గేట్లోకి మిస్టర్ పీటర్ కల్లెన్ ఇప్పుడే వెళుతున్నారు అన్న వార్తే ఆ కలకలానికి కారణం....

పీటర్ కల్లెన్ అన్న మాట వినగానే ఒంటి మీద రోమాలు నిక్కబొడుచుకునిపోయినయ్....ఆ గేటు దగ్గరికి పరుగులెత్తుతున్న జనాల మధ్యలో బుల్లెట్ ఏదన్నా ఉందంటే అది మనమే....

అలా జనాల మధ్యనుంచి దూసుకెళ్ళిపోయా, ఇహ ఆ గేటు ఓ ముప్ఫైఅడుగుల దూరంలో ఉందనగా పోలీసులు కట్టకట్టుకుని రావటంతో అందరూ ఆగిపోయారు...మన స్పీడుకు బ్రేకులేసినా బండి ఆగలా....సరాసరి ఒక పోలీసాయన దగ్గరికెళ్ళాక గానీ బ్రేకు పనిచెయ్యలా.....హేయ్ స్టాప్ దేర్ అంటూ ఆయన గన్ను మీద చెయ్యెయ్యటంతో ప్రమాదం ముంచుకొచ్చింది అని అర్థమైపోయి ఆగిపోటమేమిటి, చెమట్లు పట్టటమేమిటి అన్నీ జరిగిపోయినయ్....

అయితే ఆయన మర్యాద రామన్నలా స్టాప్ రైట్ దేర్, బిహేవ్ యువర్సెల్ఫ్ అని ఓ వార్నింగు ఇచ్చి వదిలిపెట్టాడు...అంత మటుకు అదృష్టమే....

అయితే ఆ అదృష్ట వార్నింగు అయ్యేప్పటికి పీటర్ గేట్లోకి వెళ్ళిపోయాడు.....

దురదృష్టం, తలరాత, కర్మ, ఖర్మ మణుగుల్లెక్కన కలిసి కుమ్మక్కయిపోయి మీదడిపోతే ఎంతటి అదృష్టవంతుడూ తప్పించుకోలేడు...

Hope I will get ONE more chance to meet that legendary soul. One day.....

ఇంతకీ పీటర్ కల్లెన్ అంటే ఎవరో తెలియని వారికి - ఆయన హాలీవుడ్ లో ఒక సీనియర్ వాయిస్ ఓవర్ ఆర్టిష్టు. మన సినిమా నటుడు జగ్గయ్యగారికి తాతగారు - స్వరంలోలెండి....

ఆయన పేరు విన్నప్పుడల్లా, నమ్మండీ నమ్మకపోండి మెడ మీద వెంట్రుకలు లేచి నిలబడతయ్ నాకు, ఆప్టిమస్ ప్రైం అలా కళ్ళముందుకొచ్చేస్తాడు....

ఏంటీ ఆప్టిమస్ ప్రైం తెలీదా?

ఎందుకు బాబూ నాకు ఈ చిత్రహింస? ....

ఆప్టిమస్ ప్రైం అనే పాత్ర ట్రాన్స్ఫార్మర్స్ సినిమాలో సర్దార్ పాపారాయుడన్నమాట......

అంతటి పాత్రకు గాత్ర దానం చేసింది ఈయనే....ఆ స్వరం వింటే రోమాలెందుకు నిక్కబొడుచుకుంటయ్యో నీకే అర్థం అవుతుంది...

ఓ యూట్యూబులో పడి ఎతుక్కునే కష్టం నీకెందుకు గానీ, ఇదిగో ఇక్కడ చూడు.....

ఆతర్వాత ఓ సారి రీప్లే చేసి కళ్ళు మూసుకుని విను....ఆతర్వాత ఓ సారి రీప్లే చేసి కళ్ళు మూసుకుని, చెవిలో Ear Phones పెట్టుకుని విను....ఆ తర్వాత ఇక్కడో కామెంటు పడెయ్....ఏం?


ఆయన విశ్వరూపం 1 నిముషం 54 సెకన్ల దగ్గరనుంచి మొదలవుతుంది.... 

2.19 నుంచి 2.44  - నా ఆస్తంతా రాసిచ్చేస్తా, నా సర్వస్వం ఆ స్వరం ముందు పడేసి మోకరిల్లుతా.....అదంతా ఆయనకు ఓ సెంటుకు సమానం కాకపోయినా సరే!

We are here. We are waiting - వి ఆర్ వెయిటింగ్ అన్నదగ్గర విరుపు వింటే, అందులోని అర్థం అర్థమైతే మీ జన్మ ధన్యమే!




Blessed by GOD, yes by GOD himself - may Peter live long, long and long and make us happy.....What a heavenly voice he has. Just amazing....Can't stop talking about it, I will control myself and stop it right here....

Few others whom I adore, love, like are
  • Mel Blanc (He is a man of thousand voices, just can't name one - Tom, Jerry, bugs bunny, daffy duck, tweety bird. yosemite sam, woody wood pecker etc etc - list is end less)
  • Frank Welker (If you know Scooby you know Frank)
  • James Earl Jones (If you know Mufasa, you know James)
  • Ian McShane (If you know Tai-Lung, you know Ian McShane)
  • Randall Duk Kim (if you know Master Oogway, you know Randall)
  • Billy Crystal (If you know Mike Wazowski, you know Billy)
  • Steve Buscemi (If you know Randall Boggs, you know Steve)
  • William Hanna, Daws Butler (If you know Tom, Spike you know these guys)

Monday, October 29, 2012

అలిసిపోయారా? అయితే ఇది చూడండి....విజృంభించండి!

అలిసిపోయారా? అయితే ఇది చూడండి....విజృంభించండి

మీ మీ ఊళ్ళల్లో కానీ, మీ మీ కాలనీల్లో కానీ రోడ్లమీద పేద్ద పేద్ద గుంతలు, బొక్కలు ఉన్నాయా?

అవి చూసి చూసి చిరాకొచ్చి మునిసిపల్ ఆఫీసు చుట్టూ కాళ్ళరిగేలా ఎప్పుడన్నా తిరిగారా?

తిరిగి తిరిగి అలిసిపోయారా? అయితే ఇది చూడండి.....

