Tuesday, September 25, 2007

ఇది సాహిత్యమా , లేక ఇంకేదన్నానా...

బాబోయి....నాయనోయి.... కెవ్వు కెవ్వు కెవ్వు...ఇది సాహిత్యమా , లేక ఇంకేదన్నానా...
రాత్రి అదేదో చానెల్ లో వెంకటేశ్, సౌందర్యల పాట ఒకటి ఇలా సాగుతోంది

కాలం కలిసొస్తే
దేవుడు దిగివస్తే
మంచం మీదకి
నలగని బెడ్ షీటే అడగాలి

అని ఉదిత్ నారాయణుడు - వెంకి బాబుకి గాత్రం ధారపోసి

రాజస్థాన్ లో
ఒంటెలకన్నా
నువ్వే హైటేలే

అని ఆ పాడిన ఆవిడ ఎవరో కూడా తెలీకుండా - సౌందర్య గారు రెచ్చిపోయి పాడుకుంటున్నారు...

అప్పుడే భోజనం చేసి కుర్చీలో కూర్చున్నానేమో... ఆ పాట సాహిత్యం విని కడుపులో అంతా దేవేసి ఏవన్నా అవుతుందేమో అని భయం వేసింది

సిగ్గుతో తలదించుకోవాలండి, మన సినిమా సాహిత్యం ఇంతలా దిగజారిపోయినందుకు, పోతున్నందుకు...ఈ దిక్కుమాలిన సినిమాలు చూడటం కన్నా, ఇలాంటి పాటలు వినడం కన్నా ఊర్లో అందరి ఇళ్ళ ముందు కళ్ళాపి జల్లుకోవటం మంచిది.మిగిలిన ఊర్ల సంగతి ఏమో కానీ, మా ఊర్లో అయితే కళ్ళాపి ఇంకా జల్లుకుంటున్నారు...అసలు కళ్ళాపి అంటే ఏమిటి అని అడిగే దురదృష్టమయిన రోజు రాకూడదు అని కోరుకుంటూ....

2 comments: