Friday, March 21, 2008

కరోడ్గిరి నాకా అనే పదానికి అర్ధం ఏమిటి ?

నిన్న నా వాహనానికి రోగం వచ్చి మూలుగుతూ ఉంటే, ఆఫీసుకి మా ఇంటి దగ్గరలోనే ఉన్న లైట్ రైల్ స్టేషన్ నుండి రైలెక్కి వెళ్ళా..సాయంత్రం పూట ఆఫీసునుండి తిరిగి వస్తున్నప్పుడు అదే ట్రెయిన్లో ఇద్దరు తెలంగాణా పెద్దవాళ్ళు కూడా ఉన్నారు...సుమారు 60-65 యేళ్ళు ఉంటాయనుకుంటా ...నేను కూర్చున్న సీటుకి రెండు సీట్లవతల కూర్చున్నారు..

వాళ్ళల్లో వాళ్ళు కబుర్లు చెప్పుకుంటున్నప్పుడు ఒకాయన - "గా పోరడోళ్ళ అయ్య కరోడ్గిరి నాకా లో పంజేశెటోడు. అందుల మస్తు మతలబు జేశిండులే, కొడ్కుని ఇరగదీశుర్రు" అనటం వినపడింది...ఈ కరోడ్ గిరి నాకా / కరోడ్గిరి నాకా అనే పదానికి అర్ధం ఏమిటి ?

ఈ మాటన్న ఆయన్నే అడుగుదాం అంటే ఎగాదిగా చూస్తాడేమో అని ఒకవైపు, తెలంగాణాలో పెరిగి ఈ మాట కూడా తెలీలేదే అన్న అభిమానం ఒకవైపు కత్తులు తీసుకుని కొద్ది సేపు కదనరంగంలో కొట్టుకున్నాయి. చివరికి ఆయన్నే అడుగుదాము అని నిశ్చయయించుకునేలోపు నాకు "కరోడ్గిరి నాకా" ను వదిలి వాళ్ళు ఇద్దరూ చక్కా దిగిపోయారు..

"నాకా" అంటే ఆఫీసు అని తెలుసు కానీ - కరోడ్గిరి, కరోడ్ గిరి సంగతి తెలియాలి

6 comments:

  1. "చక్కా" అంటే ఎంటి?

    ReplyDelete
  2. @chava @anurup

    chakka digipoyaru... ante.. check post ani emo kanee...

    naaku maatram .... akkada situtation prakaram ...." ento chakkaga digipoyaru" anatanni... koddiga vyangyamgaa rayataniki .... enchakka ani oka padabandham vaadutaru.... ani maatram telusu.... okavela telanganalo chakka ante checkpost ayite...nenu oka padam nerchukunnaatu....

    ReplyDelete
  3. nenu cheppindi .. karodgiri naka ante checkpost ani ..

    ReplyDelete
  4. నాకా అంటే పోలీస్ స్టేషన్. కరోడ్ గిరి పోలీస్ స్తేషన్ కావొచ్చు.

    ReplyDelete