ఇలాటి ఆలోచనేదన్నా చేసి విజృంభించండి





పనిలో పనిగా పనికిమాలిన ప్రతిజ్ఞలు చేసి, రెణ్ణెళ్ళలో మీకది చేస్తాం ఇది చేస్తాం అని ఒట్టు మీద ఒట్టేసి వోటేయించుకుని ఆ తర్వాత ఏమీ చెయ్యకుండా జనాల నోళ్ళల్లో మట్టి కొట్టిన రాజకీయనాయకుల మొహాలు కూడా అక్కడికెక్కించెస్తే ఓ పనైపోతుంది...

అల్లా మీకు తెలిసినోళ్ళెవరన్నా, అదేనండీ రాజకీయనాయకులు ఉంటే వాళ్ల పేర్లతో ఓ కామెంటు కొట్టి పోండి

Thursday, October 25, 2012

ఆకాశవాణి ప్రముఖులు శ్రీ పాలగుమ్మి విశ్వనాథం గారు ఇహ లేరు !

కొద్ది క్షణాల క్రితం సుధామ గారు పంపించిన ఈమెయిలు చూసి విషాదంలో మునిగిపోయాను 

 *********************************

ప్రముఖ లలిత సంగీత విద్వాంసులు.ఆకాశవాణి విశ్రాంత సంగీత ప్రయోక్త శ్రీ.పాలగుమ్మి విశ్వనాధం గారు ఈ రాత్రి 8.45కు తమ 94 వ ఏట కన్నుమూశారని తేలియజేయడానికి విచారిస్తున్నాను.

-- సుధామ

**********************************




పాలగుమ్మి గారి ఆత్మకు శాంతి కలగాలని ప్రార్థిస్తూ


పెద్ద పెద్ద వారంతా దాదాపుగా ఒకేసారి వరుస కట్టి వెళ్ళిపోవటం చాలా బాధాకరం...

అంతకన్నా బాధాకరం, వారి జ్ఞానాన్ని తర్వాతి తరాలకు పంచే ప్రయత్నం ఈ తరంవారి , అంటే మా తరం వారి నుంచి జరగకపోవటం.....

Wednesday, October 24, 2012

శ్రీ ఎస్.బి.శ్రీరామమూర్తి (రామం) - శ్రీ సుధామ - ఇష్టాగోష్టి

విజయవాడ ఆకాశవాణి - అద్భుతమైన చారిత్రక పుస్తకరాజం - ఆ చరిత్ర పుస్తకం లో ఎప్పటికీ చెరిగిపోని, చిరిగిపోని పేజి శ్రీ ఎస్.బి.శ్రీరామమూర్తి (రామం) గారిది.

హైదరాబాదు ఆకాశవాణితో పరిచయమున్నవారికి సుధామ గారు చిరపరిచితులు, మహామహులు, స్వర సుధాకరులు.

ఆ ఇద్దరు మహామహులు, మేరునగరాజాలు ఒక ఇష్టాగోష్టిలో పాల్గొంటే శ్రోతలకు, ప్రేక్షకులకు విజయదశమంత పండగే. అంతటి అదృష్టం కలిగించిన డి.డి సప్తగిరి ఛానల్ వారికి హృదయపూర్వక ధన్యవాదాలతో. . అంతకు మించి, గుర్తుపెట్టుకుని ఈ వీడియో లింకు పంపించిన రామం గారి అమ్మాయి తృష్ణ గారికి కృతజ్ఞతలతో.

ఆ ఇంటర్వ్యూ "చూడాలంటే" ఇక్కడ నొక్కండి

ఆడియో మాత్రమే "వినాలంటే" ఇక్కడ నొక్కండి..

ఇతర పరిచయ కార్యక్రమాలు, చర్చా కార్యక్రమాలు వినాలంటే వెబ్సైటులో ఆకాశవాణి - పరిచయాలు సెక్షన్లో వినవచ్చు 


భవదీయుడు
మాగంటి వంశీ

PS: The classical bit played at the start, during and at the end of the interview is a beauty. Simply amazing.

Sunday, October 21, 2012

కాపీ కొడితే మటుకు మాది మీదవుతుందా ! తెలుగు పిల్లల డాన్సొకటి...

ఓ రెండు వారాల క్రితం ప్రపంచ సంగీత దినోత్సవం లాటిది జరిగింది మా ఊళ్ళో.....చిన్న పిల్లలకు కథలు (స్టోరీ టెల్లింగ్), నానాదేశసంగీత నాట్య విభావరులు జరిగినయ్...ఆ విభావరుల్లో మచ్చుకి రెండు ఈ కింద చూడొచ్చు.....అనగా కిందిచ్చిన లంకెలె మీద నొక్కుడు.....

ఆసక్తికరమైన విషయమేమంటే ఈ సంగీత నాట్య విభావరుల్లో పాల్గొన్నవారంతా, అంటే పెర్ఫార్మర్స్ అంతా చిన్నపిల్లలు అనగా 13 ఏళ్ళ లోపువారు....

మొదటిది బొలీవియా దేశ నాట్యం, పాటతో సహా....పాటకేగా నాట్యం చేసేది...నిశ్శబ్దానికి కాదుగా...అది అర్థమైతే తమరి జన్మ ధన్యమే.....ఆ పిల్లల కాస్ట్యూములు బాగున్నయ్, చాలా కలర్ఫుల్ గా ఉన్నయ్ ....అడిగితే మా దేశంలో ఇంతకన్నా జిగేల్ జిగేల్ మనే వస్త్రాలు వాడతాం అని ఓ పిల్ల సమాధానం చెప్పి నన్ను ఆశ్చర్యపరిచింది....మన మువ్వల పట్టీల్లా, పెద్దసైజు మువ్వలు ఒక సన్నపాటి ఇనప/అల్యూమినియం షీటు మీద గుచ్చేసి కాళ్లకు కట్టుకుని బ్రహ్మాండంగా చేసారు....

ఈ నాట్యం దాదాపు మన సంక్రాంతిని పోలి ఉండే ఒక పండగకు చెయ్యటం ఆచారమని పిల్లవాడు చెప్పాడు. పట్టివిప్పి చూపించాడు....అంత బరువూ, అంత తేలికా కాకుండా ఉన్నది...ప్రతి ఊళ్ళో ఆ నాట్యం అయిపోయాక అలా చేసిన పిల్లలందరికీ ఆ సంవత్సరానికి సరిపడే స్కూల్ యూనిఫారంలాటి బట్టలు, ఆ పిల్లల గురువుగారికి ఉన్నితో చేసిన కోటు ఒకటి బహూకరిస్తారట....మనవాళ్ళు పిల్లలకు పప్పు బెల్లాలు పంచినట్టు, భలే ఆశ్చర్యం వేసింది.....

ఇదేం చూసారు, మా దేశం వెళ్ళిరండి, జులై నెలలో అదేదో పండగొస్తుందిట, అప్పుడు పెద్దవారు చేసే నాట్యాలు, అప్పుడు ప్లే చేసే మ్యూజిక్కు ఇంకా బావుంటయ్ అని చెప్పింది ఈ నాట్యంలో పాల్గొన్న ఒక చిన్నపిల్ల......ఆ అమ్మాయి ఇక్కడే, అంటే అమెరికాలో పుట్టింది కానీ వాళ్ల తలిదండ్రులు బొలీవియా వారనీ, అందుకే మా దేశం వెళ్ళిరండని చెపుతున్నానని కూడా పెద్ద ఆరిందాలాగా చెప్పింది...ఆ అమ్మాయి చెప్పిన తీరుకి నవ్వొచ్చింది నాకైతే...

వాళ్ళ గురువుగారితో ఓ రెణ్ణిముషాలు మాట్లాడి, మీ మ్యూజిక్కు మా సినిమాల్లో వాడుకుంటున్నట్టు అనుమానంగా ఉంది అని అన్నా....రవూల్ మోంటెస్ అనే పేరు కల ఆ గురువుగారు, మాది మాదే, కాపీ కొడితే మటుకు మాది మీదవుతుందా అని నవ్వు నవ్వి ఊరుకున్నాడు....నేనూ మన సిగ్గులేని మ్యూజిక్ డైరెక్టర్లని తలుచుకుని ఓ నవ్వు నవ్వి ఊరకున్నా....

Links here:

Link 1

Link 2

NOTE: On the Video - Click the PLAY button once and wait until the video buffers. Also use Internet Explorer for best results. Firefox may not work.

సరే అదయ్యాక, స్టోరీ టెల్లింగు టైమని అందరూ పొలో మంటూ పిల్లలనేసుకుని ఒక థియేటరులోకి పరిగెత్తారు...సరే చూద్దామని మేమూ వెళ్ళాం....డెల్టా అనే పేరుకలావిడ రెండు గోప్ప కథలు చెప్పింది....

చిన్నపిల్లలంతా మెస్మెరైజ్డ్.....కథలు చెప్పటం మాంఛి కళయ్యా....అందునా పిల్లల అటెన్షన్ తప్పుకోకుండా అట్టిపెట్టుకోటం గోప్ప లక్షణం....ఆ పని / బాధ్యత ఆవిడ చాలా బాగా నిర్వర్తించింది.....ఆ వీడియో తర్వాతెప్పుడైనా.....

అదయ్యాక, ఈ లంకె నొక్కి అక్కడున్న డాన్సు మెడలు వంచుకుని చూడండి.... ఫ్లాషులోకి కన్వర్టు చేసేప్పుడు దానికేం రోగం వచ్చిందో, అలా మెడలు ఒరగేసి చూసేట్టు చేసిపెట్టింది....

సరే మెడలు ఒరగటం అయి, చూసేసాక - ఈ నాట్యం ఏ దేశందో మీరు చెప్పాలని మిగిలిన డీటెయిల్స్ వదిలేస్తున్నా....

అలా ఇంకా బోల్డు దేశాల నాట్యాలు, సాంస్కృతిక కార్యక్రమాలు చూసి ఇంటికొచ్చేప్పటికి సాయంత్రమయ్యింది....

అనుకోకుండా వెళ్ళినా, బోల్డంత ఆనందం మిగిలింది....


సరే ఇదంతా అయ్యాక మనవాళ్ళ పిల్లలదొక వీడియో ......మొన్న ఆగష్టు పదిహేనుకు జరిగిన ప్రోగ్రాముల్లో తెలుగు పిల్లల డాన్సొకటి ఇక్కడ...

You have to wait until 2 minutes and 20 secs on this video for the smaller kids to appear.... and they did a fantastic job...all of them , well most of them are 5 and 6 year olds

ఇహ మీరు ఆనందోబ్రహ్మ.....




Thursday, October 18, 2012

ఛీ ఛీ సిగ్గు లేదు, నీకు అక్కాచెల్లెళ్ళు లేరు?

ఏయ్! అలా మీద పడిపోతే మర్యాదగుండదు, ఆ పక్కకెళ్ళు!


ఏవమ్మోయ్ నోరు జాగ్రత్త...పల్లం ఇటేపుంటే ఆ పక్కకెళ్ళమంటావేంటి? నా పేరేంటి? జలం, నీరు, తన్నీరు, ఉదకము గట్రా గట్రా గట్రా...మరి ఆ పేరున్నప్పుడు పల్లమెటుంటే పారేది అటే....కావాలంటే నువ్వెళ్ళు అటేపుకి ....

ఛీ ఛీ సిగ్గు లేదు, నీకు అక్కాచెల్లెళ్ళు లేరు?

సిగ్గు నాకెందుకు? అనవసరంగా మాట్లాడుతున్న నీకుండాలి కాని......

మబ్బులు మబ్బులు మబ్బులొచ్చినయ్, కమ్ముకొచ్చినయ్, ఆటకొచ్చినయ్

*********************************


ఇంకొద్ది టచింగులివ్వాలి కానీ, 80 శాతం పూర్తి....

చెట్టు, లైటు, షేడు మిగిలిపోయినై

అక్రిలిక్స్ - 16 * 20 ఇంచుల కాన్వాసు మీద



Wednesday, October 17, 2012

ఆసక్తి ఉన్నవారు చూసుకోవచ్చు

సేకరించిన / సేకరించగలిగిన రంగస్థల ప్రముఖుల చిత్రాలు, 20వ శతాబ్దపు మొదట్లో ఆంధ్రదేశాన్నేలిన మహానటుల చిత్రాలు పబ్లిష్ చెయ్యడమైనది....

