Friday, August 10, 2007

బుర్ర అనే తుట్టెని కదిపితే?

ఎప్పుడో చదువుకున్న కొన్ని పొడుపు కథలు కొన్ని ఇవిగో..నెమ్మదిగా బుర్ర అనే తుట్టెని కదిపితే వచ్చిన మధురమయిన తేనియ చినుకులు


కాళ్ళు గల్గియుండు, గదల దట్టిట్టును
నోరు లేదు, పెక్కునీరు ద్రావు
తనకు నుసురు లేదు, తరువుల భక్షించు
దీని భావమేమి తిరుమలేశా ?

గంధపుసాన

నేలం బడి పొరలాడును
గాలికి నోరావలించి గ్రక్కున మ్రింగు ్
తూలించుచుండు మంటల
నాలస్యము లేక చెప్ప నగు నది యేదో?

కొలిమితిత్తి


ఆకసమున నుండు నది పక్షియును గాదు
తోక గల్గి యుండు మేక గాదు
త్రాడు గలిగియుండు దలప నెద్దును గాదు
దీని భావమేమి తిరుమలేశా?


గాలిపటం లేదా గాలిపడగ


కడుపు మిగుల బెద్ద కాళ్ళుసేతులు లేవు
కంట గూడు మెక్కు కలహకంఠి
అంటిన మొరపెట్టు నది యేమి చోద్యమో
దీని భావమేమి తిరుమలేశా!


మద్దెల

1 comment:

  1. "బుర్ర అనే తుట్టెని కదిపితే?"
    మీరు బ్లాగ్ చాలా బాగుంది
    మీ బ్లాగ్ లో కవితలు ఇంకా బాగున్నై
    మీరు ఇదంతా తెలుగు వ్రాయటానికి quillpad.in/telugu వాడేర

    ReplyDelete