రంగస్థలమంటే ఆసక్తి ఉన్నవారు వెబ్సైటులో (Click on the link) చూసుకోవచ్చు - రంగస్థల ప్రముఖులు  sectionలో

Here are few names:

  • అద్దంకి శ్రీరామమూర్తి
  • ఆంధ్ర నాటక కళాపరిషత్, తెనాలి
  • ఆంధ్ర సభ, చెన్నపురి
  • ఆరణి సత్యనారాయణ
  • చారుదత్తుడు - వసంతసేన
  • బొమ్మకంటి కృష్ణమూర్తి
  • బ్రహ్మజోస్యుల సుబ్బారావు
  • ఛత్రపూర్ జగన్మోహన్ థియేటర్, బందరు
  • చిలకమర్తి
  • సి.ఎస్.ఆర్
  • ధర్మవరము కృష్ణమాచార్యులు
  • డాక్టర్ జి.వి.సుబ్బారావు
  • ఈమని లక్ష్మణ స్వామి
  • జి.రాఘవేంద్ర రావు
  • హార్మోనిష్టులు
  • జోస్యుల శేషయ్య
  • కడియాల రత్తయ్య
  • ఉప్పలూరి సంజీవరావు
  • కందాడై శ్రీనివాసన్
  • కపిలవాయి రామనాధశాస్త్రి
  • కారుపర్తి నాగలింగం
  • కొచ్చెర్లకోట రంగారావు
  • కోలాచలం శ్రీనివాసరావు
  • లక్కరాజు విజయగోపాల్
  • మాధవపెద్ది వెంకటరామయ్య
  • మంగిపూడి రామలింగశాస్త్రి
  • మోతే నారాయణరావు
  • ముంజులూరి కృష్ణా రావు
  • ముప్పిడి జగ్గరాజు
  • ముత్తరాజు సుబ్బారావు
  • నెల్లూరి నాగరాజారావు
  • నిడసనమెట్టు కొండల రావు
  • పానుగంటి
  • పారుపల్లి సుబ్బారావు
  • పర్వతరెడ్డి రామచంద్రా రెడ్డి
  • ప్రతాపరుద్రీయము
  • పి.వి.రామానుజం శెట్టి
  • సింగరాజు నాగభూషణరావు
  • సీతారామాంజనేయ నాటక సమాజం, ఏలూరు
  • సొహ్రాబు - రుస్తుం
  • స్థానం నరసింహా రావు
  • సుసర్ల రామచంద్ర రావు
  • తాడిపత్రి రాఘవ
  • వడ్డాది సుబ్బారాయుడు
  • వడ్లమాని కుటుంబరావు
  • వంగల ఆంజనేయులు
  • వి.సి.గోపాలరత్నం
  • వేదము వెంకటరాయ శాస్త్రి
  • వెదురుమూడి శేషగిరిరావు
  • వెంపటి వెంకటేశ్వర్లు
  • వేమూరి రామారావు
  • వెంకటాచల అయ్యర్
  • వెంకట రమణయ్య
  • వీరబ్రహ్మాచార్యులు
  • యడవల్లి సూర్యనారాయణ రావు



భవదీయుడు
వంశీ

Monday, October 15, 2012

పోసికోలు బ్లాగర్లకు కాకుండా సరుకున్న బ్లాగర్లకు పనికొచ్చే వార్త!

ఉస్కుటపా బ్లాగర్లు, చెత్త కబుర్ల బ్లాగర్లు, పోసికోలు బ్లాగర్లకు కాకుండా సరుకున్న బ్లాగర్లకు పనికొచ్చే వార్త!

ఇదిగో ఇక్కడ....


LINK

1900 ల్లోని పుస్తకాలు ఒక ఇండెక్సు ప్రకారం, తెలుగులో టైటిల్సుతో ఉన్న పుస్తకాలు పి.డి.ఎఫ్ రూపంలో కావాలంటే అక్కడ నొక్కండి.....దించుకోండి....చదువుకోండి....ఆనందించండి....

కాదూ, కూడదు, కానేరదు - మాకు డి.ఎల్.ఐ సైటే యహ్హాహు, ఉహ్హాహూ అనుకుంటే  ఈ లంకెలో నేనెప్పుడో తయారు చేసిపెట్టుకున్న ఎక్సెల్ షీట్లు దించుకుని అక్కడున్న పేర్లతో , డి.ఎల్.ఐ కెళ్ళాక సెర్చి చేస్కోండి...

ఆనందో బ్రహ్మ

భవదీయుడు
వంశీ

Sunday, October 14, 2012

పేడతో పిడకలెలా చేస్తారండీ?

నాకు చదువరి గారంటేనూ, తాడేపల్లి గారంటేనూ బోల్డంత అభిమానం..."ముఖ"పరిచయం లేకపోయినా ముఖపరిచయం ఉన్నది....చదువరిగారు రెండేళ్ళ క్రితం కామోసు,రెండున్నరేళ్ళ క్రితమో సరిగ్గా గుర్తుకులేదు  ఓ రోజు ఈమెయిలు కొట్టి "పొద్దు"కో వ్యాసం పంపించు మహానుభావా అని అడగ్గానే ఉద్రేకమొచ్చి ఇంతలావుది రాసి పంపిచ్చా......అదే ఇది....

ఇప్పుడు ఇక్కడెందుకేసానంటే ఇంతకు ముందు రెండు పోష్టుల్లో చెప్పిన కారణమే....

ఇది కొంతమందికి అప్పుడు నచ్చింది, అదే మనుషులకు ఇప్పుడు నచ్చుతుందా అంటే చెప్పలేను....తేడాలొచ్చినై ఆ మనుషుల్లో, మనసుల్లో....

అదలా పక్కనెడితే పూర్ణిమ అని ఒహావిడెవరో అర్థమై చావలేదని నోరుపారేసుకోటం, నేను దానిమీద కామెంటు పారేసుకోటం కూడా జరిగినట్టు గుర్తు....

సర్లే ఏదైతేనేం,  గతమే గతః ప్రస్తుతః ఆ పాతః ఆర్టికలః ఇక్కడః చదువః



*********************************************


సాహిత్యమంటే రసప్రపంచం. మరి రసమంటే ఏమిటీ? మావిడి రసమా? అల్లం రసమా? చింతపండు రసమా? టమాటా రసమా?

ఈ పైన చెప్పినవి విడివిడిగా కాదుకానీ, ఇలాటి రసాలు అన్నీ మష్తిష్క మర్దనంతో బయటకు తీసి, కలమనే రాచిప్పలో పోసి కలగలపేసి సాహిత్యలోక సరస్వతీ దేవికి నైవేద్యంగా అర్పించిన ఈ రసమే ఆ రసము - అదే పరబ్రహ్మ స్వరూపం అంటారా. మీరు నక్కతోక తొక్కి నాకలోకంలో పడ్డ నా తోటి జతగాళ్లు.

ఎవరో సరిగ్గా గుర్తులేదు కానీ, ఒక పెద్దాయన ఏదో వ్యాసంలో వారి కాలం నాటి సాహిత్యం, పాండిత్యం, పండితులు, సారస్వతం గురించి వ్రాస్తూ ఒక పిట్టకథ చెబుతారు

"పూర్వం ఒక పండితుడు ఓ పండితసభలో పాల్గొంటూ- ఇంతమంది పండితులు "రసము" గూర్చి తలో రీతిగా బుట్టెడు రచనలు చేసారు, మాటలు చెప్పారు. అవి అన్నీ పక్కనబెట్టెయ్యండి. సులువుగా నేను ఒకే ఒక్క పద్యంలో చెపుతాను వినండి అని "పాలు గోరెడు మార్జాల పరివృఢుండు." అని ఆ సభలోకి ఒక బిందువు విసిరాట్ట. ఇందులో రసమెక్కడుందండీ అని అడిగితే - పాలకు మించిన రసమెక్కడున్నదయ్యా అని ఆ పండితులవారి జవాబు. మరి పద్యమంటారు, పద్యానికి నాలుగు పాదాలుండాలి కదయ్యా? అని అడిగితే - పిల్లికి ఉన్నవి చాలుకదయ్యా అన్నారట సదరు పండితులవారు."

ఈ పిట్టకథ చెప్పడమైపోయాక ఒక మాట అంటారు. మా తరంలోని ఈనాటి పండితమ్మన్యులు, సమకాలికులు భావదారిద్రోపేతమైన భావుకతని పుంజీలు పుంజీలుగా వేసి చేసిన ఆ నైవేద్యం జెష్టాదేవి నెత్తిన బెట్టి మా వాణీ గృహంలో నట్టనడయాడిస్తున్నారు అని బాధ పడతారు. ఇవే మాటలు ఇప్పటి పాండిత్యానికి, పండితులకు అన్వయించి చూసుకుంటే ఆ పెద్దాయన మాట, ముందుచూపు, ఆవేదన నభూతో నభవిష్యతి. 

అసలు గొడవేమిటయ్యా ? ఈ వ్యాసం ఉద్దేశమేమిటి? ఈ ఉదాహరణలేమిటి? పిట్టకథలేమిటి? అర్థం కాకుండా మొదలెట్టావు, ఏ సముద్రంలోకి విసిరేస్తావో చెప్పు బాబూ! అసలే ఈత కూడా రాదు నాకు.

అయ్యా...అక్కడికి రావాలనే ఈ ప్రయత్నం. సాహిత్య భాష వేరు, సాహిత్య రసం వేరు, దాని రుచి వేరు అని చెప్పటం ఈ వ్యాసం ఉద్దేశమండీ! వ్యాకరణం లేని వ్యవహారిక భాషా ప్రజ్ఞా పాటవాలతో పాఠకుడి చేతికి అంజనం పూసిన చందంగా పదచిత్రీకరణ చేసే ఈనాటి పండితమ్మన్యుల కోసం రాస్తున్న వ్యాసమిది! కావున మీరు కొద్దిగా ఓర్పు సహనం నేర్చుకోవాలి, అభ్యసించాలి, అనుభవించాలి.

ఓహో అలాగా! ఐతే మొదలెట్టు మరి

సాహిత్య భాషకి కొన్ని ద్రవ్యాలు అవసరమండీ! అన్నిటికన్నా ముఖ్యమైన ద్రవ్యం - చిత్తం భ్రమించిన కవి, రచయిత.

ఏమిటీ మతి చెడినవాడా కవీ, రచయిత అంటేనూ?. వేళాకోళంగా ఉందా నీకు

చిత్త భ్రమ అనగా సదరు కవీ ,  రచయిత చిత్తప్రవృత్తిగా అర్థం చేసుకోవాలి తమరు.

ఓహో అలాగా ! మరి తరువాతి ఔపచారిక ద్రవ్యాల సంగతో?

రెండవ ద్రవ్యం, వస్తువు అనగా చిత్తభ్రమణానికి కారణభూతమైన రసం.

ఓ పైత్య రసమన్నమట.

పైత్యమో, పిండమో ఇప్పటికి పక్కనబెట్టి మూడవ ద్రవ్యాన్ని చూస్తే - అది ఆదిమానవ రూపంలో సంచరిస్తున్న పాఠకుడు.

ఏమిటీ పాఠకుడనేవాడు ఆదిమానవుడా?

అవును ఆదిమానవుడే. ప్రకృతి పురుషుడు. మీ సౌలభ్యం కోసం ఈ ఆదిమానవుల సమూహాన్ని మూడు తండాల్లోకి విభజించవచ్చు.

ఇందులో నా సౌలభ్యం ఏమిటీ! తమరి సమాధి.

చిత్తభ్రాంతి, చిత్తభ్రమణం గురించి మాట్లాడుకున్నప్పుడు సమాధి ప్రస్తావన చాలా ఔచిత్యంగా ఉంది. అనగా మీకు కొద్దిగా మెదడు ఉందని నా ఎఱికకు వచ్చింది.. సరే సమాధి సంగతి పక్కనబెట్టి సమూహాల్లోకి వస్తే - మొదటి తండా ఏ చిత్తభ్రమణ పైత్య రసాన్నైనా ఆనందించే సహృదయ తండా. రెండవ తండా పైత్యరసాన్ని మింగలేక కక్కలేక వాంతిభ్రాంతిలో పడికొట్టుకునే సామాన్య ప్రజానీకతండా. ఇహ మూడవ తండా పైత్య రసాన్ని ఏమాత్రమూ తట్టుకోలేక వమనం చేసే పండిత తండా.

ఓరి నీ తండాల పిండం తిండూలాలెత్తుకెళ్లా. ఇదేదో కొద్దిగా అర్థమయ్యీ అర్థమవనట్టుగా ఉందే!  ఆదిమానవులంటావు, ప్రజానీక తండా, పండితుల తండా అంటావు...? పనసపండు తెచ్చి పళ్ళెంలో పెడితే తినలేని అల్లుడు దిక్కు దిక్కులు చూసాడట అలా ఉంది నా పరిస్థితి.

వస్తా అక్కడికి తర్వాత వస్తానండీ! ముందు చిత్తభ్రమణాన్ని, చిత్తులనీ వర్ణించనివ్వండి!

ఇదేదో ఆసక్తిగా ఉండేట్టుంది. సరిగ్గా సద్దుకుని కూర్చోనీ. నీ చిత్తుకాయితాల ఘోష అంతా అయిపోయాక నేను చిత్తభ్రమణమూ, పైత్యమూ గూర్చి లఘు సిద్ధాంత వ్యాసం సమర్పించుకోవచ్చునేమో!!

చిత్తులు స్థూలంగా మూడు రకాలు, వారికి కలిగే చిత్తభ్రమణాలు మటుకు కోకొల్లలు

ఏమీటేమిటీ? చిత్తులు మూడే రకాలా? భ్రమణాలు మటుకు కోకొల్లలా?

అవును. మొదటి రకం చిత్తులు - వీరు సాత్విక స్వభావ చిత్తులు. అనగా చిత్తం భ్రమించినా అది సాత్విక రూపంలో, రాళ్లూ గట్రా విసిరెయ్యక మెత్తనైన పూలు విసురుతుంది. వాడే భాష దోషరహితంగా, నాజూకైన నగలతో అనగా అలంకారాలతో ఉంటుంది. కవి గారూ అంతకు తగ్గట్టుగా సున్నిత మనస్కులై ఉంటారు. ఎంత సున్నితమంటే కంది పచ్చడి తిని కందిపోయేంత.

పెద్దన గారూ, పోతన గార్లాంటోళ్లన్నమాట.

అవునండీ. మీకు కొద్దిగా జ్ఞానముందన్న సంగతి ఇప్పుడిప్పుడే తెలుస్తోంది నాకు. సరే విషయం...విషయంలోకి వస్తూ ఆడసింహం సంగతి తెలుసుగా, నెమ్మదిగా చక్కగా నోట్లో కరుచుకుని పిల్లలని తీసుకునిపోయినట్టు, వీళ్ల రాతలతో ఆదిమానవుణ్ణి వాళ్లెంబడి ఊయల్లో ఊగించుకుంటూ తీసుకునిపోతారన్నమాట. 

ఓహో బాగుంది.

ఇహ రెండో రకం చిత్తులు. వీరిది చక్రవర్తి తనుజాయ సార్వభౌమాయ మంగళం పరిస్థితి. అనగా రాచరిక దర్పమన్నమాట. వీరు తమకున్న వ్యాకరణ వైవిధ్యంతో, ఛందోవైవిధ్యంతో ఆదిమానవులను సమ్మోహితులను చేసి లాక్కుపోతారన్నమాట. ఆ వైవిధ్యమూ, ఆ ఊపూ, ఆ రాచరికం ఆదిమానవుణ్ణి అలా పట్టేసుకోగా, రాజుగారెంబడి పడిపోతాడన్నమాట. రాజుగారెక్కడుంటే ఈ మానవుడక్కడే! ఇంకోలా చెప్పాలంటే - రక్తజఘన మర్కటం తెలుసు కదండీ. ఆ మర్కటం తన పిల్లలని సింహంలా నోట్లో కరుచుకుని తీసుకుపోదు. పిల్లలే తల్లిని కరుచుకుని తల్లితో పాటూ పోతూ ఉంటాయి...అలాగన్నమాట

అంటే శ్రీనాథుడు, మన కృష్ణదేవరాయలవారి ఆస్థానంలోని వికటకవిగారూ, ఈ శతాబ్దంలో విశ్వనాథ, ఛందోబద్ధ శ్రీశ్రీ లాంటోళ్ళా?

అవునండీ. ఉద్భటారాధ్యచరిత్రలా మధ్యలో మీ ఆర్భాటగోలారాధ్యచరిత్ర మాని చెప్పేది వినండి.

సరే చెప్పు

ఇహ మూడవ రకం చిత్తులు. వీరు మశక రకాలన్నమాట. గుడ్లు పెట్టేసి మళ్లీ కనపడకుండా పారిపోయే జాతి. వీరికున్న రక్తవే స్వాహా! రక్తవే స్వాహా! గుణంతో రక్తాన్ని పీల్చటమే కాక, తమ రచనా వైదుష్యంతో మెదడువాపు వ్యాధి విస్తృత పరిచి తమ వంతు కృషి చేస్తూ జీవిత సాఫల్యం పొందుతారు. భాష మీద పట్టు సంపాదించుకోరు, వ్యాకరణం అంటే తెలీదు. ఆ పైన వీరు వదిలి వెళ్లిన గుడ్లలో నుండి పుట్టలు పుట్టలుగా పుట్టుకొచ్చిన మశకాలతో మరిన్ని తిప్పలు.

అనగా ఈనాటి రచయితలు, కవులూ అంతా మశకాలని నీ ఉద్దేశమా?

అవును మార్తాండతేజా. ముప్పాతిక శాతం మంది మశకాలే. ఏమిటీ తమరి కనుగుడ్లకేమయ్యింది. అలా పితుక్కొని బయటకొచ్చినాయి?

ఇంకొంచెంసేపు ఈ వివరణాత్మక పైత్యాన్ని వింటే మొత్తం ఊడిపోయి దొర్లుకుంటూ ఆ హిందూ మహాసముద్రంలో కలిసిపోయి సొరచేపలకు ఆహరమైపోతాయేమోనన్నంత భయంగా ఉందయ్యా!

పోనీ అలాగైనా ప్రశాంత కబోది జీవనం గడపొచ్చు మీరు. మీ జాతకంలో ఇదివరకే రాసేసి ఉండి ఉండవచ్చు.

ఆపవయ్యా! కబోది జీవనం నాకెందుకు గానీ, ఇలాటి చిత్తులను, వారి భ్రమణములను తట్టుకొను మార్గము విశదీకరించు!

చిత్తులకు బోధి వృక్షం కింద బోధ చెయ్యాలి.  ముందు మనసనే సాన మీద రచనను జాగ్రత్తగా అరగదీసుకోమని. అరగదీసాక గంధమొస్తే పంచమని. దుర్గంధమొస్తే తనే , అట్టిపెట్టుకోమని.

ఎవరి కంపు వారికింపు అన్న చందమన్న మాట. మరి వారి కంపు వారికి బానే ఉంటుందిగా

అదే వచ్చిన చిక్కు. అయితే  ఉపాయమున్నది. ఒక్కటే ఒక్క పుస్తకభేది మాత్ర.. జాడ్యం కొద్దీ మందు...అసామన్యమైన జాడ్యానికి మాంచి ఘాటున్న మందు కానీ పనిచెయ్యదు. అలాటిదే ఈ పుస్తకభేది మాత్ర. క్షోభపు రాతలు రాసిన కవీ, రచయితను పండిత తండాలోని ఆదిమానవులు ఒక కరివేపాకు చెట్టుకు కట్టేసి, బలవంతాన తెరిచి పుస్తకభేది మాత్ర ఆయన నోట్టోనూ, కొద్దిగా ఆయన కలంలోనూ వెయ్యటమే. కుదరకపోతే, అనగా పిల్లి మెడలో గంట నే గట్టలేననుకుంటే మీరు దాన్ని వేసుగుని కూర్చోటమే! ఈ మాత్ర ఒకటి చిల్లికుండలో వేస్తే చిల్లు పూడి కారే నీళ్ళు కూడా ఠక్కున ఆగిపోయినాయని నిన్న మా మిత్రుడొకాయన చెప్పాడు. 

అనగా వారి రచనలను బహిష్కరించడమన్నమాట. బాగుంది. అది సరేనయ్యా! ఒక ప్రశ్న. ఒక గజ ఈతగాడున్నాడు. ఆయన ఏ ఏటికి అడ్డంపడినా ఒకటే ఈత పద్ధతి పాటిస్తాడా?

లేదండీ ఒకసారి కుక్కలాగా ఈదొచ్చు, ఒకసారి మొసలిలాగా ఈదొచ్చు, ఆయాసమొస్తే కాళ్ళూ చేతులు ఎగేసి వెల్లకిలా కూడా ఈదొచ్చు.

మరి అలానే వ్యావహారిక భాషతో వివిధ రకాలైన ఈతలు కొట్టొచ్చుగా సాహిత్యమనే ఏట్లో?

ఎవరికి వారు ఈతరాకున్నా గజ ఈతగాడనుకోని  ఏలాగున ఈదినా, ప్రాణాలు నిలబడేందుకు పీల్చే గాలి ప్రధానమవునా కాదా ! 

అవును గాలే ప్రధానం. పైత్యానికి మందే విధానం.  మరి ఈ పరిస్థితి నుండి బయటపడాలంటే ఏమి చెయ్యాలో మరి చెప్పవయ్యా

పలికెడిది భారతంబట
పలికించెడి విభుడు వ్యాసభగవానుండట

కందువ మాటలు, సామెతలు, నుడికారాలు, పలుకుబడులు పసందు వేసి మాలగా గుచ్చిన రచన, కవిత - ఆదిమానవుల మెదడు వికసించటానికి ఒక అద్భుతమైన సాధనంగా ఉపకరిస్తుందండీ. లేకుంటే మూగ చెవిటి సంవాదమే !

ఇంతకీ వేరేవాళ్లవి వికసించడానికే రచనలు చేయాలంటావు. మరి అసలు శాల్తీ వికాసమెక్కడ?

అదే చెపుతూంట ఇంతసేపు. మీరు అటు బభ్రాజమానమూ కాక, ఇటు వైశంపాయనులూ కాక మధ్యస్థంగా వున్నారు. అక్కడ వచ్చింది చిక్కు


ఓహో! ఆ మధ్య ఇలాటి రచనొకటి చదివి నేను చెవిటివాడినా, మూగవాడినా అనేది అర్థం కాలా! ఇప్పుడు కళ్లు తెరుచుకున్నాయి. మరి రసమన్నావు దాని సంగతి కూడా చెబుతావా ? అసలు ఈ రసమెట్లా పుడుతుందయ్యా?

ఆలంబన, ఉద్దీపన ఈ రెండు పదార్థాల సంయోగంతో రసం పుడుతుందండీ.

అర్థం కాలా! ఏదీ ఒక ఉదాహరణ ఇలా పడెయ్యి

ఒక హరిణం అలా వయ్యారంగా అడుగులేస్తూ అడవిలో పోతూ ఉందనుకుందాం. వేటగాడికి లేడి ఆలంబన, అడవి ఉద్దీపన. అడవి అనే పరిసరం ఈ వేటగాడికి ఉద్దీపన కలిగిస్తే, వేటాడాలనే ఉత్సాహానికి లేడి ఆలంబన.

మరి వేటాడితే లేడికి పరలోకప్రాప్తేగా?

వేటాడేంతవరకూ రసప్రాప్తి, వేట ముగియడంతో రస సమాప్తి.

ఓహో! అంటే రచయిత అనేవాడు ఆదిమానవుణ్ణి తన భావ, భాషా సామర్థ్యంతో ఎంతసేపు ఆ వేట అనే ఆటలో నిలపగలడో అంతసేపూ రసం ఊరుతూనే ఉంటుందన్నమాట. బాగుందయ్యా.

అబ్బా! భలే పట్టేసారే కిటుకు. మీకున్నపాటి జ్ఞానం ఈ కాలపు రచయితలకుంటే ఎంత బాగుండు! ఇంకొద్ది వివరణతో సాహిత్య రసానికొస్తే - ఈ రసం రెండు రకాలు. బుద్ధితో వ్రాయగా వచ్చే రసం ఒక రకం, హృదయంతో వ్రాయగా వచ్చే రసం ఒక రకం. బుద్ధితో వ్రాసేది తనకున్న పాండిత్యాన్నీ, తెలివితేటలను లోకానికి పంచే రసం. పేరు ప్రఖ్యాతులనాశించో, పట్టాల కోసమో వ్రాసే రచనలు ఈ రసాన్ని బహు పుష్టిగా కలిగుంటాయి. ఇక హృదయంతో వ్రాసే రచనలు అనుభూతులతో కూడి, సంస్కారాన్ని వృద్ధి పరచే రసాన్ని కలిగుంటాయి.. మనకున్న సారస్వత చరిత్రను జాగ్రత్తగా గమనించండి. కాలపరీక్షకు నిలబడ్డవన్నీ హృదయ సంబంధమైనవే ఐతే అలా నిలబడ్డ రచనలన్నిటికీ ఒక గుణం ఉన్నది. ఆ రచన చేసిన సాహితీ స్రష్టకు తన రచన గూర్చి స్పష్టమైన అవగాహన ఉన్నది. ఆ రచన ఒకే కక్ష్యలో స్థిరంగా తిరుగుతూ ఉంటుంది.

కక్ష్య ఏమిటి నాయనా? రచనేమన్నా గ్రహమా? ఉపగ్రహమా? మూస పోసిన మూకుడా?

ఒక ఇతివృత్తాన్ని పట్టుకున్నప్పుడు, ఆ ఇతివృత్త పరిధే కక్ష్య. పరిధి దాటితే తోకచుక్కైపోయి రాలిపోటమే.

ఐతే పరిధి గీసుకుని రసాలు ఊరించాలంటావు

ఇతివృత్తం మీద స్పష్టమైన అవగాహన, దాని పరిధి తెలుసుకుంటే చాలని మూకుడు మీద మూత వేసి చెప్పటమైనదండీ

ఓహో! బాగుంది. చాలా బాగుంది. మరి ఈనాటి రచనలు…?

ఈనాటి రచనల కక్ష్య ఏది? లక్ష్యమేది?

మరి ఏ రచనైనా నువ్వు చెప్పిన కక్ష్యలో సంచారం చెయ్యడానికి……

రచనకు వాక్యనిర్మాణం ముఖ్యం, వ్యాకరణం మరింత ముఖ్యం. ఏ భాషైనా వాక్యనిర్మాణం వల్లే వేరే భాష నుండి వేరవుతుంది. సందర్భోచితమో, వ్యావహారికమో, అలంకారికమో - ఏదైనా కానీ నిర్మాణ పాత్రను పూర్తిచేసుకునున్న వాక్యాల్ని ఏరుకుని, చక్కగా గుది గుచ్చుకోవాలి. కక్ష్య పరిధి అవగాహనకు తెచ్చుకుని రచనకు పూనుకోవాలి. ఆలాటి రచనే రచనా ప్రపంచంలో స్థిర సంచారం చేస్తుంది. శాశ్వతంగా నిలబడిపోతుంది... ఆదిమానవుడిలో స్థాయీ భావాలను ప్రేరేపించాలి, వ్యాకరణంతో దాహార్తిని చల్లార్చాలి, భాషా హొయలతో ఉద్రేక పరచాలి, ఆ ఉద్రేకంలో నుంచి ఉద్భవించిన ఆనందం అనుభవించేట్టు చెయ్యాలి. ఆ పైన ఇతర వేదనలను మరిపింపచేస్తే రస భోగం అనుభవమవుతుంది. రచనకు సార్థకత్వమేర్పడుతుంది. పాత సాహిత్యం, ఆయా రచయితలు చేసిన పని అదే

ఓహో తెరచాప వేసినట్టు ఇన్ని చాపలు "పరచాలి" అన్నమాట…..గతకాలము మేలు వచ్చు కాలము కంటెన్ ! అని అంటావన్నమాట ఐతే.

ఆ మాట మీరు చెప్పాలె.

మరి ఈనాటి రచనలు ఏలాగున ఉన్నాయో కూడా ఓ మాట జెప్పు

తిక్కనను మార్క్సిస్టు దృక్పథంతోనూ, విశ్వనాథను వ్యంగ్యాత్మక దృక్పథంతోనూ చూడాలని వాదిస్తే ఎలాగుంటుంది? అలాగుంటున్నాయన్నమాట. దోసెడంత వీధిలో కృష్ణవేణమ్మను తమ పైత్యరసంతో నింపి కుళ్ళుకాలవలా దుర్గంధాలతో పరుగులెత్తిస్తున్నారు. చిత్రగుప్తుని చిట్టాలన్నీ చింపేసి ఆయనకే చిట్టి కవిత రాసిచ్చేవాడు ఈనాటి కవీ, రచయితానూ.. వ్యావహారిక భాషనుకుంటూ కట్టె కొట్టె తెచ్చె అన్న చందంగా రచనలు చెయ్యడమూ, కవితలు వ్రాయడమూ..పేలపిండిలా ఆ పదార్థాన్ని ఆదిమానవుల మీద దులపడమూ ...ఇదీ మశకాలు చేస్తూన్న పని

మరి ఎలాగుండాలో కూడా చెప్పెయ్యొచ్చుగా

పూర్వ శబ్ద స్వరూపాన్ని ప్రామాణికంగా గ్రహించలేనప్పుడు, ఆ ప్రామాణికతను సమకాలీన శబ్దానికి అన్వయించి ఆ శబ్దాన్ని ప్రామాణికంగా మార్చలేనప్పుడు రచనకు పూనుకునే సాహసం చెయ్యవద్దు. వీలుచేసుకుని రచనకు పూనుకునే ముందు పాత సాహిత్యాన్ని చదవాలి..అందులోని రచనా పద్ధతులని తెలుసుకోవాలి, నైపుణ్యాన్ని అలవర్చుకోవాలి ...వ్రాసి వ్రాసి చిత్తుకాగితాలు తగలేసి నెత్తికి గండభేరుండ తైలం రాసుకోవాలి. వ్రాసిన వ్రాతల్లో ఎక్కడో ఒకచోట తనను తాను చూసుకుని నవ్వుకోటమో, ఏడవటమో చేస్తే ఆ రచన నెమ్మదిగా రాటు దేల్తుంది. లేకుంటే రచన రాచపుండై వ్రాసినోడినే కాక ఇతరుల వెన్నెముకల్ని కూడా బాధపెడుతుందన్నమాట.
  
మరి ఆ ప్రామాణికత ఎవరు నిర్ణయిస్తారయ్యా?

పేడతో పిడకలెలా చేస్తారండీ?

ఓ వేసావే బ్రహ్మాండమైన దెబ్బ! మరి నీ వాక్య నిర్మాణం మీద నీకు ఎంత పట్టుంది ?

అందుకే నేను రచయితనూ కాను, కవినీ కాను. ఆదిమానవుణ్ణి.

అదిగో ...ఈ ఘోషలో వాగాడంబరమే తప్ప అసలు అంబరం లేదని కొందరు అంటున్నారయ్యా

ఓ వారా! వారికో కొత్త తండా ఏర్పాటు చెయ్యవలసిందే!!